EZEKIEL 14:7 - BUKUIT NE TILIIL Sireet ne Dutero Kanon

⁷ Amu chii age tugul ne po kootap Israel, anan ne po toek ne tebee Israel, ne istoenagei, ak kogonorchigei kanamonikyik eng' muguleldanyi, ak konde kanagutyetap tengektanyi tainnyi, yeityo konyo ole mi maotyot koteepchigei ng'olyoot eng' anee; awoljini aneendet Kamuktaindet ne Toroor chiichooto.

Bukuit Ne Tilil

⁷ Amu chii age tugul ne po kootap Israel, anan ne po toek ne tebee Israel, ne istoenagei, ak kogonorchigei kanamonikyik eng' muguleldanyi, ak konde kanagutyetap tengektanyi tainnyi, yeityo konyo ole mi maotyot koteepchigei ng'olyoot eng' anee; awoljini aneendet Kamuktaindet ne Toroor chiichooto.

BUKUIT NE TILIL

⁷ Amu chi age tugul ne bo gotab Israel, anan ne bo toek ne tebe Israel, ne istoenagei, ak kogonorjigei kanamonikyik eng’ muguleldanyi, ak konde kanagutietab tengektanyi tainnyi, yeityo konyo ole mi maotiot koteepchigei ng’olyot eng’ ane; awoljini anendet Jehovah chichoto.

EZEKIEL 14:7 ပူးပေါင်းရင်းမြစ်များ

KOMONG'U 12:48

Ago ngo rutochin kiprutoiyot ne machei koboiboenji paska ne po Kamuktaindet ne Toroor, ko kanyool kimuratan muren age tugul ne mi kobooto ineendet. Yeityo koriikyi anyun eng' yooto ak koriip, ak kogergeit ak ne ki kisikyi emeng'wong'. Ago among' koam chii age tugul ne ma kiyatita.

KOMONG'U 20:10

ago peetuutap tisap ko sabato ne po Kamuktaindet ne Toroor Kamuktaindeng'ung'. Ameyai poisyo eng' peetuunooto inyee anan weeriing'ung' anan cheptong'ung', anan otwogindeng'ung' ne muren anan otwogindeng'ung' ne tye anan tuguuk anan toondeng'ung' ne miitei kurgotiguk.

ISAIAH 63:17

Ee, Kamuktaindet ne Toroor, amu nee si igoonech kemaste eng' ortinweguk, ak iuuit mugulelwekyok si ma kiywein? Weege amu otwogiguk, pororyosyegap poroteng'ung'.

JEREMIA 37:17

koyookto anyun Zedekiah laitoryat kimut ineendet konyo: ak kiteepse laitoryat ineendet eng' ung'oot eng' koonnyi, koleenji tos mi ng'olyoot age tugul ne punu Kamuktaindet ne Toroor? Ak ki le Jeremiah, Miitei. Ki mwa kogeny kole kindein eutap laitoryatap Babilon.

EZEKIEL 3:20

Kogeny, ngo masta chiito ne po iman, kometo imandanyi, ak koyai tengekto, ak ande kanagutyet tainnyi, komeei ineendet; ko amu ma iteechi, komeei anyun eng' tengektanyi, ama kibwaati poisyonikyik che po iman, che kiga koyai; ago amagenen korotiikyik.

HOSEA 4:14

Ma pirei tiibiikwok ye yaei kugoinatet, anan murerenikwok ye yaei ibeetapkei; amu mastoi icheeget kobooto che yaei kugoinatet, ak koenyei tiseiywek kobooto chepkugonik; ak kobutyo piik che ma iguitos.

HOSEA 4:5

Ibuti peet, ak obutosi kobooto maotyot kemoi, ak abar komet.

HOSEA 9:10

Ki ageer ale uu Israel sabibuk eng' surkwen; ki ageer kwanisyekwok ale uu tongoaniatap mogoywet eng' kenyinnyi ne po tai: ago ki pwanji Baal-peor, kotabaanjigei kioto samis, ak koek icheek kiit ne kiwechei ko uu kioto ki chamei icheek.

ATEPTAP LAWIK 16:29

“Ak punjin koigeny kaneetisyoni eng' okweek: oming'inge eng' arawetap tisap, eng' peetuutap taman ne po arawanooto, amat oyai poisyet age tugul, ineendet ne ki sikyin kaa, anan punootyot ne mi kobootok.

ATEPTAP LAWIK 20:2

“Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

ATEPTAP LAWIK 24:22

Egu agenge ng'atuutyeng'wong', kergeitu ne punootyo ak ne salwok. Amu aa Kamuktaindet ne Toroor Kamuktaindeng'wong'.”

KAITOSYEK 15:15

Agenge ng'atuutyet ne po chii age tugul eng' okweek agot eng' kiprutoiyot ne meng'iisyei kobootok, ng'atuutyet ne tebyei agoi eng' ibinwekwok tugul. Ko uu ole oteptoi eng' taitap Kamuktaindet ne Toroor, kotebyei ko uu nooto agine kiprutoiyot.

KAITOSYEK 15:29

Ng'atuutyoni agenge koboisye eng' okweek kogergeit eng' chiito ne kalel kiy age tugul amaingen, eng' piigap Israel ak eng' toondet ne meng'iisyei eng' kwenunnywa.

NG'ATUTIK 29:19

Ye kas ng'aleegap chubisyoni, koberuurgei eng' muguleldanyi kole, atebye eng' kaalyeet agot ngawendoti eng' ngelelnatetap muguleldanyu; tesei melelda pogitet.

JUDA 1:19

Chuuto che ibu kabesyosyek, che isubi poorwek, che ma tinyei Kabuuset ne Tiliil.