EZEKIEL 16:5 - BUKUIT NE TILIIL Sireet ne Dutero Kanon

⁵ Ma rireenen chii, koyaun kiy age tugul eng' tuguuchuuto, koriir moo; ago ki kiwiirchin timiin, amu ki kiwechin, eng' peetuut ne ki kisichin.

Bukuit Ne Tilil

⁵ Ma rireenen chii, koyaun kiy age tugul eng' tuguuchuuto, koriir moo; ago ki kiwiirchin timiin, amu ki kiwechin, eng' peetuut ne ki kisichin.

BUKUIT NE TILIL

⁵ Ma rirenen chi, koyaun kiy age tugul eng’ tuguchuto, korir mo; ago kigiwirjin timin, amu kigiwechin, eng’ betut ne kigisichin.

EZEKIEL 16:5 ပူးပေါင်းရင်းမြစ်များ

TAUNET 21:10

Ki mwachi anyun `ineendet Abraham koleenji, “Oon chebyosoni otwogin ak weeriinnyi, amu ma namei tuguuk weeriitap chebyosoni otwogin kobooto weeriinnyu Isak.”

KOMONG'U 1:22

Ki ng'at `Pharaoh piikyik kogeny koleenji; “Owiirchi weeriit age tugul ne kisichei aino ak omete chepto age tugul kosap.”

ISAIAH 49:15

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

JEREMIA 22:19

Kitubei ko uu ye kitubei sigiryet, kichuuti ak kewiirta kosiir ormariichogap Jerusalem.

RIREKAB JEREMIA 2:11

Ibwandos konyekyuk amu peegap kong', nyalili moennyu. Ki koroong'jigei ng'wony koitonyu, amu ng'emisyetap piikyuk; amu tanuitos lagok ak che reryei eng' ortinwegap nganaseet.

RIREKAB JEREMIA 2:19

Ng'eet, waach kemoi eng' taunetap saisyegap kemoi! Rong'u muguleldang'ung' ko uu peek eng' taitap Kiptaiyat! Namji parak euneguk tokyi ineendet agobo saboonwegap lagoguk, che tanuitos eng' rubeet eng' tabandap ooreet age tugul.

RIREKAB JEREMIA 4:10

Ki konam kwonyiik che ki tinyei rireenet lagokwak koyo; ki ek chooto amitwogikwak eng' ng'emisyetap piikyuk.

RIREKAB JEREMIA 4:3

Agot lelwek kogoochin aarekwak kinet kochuchun, ago kagogolgolit piikyuk, ko uu tyong'igap songolik eng' surkwen.

EZEKIEL 16:6

Ak kinga siir ye ki imi, ageerin ikwarkwarane korotiguk, aleenjin, Agot nganda imi korotiguk, isap inyee; ee, ki aleenjin, Agot nganda imi korotiguk, isap inyee.

EZEKIEL 2:6

Meiywei icheek anyun inyee, weeriitap chii, anan iywei ng'aleekwak. Meiywei agot ngo yiemin katook che rutei piich ak che toorei piich ak imenye kwenutap tagolik. Meiywei ng'aleekwak anan itoptoben eng' togoochikwak, agot nganda koot ne ngelelyot.

KAITOSYEK 19:16

Age tugul ne twaei eng' kewanin chii ne ko ki par eng' rotwetap chok, anan muusto, anan kowetap chiito, anan ko kererit, ko murwoniitu peetuusyek tisap.

NG'ATUTIK 32:10

Kinyoorchi ineendet surkwen, eng' surkwen ne imuisei ne ma mi kiy. Kiyiem ak koriip icheek ki riip `ineendet icheek ko uu laptetap kondanyi.