EZEKIEL 13:22 - BUKUIT NE TILIIL Sireet ne Dutero Kanon

²² Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

Bukuit Ne Tilil

²² Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

BUKUIT NE TILIL

²² Amu kiogochi muguleldab chi ne bo iman koarogen eng’ lembechek, chito ne ma agochi koarogen; ak ogimit eunekab kiptengekyot, si maweek kometo orennyi ne ya, ak kesor kosob:

EZEKIEL 13:22 ပူးပေါင်းရင်းမြစ်များ

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 23:17

Mwachin icheek kotugul piik che sasa, koleenjin, Kamwa Kamuktaindet ne Toroor kole, onyooru kaalyeet; ak komwachi chii age tugul ne wendote uuindap muguleldanyi, koleenjin, Manyonjinin yaityet age tugul.

JEREMIA 23:9

Kagomea mugulel agobo maotik, irigisistos kawekyuk; auu chii ne kabogit, ak auu chii ne kagoterteer divaik; amu Kamuktaindet ne Toroor, ak amu ng'aleekyik che tiliileen.

JEREMIA 28:16

Nooto anyun, mwaei Kamuktaindet ne Toroor kole keero, aistoin eng' ng'wony: imee kenyini, amu kaimwa ngelelnateet ingelelji Kamuktaindet ne Toroor.

JEREMIA 29:31

iyookyi ng'olyoot piik tugul che kigeluul, ileenji, kamwa Kamuktaindet ne Toroor agobo Semaiah Neelamindet, kole: Amu ki komaotenwok Semaiah, ak ki ma ayoogu, ak kogogoonok omang'u lembeita;

JEREMIA 29:32

nooto anyun, mwaei Kamuktaindet ne Toroor kole, ogeero, abire Semaiah Neelamindet, ak iyotennyi; ma sichei chii ne menyei kobooto pichu, ama keerei myeeindo ne ayachini piikyuk, mwaei Kamuktaindet ne Toroor: amu ki mwa ngelelnateet kongelelji Kamuktaindet ne Toroor.

JEREMIA 34:16

ago ki owalage ong'wanit kainennyu, ak koweech chii age tugul otwogindennyi, ak otwogindennyi ne tye, che koga otyach koba eng' poiboiyennywa, ak koomutu icheek kogas iit, koek otwogik ak otwogik che tiibiik, eng' okweek.

JEREMIA 34:22

Ogeero, ang'ate, mwaei Kamuktaindet ne Toroor, ak aweekyi icheek nganasani; ak kobargei ak nganasani, ak koluul, ak kobeel: ak ayai nganasoogap Judah koek surkwen, ole ma komenyei chii.

JEREMIA 4:10

Ki amwa anyun ale, ee Kiptaiyat Kamuktaindet ne Toroor! Iman ki iberber miising' pichu ak Jerusalem, ileenji, “Onyooru kaalyeet; ago ityin rotwetap chok saboondo.”

JEREMIA 6:14

Kigonya ak kobir parak moogap piikyuk, koleenjin, “Kaalyeet, kaalyeet,” ye ma mi kaalyeet.

JEREMIA 8:11

Ak kigonya moogap piikyuk kobir parak, koleenjin, ‘Kaalyeet, kaalyeet,’ ye ma mi kaalyeet.

EZEKIEL 13:16

chooto ko maotigap Israel che maoteni agobo Jerusalem, ak kogeerei ng'ang'utigap kaalyeet agobo nganasanooto, ama miitei kaalyeet, mwaei Kiptaiyat Kamuktaindet ne Toroor.

EZEKIEL 18:21

Ago ngot koweek kiptengekyot kometo tengekwogikyik tugul che ki koyai, ak koriip ng'atuutikyuk tugul, ak koyai kiit ne po iman ak ne litit, kosabei iman, ma meei.

EZEKIEL 18:27

Kogeny, ye week kiptengekyot kometo tengektanyi ne kiga koyai, ak koyai kiit ne po iman ak ne litit, kosaru saboondanyi kosap.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

AMOS 5:12

Amu angen ole tee chaang'indap pistaosyekwok ak ole tee ooindap tengekwogikwok; okweek che onyalili piik che po iman, che otaache tuguuk che po kagaigaet, ak omaasi che ma tinyei kiy eng' ormariichet si ma nyoor imandanywa.