EZEKIEL 15:2 - BUKUIT NE TILIIL Sireet ne Dutero Kanon

² Ee weeriitap chii, siirei eng' nee keetitap sabibuk keetit age tugul, anan temetap keetitap sabibuk ne mi kwenutap keetiigap timiin?

Bukuit Ne Tilil

² Ee weeriitap chii, siirei eng' nee keetitap sabibuk keetit age tugul, anan temetap keetitap sabibuk ne mi kwenutap keetiigap timiin?

BUKUIT NE TILIL

² Ee weritab chi, siirei eng’ nee ketitab sabibuk ketit age tugul, anan temetab ketitab sabibuk ne mi kwenutab ketikab osnet?

EZEKIEL 15:2 ပူးပေါင်းရင်းမြစ်များ

TYENDO NE SIIREI TUGUL 2:13

Igoochin `mogoywet logoekyik che tuonen koruryo, ak yestos taaptogap keetiigap sabibuk, ng'uu ne nyamdut. Ng'eet, chamanennyu, ngeet ee, nenyu ne karaaran ak inyoo keebe.

TYENDO NE SIIREI TUGUL 2:15

Namwech lelwek, lelwek che mengeechen, che ng'emei mbareenigap sabibuk; amu kayesyo taaptogap mbareenikyok che po sabibuk.

TYENDO NE SIIREI TUGUL 6:11

Ki achoorchigei mbareetap logoek che uu njuguk, si kobiit ageer keetiik che ing'atos che po atebweet, ageer ngo kayesyo keetiigap sabibuk, ak ageer ngo kayesyo logoek che piriireen.

TYENDO NE SIIREI TUGUL 7:12

Ngemusyi mbareenigap logoegap sabibuk, ngegeer ngo kagong'atyo keetiigap sabibuk ak koyesyo taaptokyik, ak ngo kogoyesyo taaptogap logoek che piriireen. Agoonin chamyennyu eng' olooto.

ISAIAH 44:23

Ee okweek kipsengwet, Otyense, amu ki yai Kamuktaindet ne Toroor nooto; owaach okweek, komoswek che po oriit che po ng'wony; otyense, okweek tuloonook, ee timiin, ak keetit age tugul ne mi yooto: amu kagotyach Kamuktaindet ne Toroor Jakobo, ak kotoroorgei eng' Israel.

JEREMIA 2:21

Ago kiga amiinin inyee ko uu keetitap sabibuk ne lewenot, keswoot ne po iman. Kilya anyun si iwalage iegu keetit ne ya ne mangen?

EZEKIEL 15:1

Ki nyoonjo ng'olyootap Kamuktaindet ne Toroor koleenjo,

EZEKIEL 15:3

Tos kiebei keetoto si kobiit keyae poisyo? Anan tos yae piik keetoto ireut si kigartate kiy age tugul?

EZEKIEL 19:12

Ago ki kitut eng' nereegek che ng'woneen, ki kiwiirta kwo ng'wony, ki yaamyo logoekyik eng' usoonetap kong'asiis: ki kiiri keetiikyik che kiimeen ak koresyo; kilalyo kogeskei eng' ma.

HOSEA 10:1

Israel ko keetitap sabibuk ne tuneni kot, ne yiei logoekyik: ki kotes ineendet kapkorosusyekyik ko uu ole tee chaang'indap logoekyik; ki koyai icheek tolochik che korooron ko uu ole tee karaaranindap emennyi.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEKARIA 11:2

Waach, ee piribiryoni, amu kagobut tarakwet, amu kageng'em che korooron: owaach, ee keetiigap Bason, amu kagoluul osneet ne kiim.