ATEPTAP LAWIK 7:32 - BUKUIT NE TILIIL Sireet ne Dutero Kanon

³² Ogoochi tisiindet chaatit ne po komostap tai koek kagoochinet ne punu tiseiywegap kagoochinoikwok che po kaalyeet.

Bukuit Ne Tilil

³² Ogoochi tisiindet chaatit ne po komostap tai koek kagoochinet ne punu tiseiywegap kagoochinoikwok che po kaalyeet.

BUKUIT NE TILIL

³² Ak ogochi tisiindet chatit ne bo komostab tai koek kagochinet ne kinamji barak, ne bunu tiseiywekab kagochinoikwok che bo kalyet.

ATEPTAP LAWIK 7:32 ပူးပေါင်းရင်းမြစ်များ

KOMONG'U 29:27

Itabaan tagateet ne po kagoochinet ne kiongoi ak kubesto ne po kagoochinet ne kinamjin parak, ne kiongoi ak ne kinamjin parak che po mengoto po poisyetap katabaanet agobo Aron ak weeriikyik.

ATEPTAP LAWIK 10:14

Ago omuuchi oam inyee ak weeriiguk ak tiibiiguk eng' komosta ne tiliil tagateet ne kiongoi ak chaatit ne kinamjin parak; amu kagigonnin chooto koek kebebertang'ung' ak lagoguk eng' tiseiywegap kagoochinoik che po kaalyeet eng' piigap Israel.

ATEPTAP LAWIK 7:33

Ineendet eng' weeriigap Aron ne igoitoi korotiigap kagoochinoigap kaalyeet ak mwanik, ko ibei chaatit ne po komostap tai koek kebebertanyi.

ATEPTAP LAWIK 7:34

Kaataach eng' piigap Israel kagoochinetap tagateet ne kiongoi, ak kagoochinetap chaatit kobunu tiseiywek che po kagoochinoikwak che po kaalyeet. Kaagoochi Aron tisiindet ak weeriikyik tuguuchooto, kobunu piigap Israel koek ng'atuutyet ne wendi agoi koigeny.

ATEPTAP LAWIK 9:21

Ki ongoi `Aron tagatok ak chaatit ne po komostap tai koek kagoochinet ne kiongoi eng' taitap Kamuktaindet ne Toroor, ko uu ye ki ng'at Musa.

KAITOSYEK 5:9

Punjin tisiindet kagoochinoik tugul che tiliileen che po piigap Israel che igoochin icheek ineendet.

KAITOSYEK 6:20

Yeityo koongoi tisiindet chooto koek kagoochinoik che kiongoi eng' taitap Kamuktaindet ne Toroor; tiliileen chooto ak punjin tisiindet kobooto tagateet ne kiongoi ak chaatit ne kigoitoi. Ye ibata nooto anyun, komuuch Nasiritindet koe divaik.

NG'ATUTIK 18:3

“Ni melektap tisiik eng' che koonu piik eng' tiseiywegap icheeget che igoitoi eito anan keechiir: kusto ak tagilgilik tuwai ak moet.

1 SAMUEL 9:24

Ki inem kwang'indonooto kubesto ak che ki mi paragutap peenyooto yeityo konde taitap Saulo. Kole Samuel, “Che kagigonorun, ko kaginde taing'ung'. Am, amu kagigonorun kot koit sait ne koging'at, si oam ak pichu kaguur.” Ki amis anyun Saulo ak Samuel eng' peetuunooto.