EZEKIEL 14:4 - BUKUIT NE TILIIL Sireet ne Dutero Kanon

⁴ Ng'alaalji anyun icheek, ileenji, mwaei Kiptaiyat Kamuktaindet ne Toroor ko uu ni kole: Chii age tugul ne po kootap Israel ne konorchingei kanamonikyik eng' muguleldanyi, ak konde kanagutyetap tengektanyi tainnyi, ak konyo ole mi maotyot; awoljini anee Kamuktaindet ne Toroor eng' tuguuchooto ko uu chaang'indap kanamonikyik;

Bukuit Ne Tilil

⁴ Ng'alaalji anyun icheek, ileenji, mwaei Kiptaiyat Kamuktaindet ne Toroor ko uu ni kole: Chii age tugul ne po kootap Israel ne konorchingei kanamonikyik eng' muguleldanyi, ak konde kanagutyetap tengektanyi tainnyi, ak konyo ole mi maotyot; awoljini anee Kamuktaindet ne Toroor eng' tuguuchooto ko uu chaang'indap kanamonikyik;

BUKUIT NE TILIL

⁴ Ng’alalji anyun ichek, ilenji, Mwaei Kiptaiyat Jehovah ko u ni kole: Chi age tugul ne bo gotab Israel ne konorjingei kanamonikyik eng’ muguleldanyi, ak konde kanagutietab tengektanyi tainnyi, ak konyo ole mi maotiot; awoljini ane Jehovah eng’ tuguchoto ko u chang’indab kanamonikyik;

EZEKIEL 14:4 ပူးပေါင်းရင်းမြစ်များ

2 LAITORINIK 1:16

Ki leenji ineendet, “Kamwa Kamuktaindet ne Toroor ko uu ni, kole: ‘Ko uu ye keyookte piik koba koteepse Baal-sebub kanamwetap Ekron, ko amu ma mi Kamuktaindet eng' Israel ne iteepse eng' ng'olyoondennyi? Nooto anyun, mechooruge eng' itogung'ung', ago imee iman.’ ”

ISAIAH 3:11

Pwo eng' kiptengekyot! Yaitu eng' ineendet; amu kigoochin melektap poisyonigap eunekyik.

ISAIAH 66:4

alewenjini anyun kaberberisyosyekwak, ak aipchi icheek kaiyweisyosyekwak; amu kinga kuurse, koma wol chii; ye kinga ng'alaal, koma kas icheek: ago ki yai tuguuk che yaach eng' tainnyu, ak kolewen tuguuk che ma abaibaitune.

EZEKIEL 14:3

Ee weeriitap chii, kigogonorchigei pichu kanamonikwak eng' mugulelwekwak, ak konde kanagutyetap tengektonywa tainnywa: tos teebena icheek ng'olyoo age tugul?

EZEKIEL 14:6

Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

EZEKIEL 14:7

Amu chii age tugul ne po kootap Israel, anan ne po toek ne tebee Israel, ne istoenagei, ak kogonorchigei kanamonikyik eng' muguleldanyi, ak konde kanagutyetap tengektanyi tainnyi, yeityo konyo ole mi maotyot koteepchigei ng'olyoot eng' anee; awoljini aneendet Kamuktaindet ne Toroor chiichooto.

EZEKIEL 2:7

Mwachi icheek ng'aleekyuk, agot ngo kas anan koma kas; amu ngelelik miising'.

EZEKIEL 3:4

Ak ki leenjo, Weeriitap chii, ui kootap Israel ak imwachi icheek ng'aleekyuk.

EZEKIEL 44:12

Ko uu ye kiboisyechin icheek piik eng' taitap kanamonikwak, ak koek kanagutyetap tengekto eng' kootap Israel; ki anamji parak anyun eunnyu atokyi icheek, mwaei Kiptaiyat Kamuktaindet ne Toroor, ak ibei icheek tengektonywa.

SEPANIA 1:3

Ageesu piik ak tyong'ik; ageesu toriitigap parak, ak njireenigap nyanjet, andachini kanagutik kiptengeginik; ak aiste piik eng' ng'wony, mwaei Kamuktaindet ne Toroor.