ATEPTAP LAWIK 6:19 - BUKUIT NE TILIIL Sireet ne Dutero Kanon

¹⁹ Ki ng'alaalji `Kamuktaindet ne Toroor Musa koleenji,

Bukuit Ne Tilil

¹⁹ Ki ng'alaalji `Kamuktaindet ne Toroor Musa koleenji,

BUKUIT NE TILIL

¹⁹ Ak king’alalji Jehovah Musa kolenji,

ATEPTAP LAWIK 6:19 ပူးပေါင်းရင်းမြစ်များ

KOMONG'U 29:2

kobooto magatiinik che ma kinde mermereek, magatiinik che mengeechen che ki kikwang'da mwaiita, magatiinik che tertereen che kigi iilee mwaita ak ichobe peek che ng'ootiin che tambulul che po nganuuk.

EZEKIEL 42:13

Ki leenjo anyun, Kooriik che mengeechen che mi murot kaataam ak che mi murot tai, che tokyindos ak komosato mi taban, chooto ko kooriik che tiliileen, ole ame tisiik che neegitee Kamuktaindet ne Toroor tuguuk che tiliileen miising': konoree olooto tuguuk che tiliileen miising', kobooto kagoochinoigap peek che ng'ootiin, ak kagoochinoigap tengekto, ak kagoochinoigap chalwokto; amu tiliil komosato.

ATEPTAP LAWIK 10:18

Ko uu ye ma ki ip korotiikyik kobwa ole itabaanat oriit, kaganyol anyun oam eng' ole-tiliil oriit ko uu ye kagang'atak.”

ATEPTAP LAWIK 6:18

Amei chooto age tugul ne muren eng' lagogap Aron ak koek nooto ng'atuutyet ne po agoi eng' ibinwekwok eng' kagoochinoigap Kamuktaindet ne Toroor che kigoochin kobun maat. Kiy age tugul ne tiinyei ko tiliilitu.”

ATEPTAP LAWIK 6:20

“Ni kagoochinetap Aron ak weeriikyik, ne igoochin Kamuktaindet ne Toroor eng' peetuut ne ki ili ineendet. Egu niito kagoochinet ne po kotugul; keruutyet agenge ne po peek che ng'ootiin che tambulul kigoitoi kebeberta age karon ak kigoito niin age koskoleny.

ATEPTAP LAWIK 6:9

“Ng'at Aron ak weeriikyik ileenji: ni ng'atuutyetap kagoochinet ne kibeelei; ingotebee ma eng' kaptisisyet kagoochinonooto kigoitoi kebeel kemout komugul agoi koeech, ak ingolal maatap kaptisisyet agoi.

KAITOSYEK 18:27

Ki ityok kagoochineng'wong' ne kinamjin parak, ko uu ye ki iti peek che po rwanyut ne kiboorsee ak ko uu nyiietap ole kitue sabibuk.

KAITOSYEK 18:9

Egu cheguuk tuguuchooto eng' che tiliileen miising', che kita kibeelei: kiy age tugul ne koonu icheek, che ibwo, ngo kagoochinennywa age tugul ne po peek, konunennywa age tugul ne po tengekto, anan agot age tugul ne po kachililutyet, ko punjinin inyee ak weeriiguk.