ATEPTAP LAWIK 6:7 - BUKUIT NE TILIIL Sireet ne Dutero Kanon

⁷ Yae tisiindet tisiisyet agobo ineendet eng' taitap Kamuktaindet ne Toroor, ak kenyochin kaat eng' kiy age tugul ne koyaei si konamei lelutyet.”

Bukuit Ne Tilil

⁷ Yae tisiindet tisiisyet agobo ineendet eng' taitap Kamuktaindet ne Toroor, ak kenyochin kaat eng' kiy age tugul ne koyaei si konamei lelutyet.”

BUKUIT NE TILIL

⁷ ak koyai tisiindet kagaigaet agobo inendet eng’ taitab Jehovah, ak kenyochi kaat; eng’ kiy age tugul ne koyaei si kigikyin.

ATEPTAP LAWIK 6:7 ပူးပေါင်းရင်းမြစ်များ

KOMONG'U 34:7

ne italachingei eliphuusyek, ne nyochin kaat piik tengekto ak pistoet ak chalwokto, ma pagaaktoi kiptengekyot age tugul. Igeerchin lagok tengektap kwanisyekwak ak eng' lagogap lagokwak agoi ibindap somok ak ne po ang'wan.”

ISAIAH 1:18

“Obwa anyun, keng'alaal,” mwaei Kamuktaindet ne Toroor. “Agot ngo piriireen tengekwogikwok, koleelagitu ko uu pooldet ne leel; agot ngo piriireen miising', koigeitu koroorigap keechiirek.

EZEKIEL 33:19

Ak ye week kiptengekyot kometo tengektanyi, ak koyai kiit ne po iman ak ko litit, kosabei ineendet eng' nooto.

ATEPTAP LAWIK 2:1

Ye igoitoi chii age tugul kagoochinet ne po peek che igoochin Kamuktaindet ne Toroor, ko ingoek kagoochinennyi peek che ng'ootiin che tambulul. Ingoroong'ji mwaita peechooto ng'ootiin tambulul, ak konde tuguuk che nyamdut ak icheek.

ATEPTAP LAWIK 4:20

ak koyachi kirgooto ko uu ye ki yachi kirgit ne po kagoochinetap tengekto. Eng' niito anyun koyae tisiindet kagaigaet agobo icheek ak kenyochigaat.

ATEPTAP LAWIK 4:26

Ak kobeel mwanikyik tugul eng' kaptisisyet, ko uu ye kiyachin mwanigap tiseiywot ne po kagoochinoigap kaalyeet. Yaei kagaigaet ko uu niito tisiindet agobo ineendet amu tengektanyi, ak kenyochigaat.

ATEPTAP LAWIK 4:31

Ak kobut mwanikyik tugul ko uu ye kibutei mwanigap tiseiywot ne po kagoochinoigap kaalyeet. Yeityo kobeel tisiindet eng' kaptisisyet koek nyamdutyet ne anyiny eng' Kamuktaindet ne Toroor; ak koyai tisiindet kagaigaet agobo ineendet ak kenyochigaat.

ATEPTAP LAWIK 5:10

Yeityo kogoito ne po aeng' koek kagoochinet ne kibeelei, ko uu ye ki king'at, ak koyai tisiindet kagaigaet agobo ineendet amu tengektanyi ne kogoyai, ak kenyochigaat.

ATEPTAP LAWIK 5:13

Yaei anyun tisiindet kagaigaet agobo ineendet amu tengektanyi ne koyai eng' age tugul eng' chooto, ak kenyochigaat. Punjin tisiindet che kang'et koek kagoochinetap peek.”

ATEPTAP LAWIK 5:18

Ketu anyun mengit ne libwoop ne punu akweetap keechiirek kogetyi tisiindet, ko uu kamanuutyet ne irogendochini, si koek kagoochinetap chalwokto. Yae tisiindet kagaigaet agobo ineendet amu lelutyet nooto ki yai ama eng' kwetyinet, ak kenyochigaat.

ATEPTAP LAWIK 6:8

Ki ng'alaalji `Kamuktaindet ne Toroor Musa koleenji,

ATEPTAP LAWIK 7:2

Ki eng'e kagoochinet agobo chalwok ole kieng'e kagoochinet ne kibeelei, ak keise korotiikyik kaptisisyet komoswek tugul.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

MATAYO 12:31

Nooto anyun amwaiwok ale, kinyochin kaat piik tengek age tugul ak ng'olyoo age tugul ne ya, ago age tugul ne mwaei ng'olyoo ne ya agobo Kabuuset ne Tiliil, koma kinyochin kaat.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.