ATEPTAP LAWIK 6:22 - BUKUIT NE TILIIL Sireet ne Dutero Kanon

²² Ko uu nooto, kogoitoi kagoochinonooto tisiindet ne ki kiil eng' weeriikyik kogeer ineendet. Kibeeljin Kamuktaindet ne Toroor tugul kigesyin ko uu eng' ng'atuutyet ne wendi agoi koigeny.

Bukuit Ne Tilil

²² Ko uu nooto, kogoitoi kagoochinonooto tisiindet ne ki kiil eng' weeriikyik kogeer ineendet. Kibeeljin Kamuktaindet ne Toroor tugul kigesyin ko uu eng' ng'atuutyet ne wendi agoi koigeny.

BUKUIT NE TILIL

²² Ak igoitoi tisiindet ne kigiil eng’ werikyik, ne igeeri inendet: kibeeljin Jehovah tugul kigesyin eng’ ng’atutiet ne wendi agoi koigeny.

ATEPTAP LAWIK 6:22 ပူးပေါင်းရင်းမြစ်များ

ISAIAH 53:10

Ago ki cham Kamuktaindet ne Toroor koguoten ineendet; ki igoochi arageneet; ye tuun iyai saboondanyi koek kagoochinet agobo tengekto, tuun keerei iyotennyi, tuun tesei peetuusyekyik, ak kotesak chametap Kamuktaindet ne Toroor eng' eunnyi.

HOSEA 4:8

Paegei icheek tengektap piikyuk, ak koboiboitune yaityennywa.

ATEPTAP LAWIK 3:17

Egu niito ng'atuutyet ne po agoi eng' ibinwekwok tugul eng' meng'otosyekwok tugul, ale amat oam mwanik ak korotiik.”

ATEPTAP LAWIK 4:24

Ingogonoor eunnyi metitap kwesta ak koeeny eng' ole kieng'e kagoochinoik che kibeelei eng' taitap Kamuktaindet ne Toroor. Niito kagoochinetap tengekto.

ATEPTAP LAWIK 4:3

Ngo yai tengekto tisiindet ne ki kiil kot koipchi piik ng'oogisto, ko ingogoito anyun kirgit ne neran ne libwoop kogoochi Kamuktaindet ne Toroor koek kagoochinetap tengektanyi ne kogoyai.

ATEPTAP LAWIK 6:10

Ingolaach tisiindet ngoryennyi ne po tisiisyet, ak ingolaach ngoroigap kaptisisyet che po oriit, ak koram oreegap maat ne kagibeele kagoochinet eng' kaptisisyet, ak konde ole neegitee kaptisisyet.

ATEPTAP LAWIK 6:11

Yeityo koreek ngoroikyik ak kolaach ngoroik alak, ak koip oreek komanda koba ole-tiliil eng' saang'utap nganaseet.

ATEPTAP LAWIK 6:21

Kibeelei kobooto mwaita eng' kirambenit, ak ye kagotuiyo komyee ak mwaita, iibu konyo ko. Igoite kagoochinetap peek che kagebeel ketonaton koek nyamdutyet ne anyiny eng' Kamuktaindet ne Toroor.

ATEPTAP LAWIK 6:23

Kibeelei kogeskei kagoochinet age tugul ne po peegap tisiindet; ma ki amei.”

ATEPTAP LAWIK 8:21

Ki iun eng' peek tuguugap moo ak keelyek, ak kobeel mengoto komugul eng' kaptisisyet. Ki kagoochinet nooto ne kibeelei koek nyamdutyet ne anyiny, kagoochinet ne kigoochin Kamuktaindet ne Toroor kobun maat, ko uu ye ki ng'at `Kamuktaindet ne Toroor Musa.

NG'ATUTIK 10:6

Ki pa piigap Israel eng' Berot Bene-jaakan agoi koit Mosera. Kime Aron ak ki kitupchi olooto. Ki yai Eleazar weeriinnyi tisiisyet kogeer ineendet.

HEBRANIK 7:23

Ago icheeget ko ki kiyai koek tisiik ko ki chaang' eng' koitet, amu ki eete icheek meet si ma testai eng' poisyennywa.