ATEPTAP LAWIK 7:16 - BUKUIT NE TILIIL Sireet ne Dutero Kanon

¹⁶ Ago, ngo kagoochinetap kongoi, anan kagoochinet eng' chameet, keamei eng' peetuunooto ka kigoitoi, ak keamei eng' peetuutap aeng' che kong'et eng' chooto.

Bukuit Ne Tilil

¹⁶ Ago, ngo kagoochinetap kongoi, anan kagoochinet eng' chameet, keamei eng' peetuunooto ka kigoitoi, ak keamei eng' peetuutap aeng' che kong'et eng' chooto.

BUKUIT NE TILIL

¹⁶ Ago ngo kayosiet tiseiywotab kagochinennyi, anan kagochinet ne igoitoi ko u ye kacham, keamei eng’ betunoto igoitoi tiseiywondennyi: ak keamei eng’ betutab aeng’ che kong’et eng’ choto:

ATEPTAP LAWIK 7:16 ပူးပေါင်းရင်းမြစ်များ

TIENWOGIKAL 116:14

Agoochini Kamuktaindet ne Toroor che ki aaroorchi, ee, agoochini eng' taitap piikyik tugul.

TIENWOGIKAL 116:18

Agoochini Kamuktaindet ne Toroor chooto che ki aaroorchi, ee, agoochini eng' taitap piikyik tugul,

TIENWOGIKAL 66:13

Anyoone koong'ung' aibu kagoochinoik che kibeelei, Ayaagun tuguuk che ki aaroorun,

KOMONG'U 35:29

Ki ipchi `piigap Israel Kamuktaindet ne Toroor kagoochinoik che po chamyet; muren age tugul ak kobogoryo age tugul che ki igiil mugulelwekwak koip tuguuk che po poisyonooto tugul, che kiga ng'at Kamuktaindet ne Toroor keyai eng' Musa.

KALEWANAIK 7:14

“Atinye korosegap kagoochinoigap kaalyeet, kaayaakte rani tuguuk che kiga arorte.

EZEKIEL 46:12

Ak ye chobei pounindet kagoochinetap chamyet, kagoochinet ne kibeelei anan kagoochinoigap kaalyeet koek kagoochinetap chamyet ne igoochin Kamuktaindet ne Toroor, keyatyin ormariichet ne tokyingei kong'asiis, ak kochop kagoochinennyi ne kibeelei kobooto kagoochinoikyik che po kaalyeet, ko uu ye yaei eng' peetuutap sabato: yeityo komanda; ak ye kagomanda, keger ormariichet.

ATEPTAP LAWIK 22:23

Imuuchi igoite koek kagoochinetap chamyet kirgit anan aarwetap keechiir ne tinyei tuguuk che uu kunduenik, anan kebeberta ne ma mi eng' poortanyi; ago ma kitaachei ngo po kiit ne ki kiaror.

ATEPTAP LAWIK 22:29

Ak ye oeng'ji Kamuktaindet ne Toroor tiseiywotap kongoi, oeng'ji si kobiit ketaachak.

ATEPTAP LAWIK 23:38

Konunoichu kosiirei che po sabatoisyek che po Kamuktaindet ne Toroor, ak kosiirei kagoochinoikwok che ki oaroorte tugul ak kagoochinoikwok tugul che po chamyet, che ogoochini Kamuktaindet ne Toroor.

NAHUM 1:15

Ogeero! Mi tuloonook kelyegap ineendet ne ibu logoiywek che myach, inee ne mwaitoi kaalyeet. Riip igoorweguk, ee Judah, yai kaarortaosyeguk kosulda, amu ma kobookyinin kiptengekyot kogeny; ki parei ineendet ne matiny.

KAITOSYEK 15:3

ak omach ochopchi Kamuktaindet ne Toroor kagoochinet ne punei maat, ngo kagoochinet ne kibeelei anan tiseiywot, si kobiit ogesu kayasyoet anan kagoochinet ne po chamyet anan eng' igoorwek che ki king'at, si oyachi Kamuktaindet ne Toroor nyamdutyet ne anyiny ne po tuuga anan ko ne po neego,

NG'ATUTIK 12:11

Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:17

Amat oam eng' kurgotikwok kebebertap peeguk, anan ne po divaiguk anan ne po mwaniguk anan che twatei tuguuk anan che po keechiireguk anan kaarortaosyeguk alak tugul che iarortoi anan kagoochinoiguk che po chamyet anan kagoochinetap eunekwok ne kinamjin parak.

NG'ATUTIK 12:26

Koek kityo iibe tuguuguk che tiliileen che itinye, ak kaarortaosyeguk ak iwe ole leweni Kamuktaindet ne Toroor,

NG'ATUTIK 12:6

oibe kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak, kaarortaosyekwok, kagoochinoigap chamyet ak che twatei tuukwok ak keechiirekwok.