EZEKIEL 11:16 - BUKUIT NE TILIIL Sireet ne Dutero Kanon

¹⁶ mwaa anyun ile, Mwaei Kiptaiyat Kamuktaindet ne Toroor kole: Nganda ki ayestochi icheek ole loo eng' pororyosyek, ak ki aseer icheek koyom emotinwek, kota aegu kora eng' icheek komosta ne tiliil eng' ne matya eng' emotinwek che ki koba.

Bukuit Ne Tilil

¹⁶ mwaa anyun ile, Mwaei Kiptaiyat Kamuktaindet ne Toroor kole: Nganda ki ayestochi icheek ole loo eng' pororyosyek, ak ki aseer icheek koyom emotinwek, kota aegu kora eng' icheek komosta ne tiliil eng' ne matya eng' emotinwek che ki koba.

BUKUIT NE TILIL

¹⁶ mwa anyun ile, Mwaei Kiptaiyat Jehovah ko u ni kole: Nganda kiayestochi ichek ole loo eng’ bororiosiek, ak kiaseer ichek koyom emotinwek, ko ta aegu kora eng’ ichek komosta ne tilil eng’ ne matia eng’ emotinwek che kigoba.

EZEKIEL 11:16 ပူးပေါင်းရင်းမြစ်များ

TIENWOGIKAL 31:20

Iung'e icheek ole imi ole ung'aat si ma ityi chaamsetap piik. Iunye icheek eng' ung'oot eng' emait si ma nyoor polateet ne po ng'aleek.

TIENWOGIKAL 44:11

Keyaech kegergeitu ak keechiirek che kienyei; ak ki iyestech kebe ye mi pororyosyek.

TIENWOGIKAL 90:1

Ee Kiptaiyat, ki iegu ole ki menye Eng' ibinwek tugul.

TIENWOGIKAL 91:1

Ineendet ne menyei ole ung'aat ne po Ineendet Ne Toroor Miising' Kotebee nooto urwetap Ineendet Ne po Kamuktaet.

KALEWANAIK 18:10

Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

ISAIAH 4:5

Yeityo koyai Kamuktaindet ne Toroor pooldet ak iyeto eng' peet kouur meng'ooteet tugul ne po tulweetap Zion, ak maat ne liplibeni ak ne iluu kemoi; amu tuchei toroornatet komugul kiit ne kiuure.

ISAIAH 8:14

Ak koek ineendet ole-tiliil; ago egu koita ne inachi piich ak rwandet ne riichei piich eng' kooriik tuwai che po Israel, koek mesteet ak mesteet age ne teer eng' piik che menyei Jerusalem.

JEREMIA 26:11

Yeityo komwachi tisiik ak maotik, pounik, ak piik tugul koleenji, Nyoljin meet chiichi; amu kogomaoten kiit ne ya agobo nganasani, ko uu ye koogas eng' itiikwok.

JEREMIA 26:7

Ak kigasei tisiik ak maotik ak piik tugul komwaei Jeremiah ng'aleechuuto eng' kootap Kamuktaindet ne Toroor.

JEREMIA 29:11

Amu angen kabwaatutik che abwaati agobo okweek, mwaei Kamuktaindet ne Toroor, kabwaatutigap kaalyeet, ma che po yaityet, si agoonok kamang'unet eng' peetuusyekwok che po let.

JEREMIA 29:7

Ak ocheeng'ji kaalyeet nganaseet ne ki achamde keluuljok, ak osaa Kamuktaindet ne Toroor agobo nganasanooto: amu onyooru kaalyeet eng' kaalyeetap nganasanooto.

JEREMIA 30:11

Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

JEREMIA 31:10

Ogas ng'olyootap Kamuktaindet ne Toroor, ee okweek pororyosyek, ak omwaite niito eng' ngeguusyek che looen, ole, ineendet ne ki iyeesta Israel, koyumi ak koriip, ko uu ye riibei mestowot akweennyi.

JEREMIA 42:11

Amoiywei laitoryatap Babilon, ne oiywei; amoiywei ineendet, mwaei Kamuktaindet ne Toroor: amu ami kobootok, si asarwok, ak atyachak eng' eunnyi.

EZEKIEL 20:23

Ak ki ang'werere icheek eunnyu eng' surkwen, si kobiit aseer icheek eng' pororyosyek, ak aiyeste icheek koyom emotinwek;

ATEPTAP LAWIK 26:44

Agot nganda uu chooto tugul, ye mi emetap puunikwak, koma eesyoi icheek, amaweche, amang'eme awong'u ak ma pute kayomisennyu kobooto icheek. Amu aa Kamuktaindet ne Toroor Kamuktaindennywa.

SEKARIA 2:6

Mwaei Kamuktaindet ne Toroor kole “Eiye, eiye! Omwei eng' emetap murot kaataam, amu ki aseerak ko uu usoonaik ang'wan che po kipsengwet.

NG'ATUTIK 4:27

Iiyestaak Kamuktaindet ne Toroor oyomu pororyosyek ak ong'etu che ng'ering' eng' pororyosyek ole imutok Kamuktaindet ne Toroor.