EZEKIEL 18:30 - BUKUIT NE TILIIL Sireet ne Dutero Kanon

³⁰ Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

Bukuit Ne Tilil

³⁰ Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

BUKUIT NE TILIL

³⁰ Aruokwok anyun, ee gotab Israel, chi age tugul ko u ortinwekyik, mwaei Kiptaiyat Jehovah. Oweege, ak owalage, omete bistaosiekwok tugul; si maek tengekto ng’emisieng’wong’.

EZEKIEL 18:30 ပူးပေါင်းရင်းမြစ်များ

EZRAH 10:11

Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

AMDOINDET 12:14

Amu ipchin Kamuktaindet poisyet age tugul kapkirwooget, kobooto kiit age tugul ne ung'aat, ngo kiy ne myee anan ngo ne ya.

AMDOINDET 3:17

Ki amwa eng' muguleldanyu ale, “Tuun irwookyin `Kamuktaindet piik che po iman ak che yaach. Amu mi peetuut ne po ng'olyoot age tugul, ak ne po poisyet age tugul.”

ISAIAH 21:12

Mwaei riibindet kole, “Kagoeech, ak konyonei kogeny kemout. Ngot omache oteep, oteep; oweege, obwa.”

ISAIAH 59:20

Ak konyo katyagindet Zion, ak konyonji icheek che po Jakobo che metoi pistoet, mwaei Kamuktaindet ne Toroor.

JEREMIA 25:5

komwaei kole, ingoweek age tugul eng' okweek, kometo ooreennyi ne ya, ak eng' yaityetap poisyonikwok, ak omeny emet ne ki koonok Kamuktaindet ne Toroor kobooto kwanisyekwok, kobooch keny agoi koigeny;

JEREMIA 3:22

Oweege, okweek lagok che ki ogetyigei let, si asoop kachuchugeng'wong' pogei. Ak owolu oleen, Kagibwonjin, amu ii Kamuktaindet ne Toroor, Kamuktaindennyo.

JEREMIA 35:15

Ak ki ayookwok kogeny otwogikyuk tugul che maotik, ang'eete karon miising' ak ayoogu icheek, amwae ale, Oweege anyun chii age tugul eng' ooreennyi ne ya, ak olitit poisyonikwok, amosup kamuktaik che teer oot icheek, si omeny emet ne ki agoonok kobooto kwanisyekwok: ago ma oep iit, anan ogasa iit.

JEREMIA 7:3

Mwaei Kamuktaindet ne Toroor ne po lugoosyek, Kamuktaindetap Israel kole: Olitit ortinwekwok ak poisyonikwok, si agoonok omeny yuto.

EZEKIEL 14:6

Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

EZEKIEL 18:21

Ago ngot koweek kiptengekyot kometo tengekwogikyik tugul che ki koyai, ak koriip ng'atuutikyuk tugul, ak koyai kiit ne po iman ak ne litit, kosabei iman, ma meei.

EZEKIEL 18:29

Ago mwaei kootap Israel kole, ma po iman ooreetap Kamuktaindet ne Toroor. Ee kootap Israel, tos ma po iman ortinwekyuk? Tos ma ortinwekwok che ma po iman?

EZEKIEL 24:14

Kamwae anee Kamuktaindet ne Toroor ng'olyoondoniito, isuldoi ak ayae nooto; ma weechigei let, amarira moo, amawale kabwaatutikyuk. Arwoogun icheek ko uu ortinweguk ak ko uu poisyoniguk, mwaei Kiptaiyat Kamuktaindet ne Toroor.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

EZEKIEL 33:20

Ago omwae ole, Ma po iman ooreetap Kiptaiyat. Ee kootap Israel, arwookyini age tugul eng' okweek ko uu ortinwekyik.

EZEKIEL 33:9

Ago, ngot iteechi kiptengekyot agobo ooreennyi, si koweek kometo oranooto, ama meto ooreennyi, komeei ineendet amu tengektanyi, ago kaisaru saboondang'ung'.

EZEKIEL 34:20

Mwachin anyun Kiptaiyat `Kamuktaindet ne Toroor icheek ko uu ni koleenji: Ogeero, arwookyini aneendet artet ne neraat eng' artet ne sagitat.

EZEKIEL 36:19

ak ki aseerchi icheek pororyosyek, ak ki kiyestoochi emotinwek: ki arwookyi icheek ko uu ortinwekwak ak ko uu poisyonikwak.

EZEKIEL 43:9

Ingoisto anyun nguno kugoinatennywa ak muuswegap laitorinikwak, kolooitena, si ameny kwenunnywa koigeny.

EZEKIEL 7:27

Riirei laitoryat, ak kilaakyi pounindet pananda, ak kinyalil eunegap piigap emet; ayachini icheek ko uu ooreenywa, ak arwookyini ko uu ye nyoljin; si konai icheek kole aa Kamuktaindet ne Toroor.

EZEKIEL 7:3

Kaityin anyun kagesunet, ak ayoogun nereegekyuk, ak arwoogun ko uu ortinweguk; ak aibun tuguuguk tugul che kiwechei.

HOSEA 12:6

Iweekyigei anyun Kamuktaindeng'ung': riip rireenet ak kirwooget, ak igen Kamuktaindeng'ung' kotugul.

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

MALAKI 3:18

Yeityo oweege ak obesye chiito ne po iman ak kiptengekyot, obesye ineendet ne otei Kamuktaindet ak ne maotei.”

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 25:32

Tuun kiyumji tainnyi pororyosyek tugul, ak kokwei icheek koobeesyo ko uu ye ibestos mestowot keechiirek ak ng'oroorek,

MATAYO 3:2

koleen, “Osigu, amu kagoriik pounatetap kipsengwet.”

MATAYO 3:8

Oii logoek che nyoljin siguunet.

LUKA 13:3

Amwaiwok ale, Achicha: ago, ngot ko mosigu okweek, olustosi okweek tugul ko uu nooto.

LUKA 13:5

Amwaiwok ale, Achicha: ago, ngot ko mosigu ak okweek, olustosi tugul ko uu nooto.”

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

JAKOBO 1:15

ak ye kagomanach mageet ne ya, koii tengekto; ak ye kagoeet tengekto, koii meet.

1 PETERO 1:17

Ak ngot oguure ineendet oleen Kwanda, ne irwoochi ko uu ole teptoi poisyetap chii age tugul, ama eng' tiytiyet, obendoti eng' kaiyweisyet eng' peetuusyekwok che omi ko oo toek:

NG'ANG'UTYET 2:16

Sigu anyun! Ngo ma uu nooto, anyoonjin achogu, ak anyoo aborye icheek eng' rotwetap chok ne po kutinnyu.

NG'ANG'UTYET 2:5

Ibwaat anyun ole ki ibute, ak isigu, ak iyai poisyonik che po tai. Ngot ko mesigu, anyoonjin ak anemu keldap taing'ung' eng' komostanyi.

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.