EZEKIEL 11:19 - BUKUIT NE TILIIL Sireet ne Dutero Kanon

¹⁹ Ak agoochi icheek muguleldo agenge, ak ande icheek sabeet ne leel; ak aiste muguleldap koita eng' poorwekwak, ak agoochi icheek muguleldo ne po panyeek:

Bukuit Ne Tilil

¹⁹ Ak agoochi icheek muguleldo agenge, ak ande icheek sabeet ne leel; ak aiste muguleldap koita eng' poorwekwak, ak agoochi icheek muguleldo ne po panyeek:

BUKUIT NE TILIL

¹⁹ Ak agochi ichek muguleldo agenge, ak amdeak tamirmiriet ne leel; ak aiste muguleldab koita eng’ borwekwak, ak agochi ichek muguleldo ne bo banyek:

EZEKIEL 11:19 ပူးပေါင်းရင်းမြစ်များ

2 LAITORINIK 22:19

amu kang'arng'arit muguleldang'ung', ak iming'ingei eng' taitap Kamuktaindet ne Toroor, ye kangi kas kiit ne ki amwa agobo olito ak piik che menyei olito, ale egu karaatya ak chubeet, ak amu kegereer ngoroiguk ak iriir eng' tainnyu, kaagasin agane, mwaei Kamuktaindet ne Toroor.

2 ATEPTAP PEETUUSYEK 30:12

Ki mi kogeny eutap Kamuktaindet Judah si kogoochi icheek muguleldo agenge koyai ng'atuutyetap laitoryat ak pounik eng' ng'olyootap Kamuktaindet ne Toroor.

TIENWOGIKAL 51:10

Yaiywo muguleldo ne tiliil, ee Kamuktaindet; ak iyai saboondanyu koleelit ak iywokyi eng' oriit.

ISAIAH 48:4

Amu ki anai ale uin met, po karnet kaating'ung', po sugunwet togeng'ung';

JEREMIA 24:7

Ak agoochi icheek muguleldo ne naena, kole, aa Kamuktaindet ne Toroor: ak koek piikyuk, ak aegu Kamuktaindennywa: amu weekyinagei eng' mugulelwekwak tugul.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

EZEKIEL 37:14

Ak andeok Kabuusennyu, si osapche, ak andeok emeng'wong' si kobiit onai ole anee Kamuktaindet ne Toroor ne kamwae ng'olyoondoniito, ak ayai, mwaei Kamuktaindet ne Toroor.

SEPANIA 3:9

Amu tuun aweekyini anyun piik eng' peetuunooto kutit ne myee, si koguur tugul kainetap Kamuktaindet ne Toroor, ak koboisyechi eng' mageet agenge.

SEKARIA 7:12

Ee, ki iuit mugulelwekwak koigei kibargoiyet, si ma kas ng'atuutyet, ak ng'aleek che kiga koyook Kamuktaindet ne Toroor ne po lugoosyek eng' Kabuusennyi ne Tiliil eng' eunegap maotik che po tai: ki mong' anyun nereegek che eecheen kobunu Kamuktaindet ne Toroor ne po lugoosyek, amu nooto.

LUKA 11:13

Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

ROMANIK 11:2

Ki ma toorta `Kamuktaindet piikyik che kisip konai. Anan ma onai ne mwaei sireet agobo Elijah? Ko uu ye king'andoi `ineendet Yahudik eng' taitap Kamuktaindet kole,

1 KORINTOEK 1:10

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

2 KORINTOEK 3:3

oboortoige ole oo parweet ne po Kristo, ne ki kiyai, ne ki kisir ama eng' wino, ago eng' Kabuuset ne po Kamuktaindet ne sabei; ma eng' koik che lebeleen, ago eng' koik che lebeleen che mugulelwek che po poorwek.

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

GALATYEK 6:15

Amu ma kiy kamuratanet, anan ngo ma kimuratan, ago yautyet ne leel.

EPESOEK 4:23

asi owalage oleelagitu eng' nautigap saboonwekwok,

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.