ATEPTAP LAWIK 8:30 - BUKUIT NE TILIIL Sireet ne Dutero Kanon

³⁰ Ki inem Musa kebebertap mwaata ki ilse ak kebebertap korotiik che ki mi kaptisisyet ak koisee Aron ak ngoroikyik, ak weeriikyik ak ngoroikwak. Ki ianyiny Aron ak ngoroikyik, weeriikyik ak ngoroikwak.

Bukuit Ne Tilil

³⁰ Ki inem Musa kebebertap mwaata ki ilse ak kebebertap korotiik che ki mi kaptisisyet ak koisee Aron ak ngoroikyik, ak weeriikyik ak ngoroikwak. Ki ianyiny Aron ak ngoroikyik, weeriikyik ak ngoroikwak.

BUKUIT NE TILIL

³⁰ Kiinem Musa kebebertab mwaata kiilse, ak kebebertab korotik che kimi kaptisisiet, ak kiise Aron ak ngoroikyik, ak werikyik ak ngoroikab werikyik; ak kiianyiny Aron, ak ngoroikyik, ak werikyik, ak ngoroikab werikyik.

ATEPTAP LAWIK 8:30 ပူးပေါင်းရင်းမြစ်များ

KOMONG'U 28:2

Napchi Aron ng'eetap komet ngoroik che itabaanatiin che po teegisto ak korooronindo.

KOMONG'U 29:21

Ye ibata inam korotiik che mi kaptisisyet parak ak mwaita ne kiilse, ak iise Aron ak ngoroikyik, ak iise weeriikyik ak ngoroikwak. Si kitabaan ineendet ak ngoroikyik, ak weeriikyik ak ngoroikwak.

KOMONG'U 30:30

Iil Aron ak weeriikyik, ianyiny, si koboisyeiwo eng' tisiisyet.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

ISAIAH 61:3

si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ATEPTAP LAWIK 10:3

Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.

ATEPTAP LAWIK 7:35

Niito kebebertap Aron ak weeriikyik che punu kagoochinoik che kigoochin Kamuktaindet ne Toroor, kobun maat. Ki kitabaanji icheek kong'etee peetuut ne ki kindoi koboisyechi Kamuktaindet ne Toroor eng' tisiisyet.

ATEPTAP LAWIK 7:36

Chuuto che ki ng'at Kamuktaindet ne Toroor kole kigoochi icheek ko kagiil, koek kebebertanywa eng' piigap Israel agoi koigeny eng' ibinwekwak tugul.”

ATEPTAP LAWIK 8:12

Kiroong'ji mwaita ne ki ilse metitap Aron ak koiil si kotabaan ineendet.

KAITOSYEK 3:3

Chooto ko kainaigap weeriigap Aron, tisiik che ki kiil ak kitabaan si koyai tisiisyet.

HEBRANIK 2:11

Amu ineendet ne itiliilisyei ak icheek che kitiliili kobunu agenge: eng' nooto anyun koma keerei ineendet kalilanet koguure icheek che kitupche,

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.