ATEPTAP LAWIK 5:6 - BUKUIT NE TILIIL Sireet ne Dutero Kanon

⁶ ak koip kagoochinetap chalwoktanyi, koipchi Kamuktaindet ne Toroor amu tengektanyi ne kogoyai, subeendo ne punu akweet, ngo aarwetap keechiir anan ko ne po ng'oroor koek kagoochinetap tengekto; ak koyai tisiindet kagaigaet agobo ineendet amu tengektanyi.

Bukuit Ne Tilil

⁶ ak koip kagoochinetap chalwoktanyi, koipchi Kamuktaindet ne Toroor amu tengektanyi ne kogoyai, subeendo ne punu akweet, ngo aarwetap keechiir anan ko ne po ng'oroor koek kagoochinetap tengekto; ak koyai tisiindet kagaigaet agobo ineendet amu tengektanyi.

BUKUIT NE TILIL

⁶ ak koib kagochinetab chalwoktanyi, koipchi Jehovah amu tengektanyi ne kogoyai, subendo ne bunu akwet, ngo aruetab kechir anan ko ne bo ng’oror, koek kagochinetab tengekto; ak koyai tisiindet kagaigaet agobo inendet amu tengektanyi.

ATEPTAP LAWIK 5:6 ပူးပေါင်းရင်းမြစ်များ

EZEKIEL 40:39

Ak kimi ye neegitee keterutap ormariichet, mesosyek aeng'u eng' komosi ak aeng' eng' komosin, che kieng'jin kagoochinet ne kibeelei, ak kagoochinetap tengekto, ak kagoochinetap chalwokto.

EZEKIEL 42:13

Ki leenjo anyun, Kooriik che mengeechen che mi murot kaataam ak che mi murot tai, che tokyindos ak komosato mi taban, chooto ko kooriik che tiliileen, ole ame tisiik che neegitee Kamuktaindet ne Toroor tuguuk che tiliileen miising': konoree olooto tuguuk che tiliileen miising', kobooto kagoochinoigap peek che ng'ootiin, ak kagoochinoigap tengekto, ak kagoochinoigap chalwokto; amu tiliil komosato.

EZEKIEL 44:27

Ak eng' peetuut ne wendi ole-tiliil, seremut ne po oriit, kwo kobois eng' ole-tiliil, kogoito kagoochinennyi ne po tengekto, mwaei Kiptaiyat Kamuktaindet ne Toroor.

ATEPTAP LAWIK 4:20

ak koyachi kirgooto ko uu ye ki yachi kirgit ne po kagoochinetap tengekto. Eng' niito anyun koyae tisiindet kagaigaet agobo icheek ak kenyochigaat.

ATEPTAP LAWIK 4:28

ak ngiboorchi ineendet tengektanyi ne koyai, koget anyun ng'orooryet koek kagoochinennyi, iyuoget ne libwoop kobunji tengektanyi ne koyai.

ATEPTAP LAWIK 4:31

Ak kobut mwanikyik tugul ko uu ye kibutei mwanigap tiseiywot ne po kagoochinoigap kaalyeet. Yeityo kobeel tisiindet eng' kaptisisyet koek nyamdutyet ne anyiny eng' Kamuktaindet ne Toroor; ak koyai tisiindet kagaigaet agobo ineendet ak kenyochigaat.

ATEPTAP LAWIK 4:32

“Ngo kagoochinennyi ne po tengekto ko keechiiryet, ko ingoget subeendo ne libwoop,

ATEPTAP LAWIK 4:35

Ak kobut mwanikyik tugul ko uu ye kibutei mwanigap keechiiryet ne po tiseiywotap kagoochinoigap kaalyeet. Ingobeel tisiindet chooto eng' kaptisisyet ak konde paragutap kagoochinoigap Kamuktaindet ne Toroor che punei maat. Eng' niito, koyaei tisiindet kagaigaet agobo ineendet amu tengektanyi ne koyai, ak kenyochigaat.”

ATEPTAP LAWIK 6:6

Ye ibata nooto, kogetyi tisiindet mengit ne libwoop ne punu akweetap keechiirek, asi kogoochi Kamuktaindet ne Toroor koek kagoochineennyi ne po chalwokto, ko uu kaamanutyet ne irogendochin koek kagoochinetap chalwok.

KAITOSYEK 6:12

Ingotabaanji Kamuktaindet ne Toroor peetuusyegap katabaanennyi, ak koget mengit ne ma siirei kenyiit agenge koek kagoochinetap chalwok. Ago petos puch peetuusyek che ki po tai amu ki kimurwon katabaanennyi.