EZEKIEL 12:12 - BUKUIT NE TILIIL Sireet ne Dutero Kanon

¹² Ibei pounindet ne mi kwenunnywa, kotiinyi kaat, ko kagoimen, ak kwo: unduri icheek inaatut si kobiit kouutoe tuguukwak yooto: tuchei togeennyi, amu ma keerei ng'wony.

Bukuit Ne Tilil

¹² Ibei pounindet ne mi kwenunnywa, kotiinyi kaat, ko kagoimen, ak kwo: unduri icheek inaatut si kobiit kouutoe tuguukwak yooto: tuchei togeennyi, amu ma keerei ng'wony.

BUKUIT NE TILIL

¹² Ibei bounindet ne mi kwenunywa, kotiinyi kaat, ko kagoimen, ak kwo: unduri ichek inatut si kobiit kouutoe tugukwak yoto: tuchei togennyi, amu mageerei ng’ony.

EZEKIEL 12:12 ပူးပေါင်းရင်းမြစ်များ

2 LAITORINIK 25:4

Kibut anyun piik irimeetap nganaseet ak komweiso murenik tugul che po lugeet kemoi kobun ooreetap ormariichet ne ki mi kwenutap inatusyek aeng' ole ki neegitee seremutap laitoryat. Nga kiga yiem Kaldeik nganaseet, ko ki pun icheek ooreetap Arabah.

2 LAITORINIK 7:5

Ki ng'eetyo karon kota ko mirmir ak koba nganaseetap piigap Syria. Kingo it tabandap nganaseetap piigap Syria, konyoor koma komi chii yooto.

Kitabuutap JOB 24:16

Yaatei kooriik kemoi, ak kerchingei ko peet. Ma naei lapkeiyet.

JEREMIA 24:8

Ak ko uu kiit ne uu logoechu yaacheen po mogoonik, che ma kimuuchi keam, amu yaacheen miising'; mwaei Kamuktaindet ne Toroor iman kole, ko uu nooto agoitoi Zedekiah laitoryatap Judah, ak pounikyik, ak che ng'etu che po Jerusalem, che ng'etu eng' emoni, ak icheek che menyei emetap Misiri:

JEREMIA 32:5

ak komut Zedekiah kwo Babilon, ak kotebee olooto agoi tuun aityi pireet ineendet, mwaei Kamuktaindet ne Toroor: agot ngo pargei ak Kaldeik, koma kiberuurok?

JEREMIA 37:17

koyookto anyun Zedekiah laitoryat kimut ineendet konyo: ak kiteepse laitoryat ineendet eng' ung'oot eng' koonnyi, koleenji tos mi ng'olyoot age tugul ne punu Kamuktaindet ne Toroor? Ak ki le Jeremiah, Miitei. Ki mwa kogeny kole kindein eutap laitoryatap Babilon.

JEREMIA 39:4

Ak kingo keer Zedekiah laitoryatap Judah ak murenik tugul che po lugeet, pichooto, komwei komanda eng' nganaseet kemoi, kobun ooreetap mbareetap laitoryat, eng' ormariichet ne ki mi kwenutap inatusyek aeng': ak kimandae ooreetap Arabah.

JEREMIA 42:7

Ak kingo pata peetuusyek tamanu, konyonji `ng'olyootap Kamuktaindet ne Toroor Jeremiah.

JEREMIA 52:7

Kobut anyun piik irimeetap nganaseet ak ki mwei murenik tugul che po lugeet kemoi kobun ooreetap ormariichet ne ki mi kwenutap inatusyek aeng', ne ki mi ole neegitee seremutap laitoryat; (kigayiem Kaldeik nganaseet:) ak ki pun icheek ooreetap Arabah.

EZEKIEL 12:4

Ak iibu tuguuguk komong' peet kogeerei icheek, ko uu tuguugap kautoet: ak iwe imande inyeendet koskoleny kogeerei icheek, ko uu ye pendi piik luuleet.

EZEKIEL 12:6

Iibe itiinye kaat, kogeerei icheek, ak iip komanda ko kagoimen; ituche togeng'ung', si megeer emet: amu kaandein iegu kaboorunet eng' kootap Israel.