EZEKIEL 17:19 - BUKUIT NE TILIIL Sireet ne Dutero Kanon

¹⁹ Mwaei anyun Kiptaiyat Kamuktaindet ne Toroor kole: Ko uu ye asabe, aipchini iman metinnyi kayosyennyu ne Ki kogas ak kayomisennyu ne ki kobut.

Bukuit Ne Tilil

¹⁹ Mwaei anyun Kiptaiyat Kamuktaindet ne Toroor kole: Ko uu ye asabe, aipchini iman metinnyi kayosyennyu ne Ki kogas ak kayomisennyu ne ki kobut.

BUKUIT NE TILIL

¹⁹ Mwaei anyun Kiptaiyat Jehovah ko u ni kole: Ko u ye asobe, aipchini iman metinnyi kayosiennyu ne kigosas ak kayomisennyu ne kigobut.

EZEKIEL 17:19 ပူးပေါင်းရင်းမြစ်များ

1 LAITORINIK 2:32

Weekyin Kamuktaindet ne Toroor korotiikyik metinnyi, amu, ama ingen kwandanyu Daudi, ko ki ibookyi ak kobar eng' rotwetap chok piik aeng' che ki po iman ak ko koigoi kosiir ineendet, chooto ko Abner weeriitap Ner, kiptaiyatap lugeetap Israel, ak Amasa weeriitap Jeter, kiptaiyatap lugeetap Judah.

1 LAITORINIK 2:33

Weekyingei anyun korotiikwak metitap Joab, ak metowegap iyotennyi koigeny. Ago mi kaalyeet koigeny ne punu Kamuktaindet ne Toroor, kap Daudi ak iyotennyi, kobooto koonnyi ak ng'echerennyi ne po laitornatet.”

JEREMIA 27:8

Ak tuun abire pororyet ak pounateet ne maotei Nebukadnezar niito laitoryatap Babilon, ak ne eesyoi konde kaatinnywa chogitap laitoryatap Babilon, abire pororyonooto rotwetap chok, ak rubeet, ak koroito, agoi ageesu icheek eng' eunnyi, mwaei Kamuktaindet ne Toroor.

JEREMIA 37:17

koyookto anyun Zedekiah laitoryat kimut ineendet konyo: ak kiteepse laitoryat ineendet eng' ung'oot eng' koonnyi, koleenji tos mi ng'olyoot age tugul ne punu Kamuktaindet ne Toroor? Ak ki le Jeremiah, Miitei. Ki mwa kogeny kole kindein eutap laitoryatap Babilon.

JEREMIA 5:2

Agot nga imurtoi icheek koleen, “Ko uu ye sabei Kamuktaindet ne Toroor,” ko iyastos icheek eng' lembech.

JEREMIA 5:9

Tos manyone abire agobo tuguuchuuto? Mwaei Kamuktaindet ne Toroor; ak tos mayaaktochinigei mugetuut eng' pororyet ne uu ni?

EZEKIEL 16:43

Amu ma ibwaat peetuusyegap ming'inateng'ung', ago ki itacha eng' tuguuchuuto tugul; ko uu nooto, kaaweegu poisyoniguk kotebee paragung'ung', mwaei Kiptaiyat Kamuktaindet ne Toroor. Tos ma iyai yaityoni itesyi tuguuguk tugul che kiwechei?

EZEKIEL 16:59

Amu mwaei Kiptaiyat Kamuktaindet ne Toroor kole: Ayaun ko uu ye koiyai, ne koisas kayasyoet ibut kayomiset.

EZEKIEL 17:18

Amu Ki kogas kayasyoet kobut arorutyet, ak ogeero, kigonde eunnyi ago ki koyai tuguuchooto tugul; ma chilili.

EZEKIEL 17:20

Ak aiitochini mestennyu ineendet, ak konam mestennyu ineendet ak amut ineendet kwo Babilon, ak ager kong' ineendet eng' olooto amu ngelelnateet ne ki ingelelja.

EZEKIEL 9:10

Ago ne uu anee, ko marire kondanyu, ama riira moo, ago aipchini ooreenywa metowekwak.

NG'ATUTIK 5:11

Amemwa kainetap Kamuktaindet ne Toroor Kamuktaindeng'ung' eng' tangoi, amu iityin Kamuktaindet ne Toroor ng'oogisto ne mwaei kainennyi eng' tangoi.