EZEKIEL 18:20 - BUKUIT NE TILIIL Sireet ne Dutero Kanon

²⁰ Meei chiito ne yaei tengekto: ma namei weeriit ng'oogistap kwandanyi, ama namei kwanda ng'oogistap weeriinnyi; tebee chiito ne po iman imandanyi, ak kotebee kiptengekyot tengektanyi.

Bukuit Ne Tilil

²⁰ Meei chiito ne yaei tengekto: ma namei weeriit ng'oogistap kwandanyi, ama namei kwanda ng'oogistap weeriinnyi; tebee chiito ne po iman imandanyi, ak kotebee kiptengekyot tengektanyi.

BUKUIT NE TILIL

²⁰ Meei chito ne yaei tengekto: manamei werit ng’ogistab kwandanyi, ama namei kwanda ng’ogistab werinnyi; tebe chito ne bo iman imandanyi, ak kotebe kiptengekyot tengektanyi.

EZEKIEL 18:20 ပူးပေါင်းရင်းမြစ်များ

1 LAITORINIK 14:13

Rirchi Israel tugul ineendet ak kotup. Ineendet ineegei ne po kap Jeroboam ne wendi kererit, amu koginyoorchi ineendet kiit ne myee eng' Kamuktaindet ne Toroor, Kamuktaindetap Israel, eng' kootap Jeroboam.

1 LAITORINIK 8:32

igas anyun eng' kipsengwet, ak iyai, irwooksechi otwogiguk, igikyi ineendet ne kalel, si inde kotebee metinnyi ortinwekyik. Iityi imanda ineendet ne po iman, igoochi ineendet ko uu imandanyi.

2 LAITORINIK 14:6

Ago ma par lagogap rumichooto, ko uu ye ki kisir eng' bukuitap Ng'atuutyetap Musa, ko uu ye ki ng'at Kamuktaindet ne Toroor, kole: “Ma kibarei kwanisyek amu lagok, anan kebar lagok amu kwanisyek; ago ki parei chii age tugul agobo tengektanyi.”

2 ATEPTAP PEETUUSYEK 25:4

Ago ma par lagokwak, ki yai ko uu ye ki kisir eng' Ng'atuutik che mi bukuitap Musa, ko uu ye kiga ng'at Kamuktaindet ne Toroor kole, “Mabegu kwanisyek agobo lagok, anan kobek lagok agobo kwanisyekwak; ago meei chii tugul agobo tengektanyi.”

2 ATEPTAP PEETUUSYEK 6:23

igas anyun eng' kipsengwet ak iyai. Ye irwooksechi otwogiguk, iyaakyi mugetuut ineendet ne kalel ak inde kotebee metinnyi ortinwekyik. Iityi imanda ineendet ne po iman, igoochi ko uu imandanyi.

2 ATEPTAP PEETUUSYEK 6:30

igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

KOMONG'U 32:33

Ago ki leenji `Kamuktaindet ne Toroor Musa, “Aistoi eng' bukuinnyu age tugul ne ki koyaiywo tengekto.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

EZEKIEL 14:14

agot nganda mi pichu somogu, Noah, Daniel, ak Job emonooto, ko kota saru saboonwekwak icheegei eng' imandanywa, mwaei Kiptaiyat Kamuktaindet ne Toroor.

EZEKIEL 14:16

ko agot nganda mi pichuuto somogu olooto, ko ko uu ye asabe, mwaei Kiptaiyat Kamuktaindet ne Toroor, koma saru icheek weeriik anan tiibiik; kisaru icheeget icheegei, ak koguber emet.

EZEKIEL 18:13

ne ki kogoito tuguuk si konyoorunee kelunet ne siirtoot, ak koip che tesatiin: tos sap chiichooto iman? Ma sabei: ki koyai tuguuchuuto tugul kiwechei: meei iman; tebee ineendet korotiikyik.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

EZEKIEL 18:4

Ogeero, chechuuk saboonwegap piik tugul; ko uu ye nenyu saboondap kwanda, ko nenyu agine saboondap weeriit: meei saboondap chiito ne yaei tengekto.

EZEKIEL 33:10

Ee inyee, weeriitap chii, mwachi kootap Israel ileenji, omwae ko uu ni ole: “Kanamech pistaosyekyok ak tengekwogikyok, ak kichuchui amu chooto; kimuktoi ano anyun kesapche?”

EZEKIEL 33:6

Ago ngot kogeer riibindet konyonei rotwetap chok, ama kuut iryageet, ama kiteechi piik, ak konyo rotwetap chok, ak kobar chii age tugul eng' kwenunnywa; kebare amu tengektanyi, ago amage korotiikyik eutap riibindet.

EZEKIEL 4:4

Ak iru kogeny isyep komostap kaataam, ak inde tengektap kootap Israel paragunnyi: iibe tengektonywa ko uu koitetap peetuusyek che isyebe komosato.

ATEPTAP LAWIK 10:17

“Amu nee si moam kagoochinetap tengekto eng' ole-tiliil? Amu tiliil miising' kot; kagogoonok ineendet nooto koip tengektap tuiyet, si koyai kagaigaet agobo icheek eng' taitap Kamuktaindet ne Toroor.

ATEPTAP LAWIK 16:22

ak kogesen anyun kweata tengekwogikwak tugul koba emet ole ma menyei chii, ak kounda artet kwo eng' olooto po surkwen.

ATEPTAP LAWIK 19:8

ak ibei tengektanyi chii age tugul ne amei, amu kareeny kioto tiliil ne po Kamuktaindet ne Toroor. King'etoi chiichooto eng' piikyik.

ATEPTAP LAWIK 5:1

“Ngo yai chii age tugul tengek, amu kagas ng'olyootap kayasyoet ak koek paoryat; ngo ki keer anan konai ama kong'aany, koibei anyun tengektanyi.

ATEPTAP LAWIK 5:17

“Ngo yai chii age tugul tengek ago nganda kama kongen, koyai kiy age tugul eng' tuguuchooto ki ng'at Kamuktaindet ne Toroor kole amat keyai, konamei anyun ineendet tengekto ui tugul, ak ibei tengektanyi.

KAITOSYEK 15:31

Amu kasas ng'olyootap Kamuktaindet ne Toroor ak kagobut ng'atuutyennyi, king'etoi chiichooto kobet. Tebee ineendet tengektanyi.”

KAITOSYEK 18:1

Ki leenji `Kamuktaindet ne Toroor Aron, “Oibe tengektap ole-tiliil, inyee ak weeriiguk ak kootap kwanisyeguk. Oibe okweegei tengektap tiseinateng'wong', inyee ak weeriiguk.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

NG'ATUTIK 24:16

“Ma kibarei kwanisyek amu lagok anan kebar lagok amu kwanisyek. Ago ki parei chii age tugul ineegei agobo tengektanyi.”

HEBRANIK 9:28

ko uu nooto Kristo agine, kingo kagigoito konyil agenge si koip tengekwogigap che chaang', ko tuun taagu ne po aeng', ma agobo tengek, ago agobo icheek che igeni ineendet agoi yetunet.

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 20:12

Ak ki ageer che ki kobek, che eecheen ak che mengeechen, kotonondos eng' taitap ng'echereetap laitornatet; ak ki kiyaat bukuisyek. Ki kiyat kora bukuit age, nooto ko bukuitap saboondo. Ak ki kirwookyi che ki kobek eng' tuguuk che kiga kisirchi bukuisyechooto, ko uu poisyonikwak.