EZEKIEL 13:19 - BUKUIT NE TILIIL Sireet ne Dutero Kanon

¹⁹ Ak ki ong'wanita eng' piikyuk agobo baale che po rubeito ak kererutigap magatiinik, si obar saboonwegap piik che ma nyoljin kobek, ak osaru saboonwegap piik che ma nyoljin kosapcho amu lembechekwok che omwachini piikyuk che chamei kogas lembechechooto.

Bukuit Ne Tilil

¹⁹ Ak ki ong'wanita eng' piikyuk agobo baale che po rubeito ak kererutigap magatiinik, si obar saboonwegap piik che ma nyoljin kobek, ak osaru saboonwegap piik che ma nyoljin kosapcho amu lembechekwok che omwachini piikyuk che chamei kogas lembechechooto.

BUKUIT NE TILIL

¹⁹ Ak kiong’wanita eng’ bikyuk agobo sairik che bo rubeito ak kererutikab makatinik, si obar sobonwekab bik che ma nyoljin kobek, ak osoru sobonwekab bik che ma nyoljin kosopcho amu lembechekwok che omwachini bikyuk che chamei kogas lembechechoto.

EZEKIEL 13:19 ပူးပေါင်းရင်းမြစ်များ

KALEWANAIK 17:15

Ineendet ne iityin imanda kiptengekyot ak ineendet ne igikyin chiitap iman; chooto tuwai ko che wechei Kamuktaindet ne Toroor.

KALEWANAIK 19:27

Weeriinnyu, ngot ko me kas kaneetisyet, kobeetenen ng'aleegap ng'omnateet.

KALEWANAIK 28:21

Ma myee ketiytiy piik; anan kobistoe chii kole si konyoor kererutyet.

ISAIAH 5:20

Pwo eng' icheek che kuure `yaityet myeeindo, ak koguure `myeeindo yaityet, che igeere `mesundeito lapkeiyet, ak kogeere `lapkeiyet mesundeito; che igeere `ng'wanindo anyinyindo, ak kogeere `anyinyindo ng'wanindo!

ISAIAH 56:11

Ee, kipkein sesenik, ma piyong'dos agoi; ak chuuto ko mestoweek che ma iguitos kiy: ki komaasta tugul koosup ooreenywa, kigosup chii tugul keljinennyi, eng' komosta age tugul.

JEREMIA 23:14

Ki ageerchi maotigap Jerusalem ak icheek kiit ne samis miising'; yaei ibeetapkei, ak kobendote lembechek, ak kogimit eunegap yaigap yaityet, kot koma mi chii ne weeksei eng' yaityennyi: kaigei icheek tugul Sodom eng' anee, ak kaigei che menyei yooto, Gomorah.

JEREMIA 23:17

Mwachin icheek kotugul piik che sasa, koleenjin, Kamwa Kamuktaindet ne Toroor kole, onyooru kaalyeet; ak komwachi chii age tugul ne wendote uuindap muguleldanyi, koleenjin, Manyonjinin yaityet age tugul.

EZEKIEL 13:20

Mwaei anyun Kiptaiyat Kamuktaindet ne Toroor kole: Ogeero, aweche lolotinwegap ndaresikwok, che oriige saboonwegap piik ko uu toriitik, ak agereeri tuguuchooto eng' eunekwok; ak atyach saboonwechooto po piik koba, saboonwechooto oriiche ko uu toriitik.

EZEKIEL 13:22

Amu ki ogoochi muguleldap chii ne po iman koaragen eng' lembechek, chiito ne ma agoochi koaragen; ak ogimiit eunegap kiptengekyot, si ma week kometo ooreennyi ne ya, ak kesar kosap:

EZEKIEL 20:39

Ago eng' okweek, ee kootap Israel, mwaei Kiptaiyat Kamuktaindet ne Toroor ko uu ni kole: Ngot ko moepcha iit; obe anyun ak koot chii tugul kanamonikyik eng' peetuusyek che pwoonei ak icheek: ago ma omurwoni kainennyu ne tiliil kogeny eng' kagoochinoikwok, ak eng' kanamonikwok.

EZEKIEL 22:25

Miitei kwenunnyi chaamset ne po maotikyik, ne uu ng'etundo ne pooriseni kobarisyei: ki kobar saboonwek; ibei konoraik ak tuguuk che po kamanuutyet ne oo; ki kotes mosoogik eng' kwenunnyi.

EZEKIEL 22:26

Ki kobut tisiikyik ng'atuutyennyu, ak komurwon tuguukyuk che tiliileen: ma ibesyo che tiliileen ak che ma tiliileen, ama ineet piik koguiyo tuguuk che ma ianyinyotin ak che ianyinyotin, ak ki kotuch konyekwak si ma keer sabatosyekyuk, ak ki king'wanita eng' kwenunnywa.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MIKAH 3:5

Mwaei Kamuktaindet ne Toroor ko uu ni agobo maotik che igoochin piikyuk ko leel; kowaaktos koleen, kaalyeet, ye tinyei icheek kiy ne amei, yeityo koyai lugeet koyachi che ma tinyei kiy ne indoi kuut.

MALAKI 1:10

Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

ROMANIK 14:15

Amu ngo aragen ne otupche amu amitwogik, koma iwendoti eng' chamyet. Amebar ineendet eng' amitwogiguk ne ki mechi Kristo.

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

1 KORINTOEK 8:11

Ak lusei ineendet ne nyalulat amu naeng'ung', ineendet tupchet ne ki mechi Kristo.

1 PETERO 5:2

oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

1 SAMUEL 9:7

Koleenji `Saulo otwogindennyi, “Ngot keebe keipchini nee chiichooto? Kagogeskei amitwogik eng' tuguuk che ko ki ibune, ama mi kagoochinet ne keipchini chiichooto po Kamuktaindet. Nee ne ketinye?”