EZEKIEL 1:1 - BUKUIT NE TILIIL Sireet ne Dutero Kanon

¹ Ki ageer ng'ang'utigap Kamuktaindet eng' kenyiitap sosom, eng' arawet ne po ang'wan, eng' peetuutap muut ne po arawanooto ye kingo yaatak kipsengwet ami kobooto luulenik eng' ye neegitee aineetap Kebar.

Bukuit Ne Tilil

¹ Ki ageer ng'ang'utigap Kamuktaindet eng' kenyiitap sosom, eng' arawet ne po ang'wan, eng' peetuutap muut ne po arawanooto ye kingo yaatak kipsengwet ami kobooto luulenik eng' ye neegitee aineetap Kebar.

BUKUIT NE TILIL

¹ Kiyatak kipsengwet eng’ kenyitab sosom, eng’ arawet ne bo ang’wan, eng’ betutab mut ne bo arawanato, ye kiami koboto luulenik eng’ ye negite ainetab Kebar, ak kiageer ng’ang’utikab Kamuktaindet.

EZEKIEL 1:1 ပူးပေါင်းရင်းမြစ်များ

TAUNET 15:1

Ye kingo pata tuguuchu anyun koityi Abram `ng'olyootap Kamuktaindet ne Toroor eng' ng'ang'utyet koleenji, “Abram, ameiywei! Aa long'eng'ung' ak oo melektang'ung' miising'.”

TAUNET 46:2

Ki ng'alaalji `Kamuktaindet Israel eng' ng'ang'utik che po kemoi, koleenji, “Jakobo! Jakobo!” Ak ki le, “Ami yu.”

TIENWOGIKAL 137:1

Eng' ngeguutap ainoosyegap Babilon, ko ki kitebee olooto ak ki kiriirtosi, ye kingi pwaati Zion.

KOMONG'U 24:10

Ki keer anyun icheek Kamuktaindet ne po Israel. Ki mi keelyekyik keel koita ne keguure sapphire ne uu sengwetyet eng' tiliilindanyi.

ISAIAH 1:1

Ng'ang'utyet ne ki ityi Isaiah weeriitap Amos, ne ki keer agobo Judah ak Jerusalem, eng' peetuusyegap Uzziah, Jotham, Ahaz ak Hezekiah, laitorinigap Judah.

ISAIAH 6:1

Eng' kenyiit ne kimee Laitoryat Uzziah, ageer Kiptaiyat kotebee ng'echereetap laitornatet, kotoroor ak komi parak, ak ki nyi ngoryennyi Hekaluut.

JEREMIA 29:15

Amu ki omwa ole, Kigong'eetwech Kamuktaindet ne Toroor maotik eng' Babilon.

EZEKIEL 1:3

ko ki nyoonji `ng'olyootap Kamuktaindet ne Toroor Ezekiel tisiindet, weeriitap Buzi, eng' emetap Kaldeik, eng' ye neegitee aineetap Kebar; ak kimi eutap Kamuktaindet ne Toroor paragunnyi eng' olooto.

EZEKIEL 10:1

Ki ageer anyun, ak ogeero, ki took eng' sengwetyet, ne ki mi paragutap kerubik, kiit ne ki uu koitap sapphire, ne uu itoondap kergeindap ng'echereetap laitornatet.

EZEKIEL 10:10

Ki tinyei kergeindo agenge icheek tugul ko ang'wan eng' itoondanywa, ko uu ye ki mi tireet kwenutap tireet age.

EZEKIEL 10:15

Ak kitogosta kerubik: niito ko ki it ne sabei ne ki ageer eng' ye neegitee aineetap Kebar.

EZEKIEL 10:20

Niito ko kioto sabei ne ki ageer eng' kurereetap Kiptaiyat Kamuktaindetap Israel eng' ole neegitee aineetap Kebar ak ki anai ale kerubichooto.

EZEKIEL 10:22

Ak ki kergei togoochikwak ak togoochik che ki ageer eng' ole neegitee aineetap Kebar, icheeget kobooto itoonwekwak; kibendi age tugul kogeerei tai.

EZEKIEL 11:24

Ak kiganaba Kabuuset ne Tiliil, ak komutwaa eng' ng'ang'utyet eng' Kabuusetap Kamuktaindet, anyo Kaldea, agoi ait ole mi icheek che ki kiluul. Ki togosta anyun eng' ole ki ami ng'ang'utyonooto kiga ageer.

EZEKIEL 3:15

Ki anyoo ye mi icheek che ki kiluul eng' Tel-abib ye neegitee aineetap Kebar. Ki anyoo ak ki atebee olooto, peetuusyek tisap, akwong'e.

EZEKIEL 3:23

Ki ang'eet anyun ak awe warenget: ak ogeero, ki tonon liilindo ne ki ageer eng' ye neegitee aineetap Kebar: ak ki abut kot kotiiny togeet ng'wony.

EZEKIEL 40:2

Ki imutwaa eng' ng'ang'utigap Kamuktaindet anyo emetap Israel ak kondea tulweet ne kooi miising', ole kimi itoondap teekseetap nganaseet eng' murot tai.

EZEKIEL 43:3

Ak ki uu itoondap liilinooto ng'ang'utyet ne kigageer, ko uu ng'ang'utyet ne ki ageer ye ki anyoone ang'eme nganaseet; ak ki uu ng'ang'utichooto ng'ang'utyet ne ki ageer eng' ye neegitee aineetap Kebar: ak ki abut kot kotiiny togeet ng'wony.

EZEKIEL 8:3

Ak ki iyogoi kiit ne uu euut, konam suumeekyuk ak kiganaba Kabuuset ne Tiliil eng' kwenutap ng'wony ak kipsengwet, ak komutwaa eng' ng'ang'utigap Kamuktaindet anyo Jerusalem, agoi kurgeetap ormariichet ne po seremut ne po oriit ne tokyingei murot kaataam; ole ki mi ng'echereetap kanamwetap ng'etkonda, ne tagisyei kogoonu ng'etkonda.

HOSEA 12:10

Ki ang'alaalji maotik, ak ki ates ng'ang'utik; ak ki aboisyee kalewenaik eng' poisyetap maotik.

JOEL 2:28

Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

KAITOSYEK 12:6

Ki leenji anyun Kamuktaindet ne Toroor, “Ogas anyun ng'aleekyuk: Ngo mi maotyot kwenung'wong', aboorchinigei anee Kamuktaindet ne Toroor eng' ng'ang'utyet, ang'alaaljini eng' karwotitoet.

KAITOSYEK 4:3

Iit piik tugul kobooch che po kenyiisyek sosom agoi che po kenyiisyek konom; tugul che imuuchi poisyet, si kobiit koyai poisyet eng' emait ne kituiyechin.

MATAYO 17:9

Ye kita kochoorugei eng' tulweet, kong'at Jeso icheek koleenji, “Amomwachi chii kaboorunoniito agoi tuun kogagobata kong'eet Weeriitap chii eng' che ki pek.”

MATAYO 3:16

Kingo kagibatisan Jeso, ye kigatogos kityo eng' peek, ogeero, ki yaatagis kipsengwet ak kogeer `ineendet Kabuusetap Kamuktaindet kochoorugei ko uu cheptuget ak kotonoon eng' paragunnyi.

MARIKO 1:10

Yeityo kogatogos eng' peek, kogeer kipsengwet kogayaatak ak kochoorchigei ineendet Kabuuset ne Tiliil ko uu cheptuget.

LUKA 3:21

Ak ye kingo kagibatisan piik tugul, ak ko kagibatisan Jeso agine, ak ye ki saaei, koyaatak kipsengwet,

LUKA 3:23

Kingo tau Jeso koneetisyei, ko ki neegit kenyiisyek sosom, (koleen icheek abeere) weeriitap Joseph, weeriitap Heli.

JOHANA 1:51

Ak ki leenji, “Amwaiwok, iman, iman, ale, tatun ogeere kipsengwet koyatoksei, ak kotogostoi malaikaisyek che po Kamuktaindet ak kochoorchigei Weeriitap chii.”

POISYONIGAP CHE KIYOKTOI 10:11

Ki keer kipsengwet koyaatak, ak kochoorugei kiit ne uu angeet ne oo kot, kechooru eng' kuinoik ang'wan agoi ng'wony.

POISYONIGAP CHE KIYOKTOI 10:3

Eng' koskoleng'ut age olo po sait sogool ne po peet ko ki keer eng' ng'ang'utyet kimni, ne eng' ng'ang'utyonooto ko ki keer malaikaiyatap Kamuktaindet konyonjin ineendet ak koleenji, “Korneli.”

POISYONIGAP CHE KIYOKTOI 7:56

Ak ki le, “Ogeero, ageere kipsengwet ko kagoyatagis, ak kotononi Weeriitap chii eng' eutap tai ne po Kamuktaindet.”

2 KORINTOEK 12:1

Kanyool aloske, agot ngo ma nyolu; ago aityini keersosyek ak ng'ang'utik che po Kiptaiyat.

NG'ANG'UTYET 19:11

Ak ki ageer koyaatak kipsengwet, ak ogeero, paraisiit ne leel, ak ineendet ne kitebee, ko ki kiguuree Ne Kiyani ak ko Iman; ak korwoochi ak koyaei lugeet eng' imanda.

NG'ANG'UTYET 4:1

Kingo pata tuguuchu, ageer, ak ki yaatak kurgeet eng' kipsengwet. Ak kutit ne po tai ne ki agas ko ki uu ne po iryageet, ne ki ng'alaalwo kole, “Togosu oli, si aboorun tuguuk che tuun piitu eng' let matiny.”