EZEKIEL 16:4 - BUKUIT NE TILIIL Sireet ne Dutero Kanon

⁴ Ki ma kotil mugeng'ung' eng' ole ki kisikyinin, eng' peetuut ne ki kisichin, ama kiuunin si itiliiliitu; ma ki ilenen muunyuk, ama kinamden ngor.

Bukuit Ne Tilil

⁴ Ki ma kotil mugeng'ung' eng' ole ki kisikyinin, eng' peetuut ne ki kisichin, ama kiuunin si itiliiliitu; ma ki ilenen muunyuk, ama kinamden ngor.

BUKUIT NE TILIL

⁴ Kima kotil mugeng’ung’ eng’ ole kigisikyinin, eng’ betut ne kigisichin, ama kiunin si itililitu; ma kiilenen munyuk, ama kinamden ngor.

EZEKIEL 16:4 ပူးပေါင်းရင်းမြစ်များ

TAUNET 15:13

Ak ki leenji `Kamuktaindet ne Toroor Abram, “Iman tuun inae ile, egu lagoguk kiprutoin eng' emet ne ma nenywa, ak tuun ko otei pichooto, ak konyalilso icheek eng' kenyiisyek pogol ang'wan.

RIREKAB JEREMIA 2:20

Keero, ee Kamuktaindet ne Toroor, ak ibwaat, Tos ng'oo ne ki iyachi ko uu nooto? Tos amei kwonyiik iyotennywa, lagok che namei eng' eunekwak? Tos kibarchin tisiindet ak maotyot kaptisisyetap Kiptaiyat?

RIREKAB JEREMIA 2:22

Ki iguur puunikyuk eng' komosta age tugul, ko uu eng' peetuutap tuiyet ne ki king'at. Eng' peetuutap nereegegap Kamuktaindet ne Toroor koma piit chii ne ki chilil anan ne ki ng'et. Icheeget che ki aname ak ariibe kobooch ko mengech ko ki koges punyondennyu.

EZEKIEL 16:3

ak ileenji, mwachin Kiptaiyat Kamuktaindet ne Toroor Jerusalem kole: Sigeng'ung', ak ole ki kisikyinin ko po emetap kanaanindet: ki kwandang'ung' Amorindet, ak ki kamenng'ung' Hitindet.

EZEKIEL 20:13

Ago ki ingelelja kootap Israel eng' surkwen: ma pendate ng'atuutikyuk, ak ki eesyo kirwoogutikyuk, che ngo yai chii kosabei eng' chooto; ki imurwon icheek miising' sabatosyekyuk: ki amwa anyun ale, aroong'jini icheek eng' surkwen nereegekyuk che ng'woneen si agees icheek.

EZEKIEL 20:8

Ago ki ingelelja, ma cham kogasa iit; ma meto chii age tugul eng' icheek tuguuk che kiwechei che ki chamei konyekwak, ama meto kanamonigap Misiri: amwa anyun ale, Aroong'jini icheek nereegekyuk che ng'woneen, si kobiit ayai nereegekyuk kosulda eng' icheek eng' emetap Misiri.

HOSEA 2:3

Ngo ma noo, aregunee ngoroikyik ak amete kotebi aach ngor ko uu peetuut ne ki kisichei, ak ayai ineendet koigeit surkwen, ak agoochi ineendet koigei emet ne yaamaat, ak abare melelda.

HOSEA 2:5

Amu ki yaei kamet kugoinatet; ki yai teweernateet ineendet ne ki manachi icheek. Amu ki mwa kole, asuboti chamanikyuk, che koono amitwogikyuk ak peekyuk, koroorikyuk che po keechiirek ak mabuteekyuk, mwanikyuk ak tuguuk che aee.

LUKA 2:12

Ak ni kaboorunet eng' okweek: Onyooru lakweet ko kagilaakyi ngoroigap lakwandit, korue moinget ne amisye tuuga.

LUKA 2:7

Ak ki sich weeriinnyi ne po tai; ak kolaakyi ngoroigap lakwandit, ak komogonji kaptugut, amu ki ma komi poroindo eng' kootap toek.

NG'ATUTIK 15:15

Ibwaat ile ki ii otwogin eng' emetap Misiri ak ki ityaachin Kamuktaindet ne Toroor Kamuktaindeng'ung': kang'atiin anyun agobo ng'olyoondoni rani amu nooto.

NG'ATUTIK 5:6

Aa Kamuktaindet ne Toroor Kamuktaindeng'ung', ne ki among'un eng' emetap Misiri eng' kootap otwoknateet.

JOSHUA 24:2

Yeityo kong'alaal `Joshua ak koleenji piik tugul, “Kamwa ko uu ni Kamuktaindet ne Toroor, Kamuktaindetap Israel kole, Ki menyei kwanisyekwok keny aineet pitoniin; che icheeget ko Tera kwandap Abraham ak kwandap Nahor ak kiotei kanamonik.