EZEKIEL 14:6 - BUKUIT NE TILIIL Sireet ne Dutero Kanon

⁶ Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

Bukuit Ne Tilil

⁶ Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

BUKUIT NE TILIL

⁶ Mwachi anyun gotab Israel ilenji, Mwaei Kiptaiyat Jehovah ko u ni kole: Oweege, ak owalage omete kanamonikwok; ak otuktochi batai tugukwok tugul che kiwechei.

EZEKIEL 14:6 ပူးပေါင်းရင်းမြစ်များ

2 ATEPTAP PEETUUSYEK 29:6

Amu ki kochiliil kwanisyekyok ak koyai ne ya eng' taitap Kamuktaindet ne Toroor Kamuktaindennyo, ak ki kometo ineendet ak kowelelgei kometo ole menyei Kamuktaindet ne Toroor, ak kotuktoochi patai.

ISAIAH 2:20

Eng' peetuunooto ko laktoi chiito kanamonikyik che po fedha, kolaktoochi pung'ung'onik ak reresik ak kanamonikyik che po thahabu, che ki kiyachi ineendet si kosa,

ISAIAH 30:22

Ak omurwon kiit ne ki kiliige kanamoniguk che po fedha che ki kiwai, kobooto che ki kiliige kanamoniguk che po thahabu che ki kitany. Iwirtoi ko uu kiit ne mi simdo; ileenjini, “Istegei eng' yu!”

JEREMIA 13:27

Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

EZEKIEL 14:4

Ng'alaalji anyun icheek, ileenji, mwaei Kiptaiyat Kamuktaindet ne Toroor ko uu ni kole: Chii age tugul ne po kootap Israel ne konorchingei kanamonikyik eng' muguleldanyi, ak konde kanagutyetap tengektanyi tainnyi, ak konyo ole mi maotyot; awoljini anee Kamuktaindet ne Toroor eng' tuguuchooto ko uu chaang'indap kanamonikyik;

EZEKIEL 16:63

si kobiit ibwaat, ak itoptoben, ametwegu kogeny, amu kalilaneng'ung'; ye kanyoun kaat tuguuk tugul che ki iyai, mwaei Kiptaiyat Kamuktaindet ne Toroor.

EZEKIEL 18:30

Arwookwok anyun, ee kootap Israel, chii age tugul ko uu ortinwekyik, mwaei Kiptaiyat Kamuktaindet ne Toroor. Oweege, ak owalage, omete pistaosyekwok tugul; si ma ek tengekto ng'emisyeng'wong'.

EZEKIEL 8:16

Ak ki imutwaa seremut ne po oriit ne po kootap Kamuktaindet ne Toroor, ak ogeero, kimi piik che neegit tiptem ak muut eng' kurgeetap Hekaluutap Kamuktaindet ne Toroor, eng' kwenutap keterut ak kaptisisyet, che kaituktoochi patai Hekaluutap Kamuktaindet ne Toroor, ak kotokyigei kong'asiis; ak ki sa asiista kotokyingei kong'asiis.

EZEKIEL 8:6

Ak ki leenjo ineendet, Ee weeriitap chii, igeere kiit ne yaei icheek? Chooto ko tuguuk che eecheen che kiwechei che yaei kootap Israel eng' yu, si awo alooit eng' oldanyu ne tiliil? Ago ta igeere kogeny tuguuk alak che eecheen che kiwechei.

HOSEA 14:8

Tuun mwaei Ephraim kole, ta keting'egei nee kogeny ak kanamonik? Kaawolu, ak ageer ineendet: auu piribiret ne tuon; punwa logoeguk.

SEPANIA 3:11

Ma tuun ililani eng' peetuunooto amu poisyoniguk tugul che ki iyaiywo eng' pistoet. Tuun aistoi komong' eng' kwenung'ung' menotik ak che itoroorigei, si ma ichaugei kogeny eng' tulweennyu ne tiliil.

SEKARIA 1:4

Amoigei kwanisyekwok, che kiga iteechi maotik che po tai, koleenji, “Mwaei Kamuktaindet ne Toroor ne po lugoosyek kole, ‘Oweege anyun nguno omete ortinwekwok che yaach ak poisyonikwok che yaach.’ ” Ago ki ma kas icheek anan koepcha iit, mwaei Kamuktaindet ne Toroor.

POISYONIGAP CHE KIYOKTOI 17:30

Ki ma mage kiy anyun Kamuktaindet peetuusyek che ki ma komi naet; ago kang'at anyun nguno kole kosik piik tugul eng' komosta age tugul.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

POISYONIGAP CHE KIYOKTOI 3:19

Osigu anyun ak owalage, si kobiit kibukto tengekwogikwok, si kobwa anyun peetuusyek che po kamuung'et che punu taitap Kiptaiyat;

ROMANIK 6:21

Ki otinye logoek nee eng' peetuusyechooto eng' tuguuk che olilane nguno? Amu kagesunetap tuguuchooto ko meet.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”