EZEKIEL 13:13 - BUKUIT NE TILIIL Sireet ne Dutero Kanon

¹³ Mwaei anyun Kiptaiyat Kamuktaindet kole: Abete inatuniito eng' usoonet ne oo eng' nereegekyuk che ng'woneen; ak kobiit ropta ne oo eng' nereegekyuk, ak koik che eecheen che po ropta eng' nereegekyuk che ng'woneen, si kobiit kogees.

Bukuit Ne Tilil

¹³ Mwaei anyun Kiptaiyat Kamuktaindet kole: Abete inatuniito eng' usoonet ne oo eng' nereegekyuk che ng'woneen; ak kobiit ropta ne oo eng' nereegekyuk, ak koik che eecheen che po ropta eng' nereegekyuk che ng'woneen, si kobiit kogees.

BUKUIT NE TILIL

¹³ Mwaei anyun Kiptaiyat Jehovah ko u ni kole: Abete inatunito eng’ usonet ne o eng’ neregekyuk che ng’wonen; ak kobiit ropta ne o eng’ neregekyuk, ak koik che eechen che bo ropta eng’ neregekyuk che ng’wonen, si kobiit koges.

EZEKIEL 13:13 ပူးပေါင်းရင်းမြစ်များ

Kitabuutap JOB 38:22

Tos ki ichut ole kigonoree teluji, anan ki igeer ole kigonoree koigap ropta,

Kitabuutap JOB 38:23

che ki agonorchi peetuutap nyalilda, ak agonorchi peetuutap pooryeet ak lugeet?

TIENWOGIKAL 105:32

Ki igoochi koik ne kata ropta, ak maat ne liplibeni eng' emennywa.

TIENWOGIKAL 107:25

Amu ng'atei ak kong'eeti kipchurchuryet, ne namjin parak mildaennyi pogei ne po peek.

TIENWOGIKAL 148:8

Olasu maat ak koiyat, teluji ak kibungweret; ak kipchurchuryet ye osuldochini ng'olyoondennyi.

ISAIAH 30:30

Ak koyai Kamuktaindet ne Toroor kutinnyi ne po toroornatet kogasak, ak koboor kochoru eunnyi, eng' nyitatetap nereeknatennyi ak liplibenetap maat ne peelsei, kobooto cheet ak usoonet ne oo ak koigap ropta.

JEREMIA 23:19

Ogeero, kagomong' kipchurchuryetap Kamuktaindet ne Toroor, nooto nereegekyik che koroomen, ee, kipchurchuryet ne usei kot: kwerei metowegap kiptengeginik.

RIREKAB JEREMIA 2:1

Kalya si kotuge Kiptaiyat cheptap Zion pooldet eng' nereegekyik! Ki kotim karaaranindap Israel eng' kipsengwet konyo ng'wony, amata kobwaat ng'echereetap keelyekyik eng' peetuutap nereegekyik.

RIREKAB JEREMIA 2:3

Ki kotil kimnateetap Israel eng' nereegekyik che ng'woneen. Ki koweech eunnyi ne po tai konyo eng' taitap puunik. Ki kolal ineendet ko uu maat ne liplibeni eng' Jakobo, ne peelei komoswek tugul.

RIREKAB JEREMIA 2:4

Ki koriich kwangennyi ko uu puunyoot, ki tonon kochuul eunnyi ne po tai ko uu puunyoot, ki kobar tugul che iboiboi koonyek; eng' emaitap cheptap Zion; ko ki koroong'ji nereegekyik che koroomen ko uu maat.

EZEKIEL 1:4

Ogeero! Ki ageer usoonetap ropta ne oo komang'une murot kaataam; pooldet ne oo, kobooto kalyeleet ne oo ne kiyiem kakweng'seet ne kiim. Eng' kwenunnyi ko kitogu kiit ne uu itoondap taet, komang'une kwenutap maat.

EZEKIEL 13:12

Ogeero, ye luul inatunooto, ko tos ma kiteebenok keele, Mi ano malset ne ki komale inatuniito?

ATEPTAP LAWIK 26:28

atilok let anyun eng' pandanyu eng' nereegek che pichiien, ak abirok agane konyil tisap amu tengekwogikwok.

JONAH 1:4

Ago ki iyookyi `Kamuktaindet ne Toroor nyanjet usoonet ne oo, ak ki piit kipchurchuryet ne oo miising' eng' nyanjet, kot komach kobutok meeliit.

HAGGAI 2:17

Ki abirenok chelalityet ak uchatet ak koigap ropta eng' poisyonik tugul che po eunekwok; ago ma oweekyagei, mwaei Kamuktaindet ne Toroor.

NG'ANG'UTYET 11:19

Ak ki kiyaat hekaluutap Kamuktaindet eng' kipsengwet; ak ki took eng' hekalunnyi moingetap arorutyennyi; ak ki piit kalyelosyek, ak kutusweek, ak tuloosyek, ak potaneetap ng'wony, ak koik che eecheen che po ropta.

NG'ANG'UTYET 16:21

Ak kororokyi piik koik che eecheen che po ropta che rorogu eng' kipsengwet, che tee nyigiisindanywa talendait: ak ki chup `piik Kamuktaindet amu koroitap koichooto po ropta; amu oo miising' koroitanyi.

NG'ANG'UTYET 8:7

Ki kuut malaikaiyat ne po tai, ak ki piit koigap ropta ak maat che purugotin ak korotiik, ak ki kiwiirchi ng'wony; ak ki lal kebeberta agenge eng' somok ne po ng'wony, ak ki lal kebeberta agenge eng' somok ne po keetiik, ak kilalyo susweek tugul che tuonen.