ATEPTAP LAWIK 8:13 - BUKUIT NE TILIIL Sireet ne Dutero Kanon

¹³ Ki imut `Musa weeriigap Aron ak kolaakyi ngoroik che kooen. Kiratyi icheek mosibisyek ak kolakyi metowekwak chepkuloik che mengeechen, ko uu ye ki ng'at `Kamuktaindet ne Toroor Musa.

Bukuit Ne Tilil

¹³ Ki imut `Musa weeriigap Aron ak kolaakyi ngoroik che kooen. Kiratyi icheek mosibisyek ak kolakyi metowekwak chepkuloik che mengeechen, ko uu ye ki ng'at `Kamuktaindet ne Toroor Musa.

BUKUIT NE TILIL

¹³ Ak kiimut Musa werikab Aron, ak kolaakyi ngoroik che koen, ak koratyi ichek birenoik, ak kigerji metowekwak eng’ chepkuloik che mengechen; ko u ye king’at Jehovah Musa.

ATEPTAP LAWIK 8:13 ပူးပေါင်းရင်းမြစ်များ

TIENWOGIKAL 132:9

Ingolaach tisiiguk imanda; ak ingogaskei eng' kutit ne oo eng' poiboiyet cheguuk che tiliileen.

KOMONG'U 40:13

Yeityo ilaakyi Aron ngoroik che ki kitabaan ak iil ineendet ak itabaan, si kobiit koboisyeiwo eng' tisiisyet.

KOMONG'U 40:16

Ki yai anyun Musa ko uu nooto, ko uu tugul che ki ng'at `Kamuktaindet ne Toroor ineendet.

ISAIAH 61:10

Abaibaitu miising' eng' Kamuktaindet ne Toroor, poiboitu saboondanyu miising' eng' Kamuktaindennyu; amu kagolaakwa ngoroigap yetunet, kagotugeno ngoryeet ne po imanda, ko uu ye lelesane sandet kiit ne indoi metit, ak ko uu ye lelesane murereet sonoekyik.

ISAIAH 61:6

Ago kiguurenok tisiigap Kamuktaindet ne Toroor: kuurenok piik kiboitinigap Kamuktaindennyo: oame mogornatosyegap pororyosyek, ak olasunegei toroornatennywa.

EZEKIEL 42:14

Ye pa tisiik oriit, koma mandoi eng' ole-tiliil kobendi seremut ne sip kemong'jin, ama konoree yooto ngoroikwak che kaboisyee; amu tiliileen ngoroichooto: yeityo kolaach ngoroik alak, si koriiktoi ole mi piik.

ATEPTAP LAWIK 10:5

Ki pwa anyun pichooto ak kosut icheek, kotinyei ngoroikwak che kooen koba saang'utap nganaseet, ko uu ye ki kamwa Musa.

ATEPTAP LAWIK 8:21

Ki iun eng' peek tuguugap moo ak keelyek, ak kobeel mengoto komugul eng' kaptisisyet. Ki kagoochinet nooto ne kibeelei koek nyamdutyet ne anyiny, kagoochinet ne kigoochin Kamuktaindet ne Toroor kobun maat, ko uu ye ki ng'at `Kamuktaindet ne Toroor Musa.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”