EZEKIEL 18:12 - BUKUIT NE TILIIL Sireet ne Dutero Kanon

¹² ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

Bukuit Ne Tilil

¹² ne ki koyachi ne ya kibananiat ak ne ma tinyei kiy, ne ki korebis eng' koroomnateet, ne tomo koweekta kiit ne ki kiname pesendo, ak ki kotokyi konyekyik kanamonik, ne ki koyai kiit ne kiwechei,

BUKUIT NE TILIL

¹² ne kigoyachi ne ya kibananiat ak ne matinyei kiy, ne kigorebis eng’ koromnatet, ne tom koweekta kit ne kiginame besendo, ak kigotokyi konyekyik kanamonik, ne kigoyai kit ne kiwechei,

EZEKIEL 18:12 ပူးပေါင်းရင်းမြစ်များ

2 LAITORINIK 21:11

“Amu kogoyai Manasseh laitoryatap Judah tuguuchu kiwechei, koyai yaityet kosiir tugul che ki yai Amorik, che ki mi eng' tai, ko tomo kobiit ineendet ak kogoochi Judah agine koyai tengekto eng' kanamonikyik;

2 LAITORINIK 23:13

Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.

ISAIAH 3:14

Chutei Kamuktaindet ne Toroor kirwooget, korwookyin poisyegap piikyik ak pounigap piikyik: koleenji, okweek che ki oam mbareetap sabibuk; mi kooriikwok parunenigap kibananook.

JEREMIA 22:17

Ago matokyingei konyeguk ak muguleldang'ung' kiy age kobatee tuguugap ng'wen, ak tumdaetap korotiik che ma tinyei tengek, ak sastaet, ak koroomnateet, koyai chooto.

JEREMIA 22:3

Mwaei Kamuktaindet ne Toroor kole: Oyai okweek kirwooget ak imanda, ak osaru ne ki kiluul komong' eng' eutap usiindet: amat oyai ne ya, anan koroomnateet, oyachi toondet, anan ne ma tinyei sigiik, anan mosoget, amotumde korotiik che ma tinyei tengek, eng' olito.

EZEKIEL 16:49

Keero, kimii tengektap chepkameng'ung' Sodom; ki tinyei ineendet ak tiibiikyik menoteet, piyeng'do, ak poroteetap talbisto; ama igimit eunegap kibananook ak che ma tinyei kiy.

EZEKIEL 18:16

ne tomo koyachi chii age tugul kiy ne ya, ne tomo koip kiy ne kiname pesendo, anan korebis eng' koroomnateet, ago Ki kogoochi amitwogikyik chiito ne amei rubeet, ak kolaaksechi ne mi aach ngor,

EZEKIEL 33:25

Mwachi anyun icheek ileenji, mwaei Kiptaiyat Kamuktaindet ne Toroor ko uu ni kole: Oame panyeek kobooto korotiik, ak otokyini konyekwok kanamonikwok, ak otumdoi korotiik: tos oname emet kobunjook?

EZEKIEL 7:23

Itaany sirimdo: amu kanyi emet kirwoogutigap korotiik, ak kanyi nganaseet koroomnateet.

EZEKIEL 8:17

Yeityo koleenjo, Kaigeer niito o, weeriitap chii? Tos kiy ne ming'in eng' kootap Judah ngo yai icheek eng' olito tuguuk che kiwechei? Amu kigonyiit emet koroomnateet, ak ki kowelelgei kogeny kotacha: ak keero, indoi temetap keetit seruunekwak.

EZEKIEL 8:6

Ak ki leenjo ineendet, Ee weeriitap chii, igeere kiit ne yaei icheek? Chooto ko tuguuk che eecheen che kiwechei che yaei kootap Israel eng' yu, si awo alooit eng' oldanyu ne tiliil? Ago ta igeere kogeny tuguuk alak che eecheen che kiwechei.

HOSEA 12:7

Chemung'araindet ineendet, mi eunnyi tuguugap lembech che kegerisye che po ng'aalseet: chamei kochiile piich.

ATEPTAP LAWIK 18:22

“Amoruiye ak muren ko uu ye ruitos chii ak osotyo; etan nooto.

AMOS 4:1

Ogas ng'olyoondoni, okweek tuugap Bashan, che miitei tulweetap Samaria, che sastoe kibananook, che tyekyin ng'wony che ma tinyei kiy, che leenjin kiptainikwak, “Oibu, kee!”

SEKARIA 7:10

amous kwony ne ki kosiirtoe manong'otyot, anan ne ma tinyei sigiik, anan ne too, anan ne panan; amat kobwaat chii age tugul eng' okweek yaityet eng' muguleldanyi agobo tupchennyi.

JAKOBO 2:6

Ago kaosas kibananiat. Tos ma inyalilok mogoreek, ak kochuutok obe kapkirwoogutik?