EZEKIEL 15:7 - BUKUIT NE TILIIL Sireet ne Dutero Kanon

⁷ Ak auuiit togeennyu aborye icheek; mandoe maat, ago peelei maat icheek; si onai ole aa Kamuktaindet ne Toroor, ye auuiit togeennyu aborye icheek.

Bukuit Ne Tilil

⁷ Ak auuiit togeennyu aborye icheek; mandoe maat, ago peelei maat icheek; si onai ole aa Kamuktaindet ne Toroor, ye auuiit togeennyu aborye icheek.

BUKUIT NE TILIL

⁷ Ak auuiit togennyu aborie ichek; mandoe mat, ago beelei mat ichek; si onai ole a Jehovah, ye auuiit togennyu aborie ichek.

EZEKIEL 15:7 ပူးပေါင်းရင်းမြစ်များ

1 LAITORINIK 19:17

Ineendet ne chilili eng' rotwetap chok ne po Hazael, kobarei Jehu, ak ineendet ne chilili eng' rotwetap chok ne po Jehu kobarei Elisha.

TIENWOGIKAL 34:16

Ago kirindoi togeetap Kamuktaindet ne Toroor che yaei yaityo, si koisto kabwaatennywa eng' ng'wony.

TIENWOGIKAL 9:16

Kigoboorgei Kamuktaindet ne Toroor, ki korwooch inee; ki konam kiptengekyot poisyetap eunekyik. [Higgaion. Selah]

ISAIAH 24:18

Ineendet ne mwee polatetap kaiyweisyet kobutyi keriinget; ak ineendet ne togosune keriinget konamei mesteet. Amu yaatatin tirisyok eng' parak, ak potandos lumeiywegap ng'wony.

JEREMIA 21:10

Amu kaatokyi togeennyu nganasani aipchi yaityet, ma agobo myeeindo, mwaei Kamuktaindet ne Toroor; kindoi eutap laitoryatap Babilon si kobeel.

EZEKIEL 11:10

Obegu eng' rotwetap chok; arwookwok eng' kiwotetap Israel; si onai ole aa Kamuktaindet ne Toroor.

EZEKIEL 14:8

Ak auuiit togeennyu aborye chiichooto, ak ayai ineendet koek ne kikwong'ee, koek kaboorunet ak kalewenet, ak aistoe ineendet eng' piikyuk; si onai ole aa Kamuktaindet ne Toroor.

EZEKIEL 15:6

Mwaei anyun Kiptaiyat Kamuktaindet ne Toroor kole: Ko uu keetitap sabibuk ne mi kwenutap keetiigap timiin, ne ki ande ma koek kweenik, agoitoi ko uu nooto piik che menyei Jerusalem.

EZEKIEL 19:12

Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

EZEKIEL 20:38

Ak atiliilok aiste ngelelik eng' kwenung'wong', ak icheek che ki ingelelja; amutu icheek komong' eng' emet ne kigaba kotebee, ago ma pendi emetap Israel: si kobiit onai ole aa Kamuktaindet ne Toroor.

EZEKIEL 20:42

Ak onai ole aa Kamuktaindet ne Toroor, ye amutwok obwa emetap Israel, emet ne ki aitoochi eunnyu ale agoochini kwanisyekwok.

EZEKIEL 20:44

Ak onai ole aa Kamuktaindet ne Toroor, ye kaaboisye agobo okweek amu kainennyu, ma ko uu ortinwekwok che yaacheen, ama ko uu poisyonikwok che samis, ee okweek kootap Israel, mwaei Kiptaiyat Kamuktaindet ne Toroor.

EZEKIEL 33:29

Yeityo konai icheek kole aa Kamuktaindet ne Toroor, ye kaayai emet koguber ak koek ne kikwong'ee, amu tuguukwak tugul che kiwechei che ki koyai.

EZEKIEL 5:8

mwaei anyun Kiptaiyat Kamuktaindet ne Toroor kole ogeero, aboryenen agane; ak ayai kirwoogutik eng' kwenung'ung' eng' taitap pororyosyek.

EZEKIEL 6:7

Ak kobutyo eng' kwenung'wong' che tuun ki parei, si onai ole aa Kamuktaindet ne Toroor.

EZEKIEL 7:4

Amarirenen kondanyu, ama riira moo: ago aibu ortinweguk, ak kotebee kwenung'ung' tuguuguk che po wegeet: si onai ole aa Kamuktaindet ne Toroor.

ATEPTAP LAWIK 17:10

“Ngo am korotiik alak tugul chii age tugul ne po kootap Israel, anan ne po punootik che tebyei kobootok, ko wechei togeennyu ineendet ne amei korotiik, ak ang'etoi ineendet eng' piikyik.

ATEPTAP LAWIK 26:17

Aboorwok nereegekyuk, ak kebaraak eng' taitap puunikwok. Poiywok che wechok, ak omwei ko maonok chii.

AMOS 5:19

ko uu ye kamwee `chiito ng'etundo, ak kotuiye magalaluut; anan ko uu chii ne kawo ko ak kotiing'e eunnyi inaat, ak kosus ereneet ineendet.