EZEKIEL 11:5 - BUKUIT NE TILIIL Sireet ne Dutero Kanon

⁵ Ak ki nyoonjo Kabuusetap Kamuktaindet ne Toroor, ak koleenjo, Mwa ile, Mwaei Kamuktaindet ne Toroor kole ki omwa ko uu ni, ee kootap Israel; amu angen tuguuk che obwaati.

Bukuit Ne Tilil

⁵ Ak ki nyoonjo Kabuusetap Kamuktaindet ne Toroor, ak koleenjo, Mwa ile, Mwaei Kamuktaindet ne Toroor kole ki omwa ko uu ni, ee kootap Israel; amu angen tuguuk che obwaati.

BUKUIT NE TILIL

⁵ Ak kinyonja Tamirmirietab Jehovah, ak kolenja, Mwa ile, Mwaei Jehovah ko u ni kole, Kiomwa ko u ni, ee gotab Israel; amu angen tuguk che obwati.

EZEKIEL 11:5 ပူးပေါင်းရင်းမြစ်များ

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

TIENWOGIKAL 50:21

Ki iyai tuguuchuuto ak ki asiis; ki ileen ki kerge ak inyee. Ago agerin kong' nguno, ak atete tugul eng' taing'ung'.

TIENWOGIKAL 7:9

Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

ISAIAH 28:15

Amu ki omwa ole, “Ki kiyomiske ak meet, ak ki kiyanjine ak ye mi meet; ye siirto pireet ne oo, koma ityinech; amu ki keyai lembechek koek ole kimwechini, ak ki kiung'egei lembeita;”

ISAIAH 58:1

Waach miising', amesiis, waach ko uu iryageet, ak imwachi piikyuk pistoennywa, ak imwachi kootap Jakobo tengekwogikwak.

JEREMIA 11:20

Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 16:17

Amu ageere emotinwekwak tugul: ma ung'ootiin eng' tainnyu, ama ung'aat tengektonywa si ma keer.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

EZEKIEL 2:2

Ak ye ki ng'alaalwo ineendet, konyoonjo anyun kabuusetap Kamuktaindet ak konama atonon; ak ki agas kong'alaalwo ineendet.

EZEKIEL 2:7

Mwachi icheek ng'aleekyuk, agot ngo kas anan koma kas; amu ngelelik miising'.

EZEKIEL 20:32

ak ma piitu agot kitigin nooto obwaati; amu omwae ole, “Kigergeitu ak pororyosyek, ak kergeitu ak ortinwegap emotinwek, keoot keetiik ak koik.”

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

EZEKIEL 29:3

ng'alaal, ak imwa ile, Mwaei Kiptaiyat Kamuktaindet ne Toroor kole; Keero, aboryenen, inyee Pharaoh laitoryatap Misiri, maswetit ne oo ne rue kwenutap ainoosyekyik, ne ki komwa kole, ainennyu ko nenyu aneege, ki ayachinigei.

EZEKIEL 3:11

Yeityo iwe ole mi che ki kiluul, agoi kaplagogap piiguk, ak ing'alaalji icheek, ileenji, “Mwaei ko uu ni Kiptaiyat Kamuktaindet ne Toroor”; agot ngo kas anan ko ngo ma kas.

EZEKIEL 3:24

Kichuta anyun kabuusetap Kamuktaindet, ak konama atonon; ak ki ng'alaalwo, koleenjo, Ui, kerchigei koong'ung'.

EZEKIEL 3:27

Ak ye ang'alaalun ayaate kuting'ung', ak ileenji icheek, Mwaei Kiptaiyat Kamuktaindet ne Toroor kole, ingogas ineendet ne kasei; ak ingoesyo ineendet ne eesyoi: amu icheeget ko koot ne ngelelyot.

EZEKIEL 8:1

Ki nyoonjo eutap Kiptaiyat Kamuktaindet ne Toroor eng' kenyiit ne po lo, eng' arawetap lo, eng' peetuut ne po muut ne po arawanooto, ye ki atebye eng' koonnyu, ak kotebyei poisyegap Judah eng' tainnyu.

MARIKO 2:8

Ki nai anyun Jeso eng' saboondanyi kole ka ibwaati ko uu nooto icheegei, koleenji, “Kalya si obwaat tuguuchu eng' mugulelwekwok?

JOHANA 21:17

Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.

POISYONIGAP CHE KIYOKTOI 10:44

Ye kita komwaei Petero ng'aleechu, kochoorchigei Kabuuset ne Tiliil tugul che kigasei ng'olyoot.

POISYONIGAP CHE KIYOKTOI 11:15

Ak ye kinga tau ang'alaal, kochoorchigei `Kabuuset ne Tiliil icheek ko uu ye kichorchechkei agacheek eng' taunet.

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

JAKOBO 3:6

Ak ng'elyepta ko maat. Ng'wonyut ne po tengekto eng' kebeberwekyok ko ng'elyepta, ne imurwoni poorto komugul, ak konaami maat eng' pandap chii kotee kosabei ak kinaami eng' maatap Gehenna.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

1 SAMUEL 10:10

Kingo it tulweet, kotuiye ineendet maotik che kigaiyumgei, ak ki nyoonji ineendet Kabuusetap Kamuktaindet eng' kimnateet, ak ki maoten eng' kwenunnywa.

1 SAMUEL 10:6

Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.