EZEKIEL 11:20 - BUKUIT NE TILIIL Sireet ne Dutero Kanon

²⁰ si kobendatee ng'atuutikyuk, ak koriip kayomisutikyuk, ak koyai: ak koek icheek piikyuk, ak aegu Kamuktaindennywa.

Bukuit Ne Tilil

²⁰ si kobendatee ng'atuutikyuk, ak koriip kayomisutikyuk, ak koyai: ak koek icheek piikyuk, ak aegu Kamuktaindennywa.

BUKUIT NE TILIL

²⁰ si kobendate ng’atutikyuk, ak korib kayomisutikyuk, ak koyai: ak koek ichek bikyuk, ak aegu Kamuktaindenywa.

EZEKIEL 11:20 ပူးပေါင်းရင်းမြစ်များ

TAUNET 17:8

Agoonin inyee ak lagoguk che piitu let emoni tugul po Kanaan, ni oo kiprutoin koek neng'wong' koigeny, ak aegu Kamuktaindennywa.”

TIENWOGIKAL 105:45

si kobiit koriip kaneetisyosyekyik, ak koosup ng'atuutikyik. Olasu Kamuktaindet ne Toroor.

TIENWOGIKAL 119:1

Poiboen che ititaatiin eng' ooreet, che pendote ng'atuutyetap Kamuktaindet ne Toroor.

TIENWOGIKAL 119:32

Alabati eng' ooreetap ng'atuutiguk, ye ibaroi muguleldanyu.

KALEWANAIK 9:6

Omete abusnateet ak osapche, ak obendate ooreetap kaguiyet.”

JEREMIA 11:4

ne ki ang'at kwanisyekwok eng' peetuut ne ki amutu icheek komong' eng' emetap Misiri, komang'une maatap karnet ak aleenji, ‘Ogas iit kutinnyu ak oyai chooto, ko uu tugul che ang'atook, si oegu piikyuk anyun ak aegu Kamuktaindeng'wong'.

JEREMIA 24:5

Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo.

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 30:22

Ak oegu piikyuk, ak aegu Kamuktaindeng'wong'.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

JEREMIA 32:38

Ak koek piikyuk, ak aegu Kamuktaindennywa:

JEREMIA 32:39

ak agoochi icheek muguleldo agenge ak ooreet agenge, si komuuch koiywea koigeny; si konyoor myeeindo ak lagokwak che isubi icheek:

EZEKIEL 11:12

ak onai ole aa Kamuktaindet ne Toroor: amu ma obendate ng'atuutikyuk, ama oyai kirwoogutikyuk, ago ki osup kirwoogutigap pororyosyek che mi komoswekwok.

EZEKIEL 14:11

si ma ta koombenot kogeny kootap Israel kometaa, anan kong'wanitkei kogeny eng' pistaosyekwak tugul; ago si koek piikyuk, ak aegu Kamuktaindennywa, mwaei Kiptaiyat Kamuktaindet ne Toroor.

EZEKIEL 37:23

Ama kong'wanitegei kanamonikwak kogeny, anan eng' tuguukwak che samis, anan agot agenge eng' pistaosyekwak: ago asaru icheek eng' oldinwekwak tugul che menyei: ole kiyae tengekto, ak atiliil icheek: egu anyun piikyuk, ak aegu Kamuktaindennywa.

EZEKIEL 37:27

Tebyei agine emainnyu kobooto icheek; ak aegu Kamuktaindennywa, ak koek icheek piikyuk.

EZEKIEL 43:11

Ak ngot kolilaanso amu tuguuk tugul che ki koyai, iboorchi kiit ne uu koot, ak itoondanyi, ak ole kibunei kebendi saang', ak ole kibunei kebendi ko, kobooto ole uu tuguuk, ak etanutikyik tugul, ak ole teptoi tugul, ak ng'atuutikyik tugul, ak isir kogeerei: si kobiit koriip ole uu kiit komugul, kobooto etanutikyik tugul, ak koyai.

HOSEA 2:23

Ak agoole ineendet eng' emet; ak ariiree ineendet ne ki ma ki riiree; ak aleenji icheek che ki ma ko piikyuk, “Oo piikyuk;” ak kole “Ii Kamuktaindennyu.”

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

SEKARIA 8:8

ak amutu icheek ak komeny kwenutap Jerusalem. Ak koek `icheek piikyuk ak aegu Kamuktaindennywa, eng' imanit ak eng' imanda.”

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

ROMANIK 16:26

ago kagong'ang'ak nguno, ak eng' siruutik che po maotik, ko uu ng'atuutyetap Kamuktaindet ne po koigeny, ko kagiboorchi pororyosyek tugul agoi kasetap iit ne po kayaneet;

1 KORINTOEK 11:2

Aloswok anyun nguno amu obwaata eng' tuguuk tugul, ak oriibe kaneetisyosyek ko uu ye ki arorwok.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

HEBRANIK 11:16

Ago machei kot nguno emet ne karaaran kosiir nooto, nooto ko, ne po kipsengwet: nooto anyun ma keerei Kamuktaindet kalilanet agobo icheek keguure Kamuktaindet nenywa: amu Ki kochopchi icheek nganaseet.

HEBRANIK 8:10

Amu ni kayomiset ne tuun kiyomisyinige ak kootap Israel. Ye ibata peetuusyechooto, mwaei Kiptaiyat: Andoi ng'atuutikyuk kabwaatutikwak, ak asirchi kogeny mugulelwekwak, ak aegu Kamuktaindet eng' icheek, ak koek piikyuk.