EZEKIEL 14:3 - BUKUIT NE TILIIL Sireet ne Dutero Kanon

³ Ee weeriitap chii, kigogonorchigei pichu kanamonikwak eng' mugulelwekwak, ak konde kanagutyetap tengektonywa tainnywa: tos teebena icheek ng'olyoo age tugul?

Bukuit Ne Tilil

³ Ee weeriitap chii, kigogonorchigei pichu kanamonikwak eng' mugulelwekwak, ak konde kanagutyetap tengektonywa tainnywa: tos teebena icheek ng'olyoo age tugul?

BUKUIT NE TILIL

³ Ee weritab chi, kigogonorjigei bichu kanamonikwak eng’ mugulelwekwak, ak konde kanagutietab tengektanywa tainywa: tos teebena ichek ng’olyo age tugul?

EZEKIEL 14:3 ပူးပေါင်းရင်းမြစ်များ

2 LAITORINIK 3:13

Ki leenji `Elisha laitoryatap Israel, “Kiting'egei nee ak inyee? Ui ole mi maotigap kwandang'ung' ak maotigap kamenng'ung'.” Ak ki leenji laitoryatap Israel ineendet, “Achicha! Amu kogoguur Kamuktaindet ne Toroor laitorinichu somok kibagenge, konde eunegap Moab.”

TIENWOGIKAL 101:3

Mandoi anee taitap konyekyuk kiy age tugul ne ya. Aweche poisyetap icheeget che mastoi; ma nama nooto.

TIENWOGIKAL 66:18

Ye abwaat tengekto eng' muguleldanyu, koma kaswa Kiptaiyat.

KALEWANAIK 15:29

Looe `Kamuktaindet ne Toroor kiptengeginik, ago kasei saautigap che po iman.

KALEWANAIK 15:8

Wechei `Kamuktaindet ne Toroor tiseiywotap kiptengeginik, ago poiboenji saaetap che po iman.

KALEWANAIK 21:27

Kiit ne kiwechei korosyotap kiptengeginik, kotam nee anyun ye ibu korosyondonooto kotinyei kabwaatutik che yaach.

KALEWANAIK 28:9

Kiwechei saaetap ineendet ne eesyoi kogas ng'atuutik.

ISAIAH 1:15

Ye oiite eunekwok, aung'enok konyekyuk. Agot ye osaa eng' saautik che chaang', koma kase; nyiitaat eunekwok korotiik.

ISAIAH 33:15

Ineendet ne wendote imanda ak kong'alaali che lititen, ineendet ne sasei kelunetap sastaet, ne ma namei asoya, ne timei itiikyik si ma kas agobo korotiik, ak ne tuchei konyekyik si ma keer yaityet,

JEREMIA 11:11

Ara amwae anyun anee Kamuktaindet ne Toroor ale, ogeero, aipchini icheek yaityet, ne ma imuuchi kochililee. Ririirchino, ago ma kasyini icheek.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 21:2

asoomin ale, teebwech eng' Kamuktaindet ne Toroor; amu ibookyinech Nebukadresar laitoryatap Babilon: tamangap koyaiywech Kamuktaindet ne Toroor ko uu poisyonikyik tugul che kikwong'ee, si kobiit kwo koistoeneigei.

EZEKIEL 11:21

Ago eng' icheeget che pendoti kosubi tuguukwak che samisen, ak tuguukwak che kiwechei, aipchini ortinwekwak metowekwak, mwaei Kiptaiyat Kamuktaindet ne Toroor.

EZEKIEL 14:2

Ak konyoonjo ng'olyootap Kamuktaindet ne Toroor, koleenjo,

EZEKIEL 14:4

Ng'alaalji anyun icheek, ileenji, mwaei Kiptaiyat Kamuktaindet ne Toroor ko uu ni kole: Chii age tugul ne po kootap Israel ne konorchingei kanamonikyik eng' muguleldanyi, ak konde kanagutyetap tengektanyi tainnyi, ak konyo ole mi maotyot; awoljini anee Kamuktaindet ne Toroor eng' tuguuchooto ko uu chaang'indap kanamonikyik;

EZEKIEL 14:7

Amu chii age tugul ne po kootap Israel, anan ne po toek ne tebee Israel, ne istoenagei, ak kogonorchigei kanamonikyik eng' muguleldanyi, ak konde kanagutyetap tengektanyi tainnyi, yeityo konyo ole mi maotyot koteepchigei ng'olyoot eng' anee; awoljini aneendet Kamuktaindet ne Toroor chiichooto.

EZEKIEL 20:16

amu ki eesyo kirwoogutikyuk, ama pendate ng'atuutikyuk ak komurwon sabatosyekyuk: amu ki isubot mugulelwekwak kanamonikwak.

EZEKIEL 20:3

Weeriitap chii, ng'alaalji poisyegap Israel, ileenji, mwaei Kiptaiyat Kamuktaindet ne Toroor kole, kaobwa oteepsena? Mwaei Kiptaiyat Kamuktaindet ne Toroor kole, ko uu ye asabe, koma chame oteepsena.

EZEKIEL 20:31

Ak ye ogoitoi kagoochinoikwok, ye ogoitoi weeriikwok kobun maat, ko tos ma omurwonegei kanamonikwok agoi rani? Ko tos oteepsena, okweek kootap Israel? Mwaei Kiptaiyat Kamuktaindet ne Toroor kole, ko uu ye asabe, koma achame oteepsena:

EZEKIEL 3:20

Kogeny, ngo masta chiito ne po iman, kometo imandanyi, ak koyai tengekto, ak ande kanagutyet tainnyi, komeei ineendet; ko amu ma iteechi, komeei anyun eng' tengektanyi, ama kibwaati poisyonikyik che po iman, che kiga koyai; ago amagenen korotiikyik.

EZEKIEL 33:30

Ee, inyee weeriitap chii, ng'alaali agobo inyee lagogap piiguk eng' ole neegitee irimoik, ak eng' kurgotigap kooriik, ak kong'alaaljin `age age, ng'alaaljin chii tugul tupchennyi, koleenjin, Asoomin ale, nyoo keebe kegas ng'olyoot ne punu Kamuktaindet ne Toroor.

EZEKIEL 36:25

Ak abisenok peek che tiliileen, si otiliiliitu: ak aundawok simdang'wong' tugul, ak kanamonikwok tugul.

EZEKIEL 44:12

Ko uu ye kiboisyechin icheek piik eng' taitap kanamonikwak, ak koek kanagutyetap tengekto eng' kootap Israel; ki anamji parak anyun eunnyu atokyi icheek, mwaei Kiptaiyat Kamuktaindet ne Toroor, ak ibei icheek tengektonywa.

EZEKIEL 6:9

Ak kobwaata icheek che chilildos eng' okweek eng' pororyosyek ole tuun kimutyin koek luulenik, ko uu ye ki komea mugulel agobo kugoinatetap mugulelwekwak, che ki koistoenagei, ak agobo konyekwak, che ibotegei ak kanamonikwak: ak wechegei icheegei agobo yaitwogik che ki koyai eng' tuguukwak tugul che kiwechei.

EZEKIEL 7:19

Wiirchin fedhaisyekwak ortinwek, ak koigei thahabusyekwak kiit ne murwoon; ma imuuchi kosar icheek fedhaisyekwak ak thahabusyekwak eng' peetuutap nereegegap Kamuktaindet ne Toroor; ma piyong'dos saboonwekwak, anan konyi mootinwekwak: amu kagoek kanagutyetap tengektonywa.

HOSEA 4:5

Ibuti peet, ak obutosi kobooto maotyot kemoi, ak abar komet.

SEPANIA 1:3

Ageesu piik ak tyong'ik; ageesu toriitigap parak, ak njireenigap nyanjet, andachini kanagutik kiptengeginik; ak aiste piik eng' ng'wony, mwaei Kamuktaindet ne Toroor.

SEKARIA 7:13

Ak ko uu ye kingo riirchi ineendet icheek ama kogas, ko uu nooto tuun riirtos icheek ama kase, mwaei Kamuktaindet ne Toroor ne po lugoosyek;

LUKA 20:8

Ak ki leenji `Jeso icheek, “Agot anee koma mwaiwok kimnateet ne ayae tuguuchu.”

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

1 PETERO 2:8

ak ko, koita ne inachi piich, ak ko rwandet ne riichei piich; amu kinachi icheek eng' ng'olyoot, amu ma kase iit: ki kinde icheek agobo nooto.

NG'ANG'UTYET 2:14

Ago ating'enen ng'aleek tutigin: itinye alak eng' olooto che isubi kaneetisyetap Balaam, ne ki ineet Balak konde kanagutyet taitap piigap Israel, si koam tuguuk che kigoochin kanamonik ak kosokso.

1 SAMUEL 28:6

Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.