ATEPTAP LAWIK 4:20 - BUKUIT NE TILIIL Sireet ne Dutero Kanon

²⁰ ak koyachi kirgooto ko uu ye ki yachi kirgit ne po kagoochinetap tengekto. Eng' niito anyun koyae tisiindet kagaigaet agobo icheek ak kenyochigaat.

Bukuit Ne Tilil

²⁰ ak koyachi kirgooto ko uu ye ki yachi kirgit ne po kagoochinetap tengekto. Eng' niito anyun koyae tisiindet kagaigaet agobo icheek ak kenyochigaat.

BUKUIT NE TILIL

²⁰ Ingoyachi ko u noto kirgoto; ko u ye kiyachi kirgit ne bo kagochinetab tengekto, yachin nito agine ko u noto: ak koyai tisiindet kagaigaet agobo ichek, ak kenyochi kaat.

ATEPTAP LAWIK 4:20 ပူးပေါင်းရင်းမြစ်များ

KOMONG'U 32:30

Eng' peetuut ne ki isubi, koleenji `Musa piik, “Ki oyai tengekto ne oo. Katogoste anyun nguno awe ole mi Kamuktaindet ne Toroor, tamangap ayai kagaigaet agobo tengektong'wong'.”

ATEPTAP LAWIK 1:4

Ingogonoor eunnyi metitap kagoochinonooto kibeelei si ketaach nooto ak keyai kagaigaet agobo ineendet.

ATEPTAP LAWIK 12:8

“Ngo ma imuuchi koal kwonyooto aarwetap keechiir, konam anyun cheptugenik aeng', anan ko aarek aeng' che po toriitik, po age kagoochinet ne kibeelei ak po age kagoochinet ne po tengekto; ak koyai tisiindet kagaigaet agobo ineendet, ak kotiliilit.”

ATEPTAP LAWIK 14:18

Yeityo koroong'ji mwaita ne kang'etune euut metitap ineendet ne kitiliili, ak koyai tisiindet kagaigaet agobo ineendet eng' taitap Kamuktaindet ne Toroor.

ATEPTAP LAWIK 15:15

ak kogoito tisiindet chooto kobunji age kagoochinetap tengekto, kobunji age kagoochinet ne kibeelei. Yae tisiindet kagaigaet eng' taitap Kamuktaindet ne Toroor agobo ineendet amu kuserennyi.

ATEPTAP LAWIK 19:22

Ak koyai tisiindet kagaigaet agobo ineendet, kobooto mengoto po kagoochinetap chalwokto eng' taitap Kamuktaindet ne Toroor, amu tengektanyi ne kogoyai; ak kenyochigaat amu tengektanyi ne kogoyai.

ATEPTAP LAWIK 4:21

Ingola ineendet kirgit kwo saang'utap nganaseet ak kobeel ko uu ye kigabeel kirgit ne po tai. Niito ko kagoochinetap tengekto ne po tuiyet.

ATEPTAP LAWIK 4:26

Ak kobeel mwanikyik tugul eng' kaptisisyet, ko uu ye kiyachin mwanigap tiseiywot ne po kagoochinoigap kaalyeet. Yaei kagaigaet ko uu niito tisiindet agobo ineendet amu tengektanyi, ak kenyochigaat.

ATEPTAP LAWIK 4:35

Ak kobut mwanikyik tugul ko uu ye kibutei mwanigap keechiiryet ne po tiseiywotap kagoochinoigap kaalyeet. Ingobeel tisiindet chooto eng' kaptisisyet ak konde paragutap kagoochinoigap Kamuktaindet ne Toroor che punei maat. Eng' niito, koyaei tisiindet kagaigaet agobo ineendet amu tengektanyi ne koyai, ak kenyochigaat.”

ATEPTAP LAWIK 4:8

Ingobut mwanik tugul che po kirgooto po kagoochinetap tengekto, mwanik che ki ilaach moet ak sunetik tugul che po moo,

ATEPTAP LAWIK 5:10

Yeityo kogoito ne po aeng' koek kagoochinet ne kibeelei, ko uu ye ki king'at, ak koyai tisiindet kagaigaet agobo ineendet amu tengektanyi ne kogoyai, ak kenyochigaat.

ATEPTAP LAWIK 5:13

Yaei anyun tisiindet kagaigaet agobo ineendet amu tengektanyi ne koyai eng' age tugul eng' chooto, ak kenyochigaat. Punjin tisiindet che kang'et koek kagoochinetap peek.”

ATEPTAP LAWIK 5:16

Igeeri nooto king'em, ne po kiit ne ki kitabaan ak kotesyi kebeberta agenge eng' muut, kogoochi tisiindet. Yaei tisiindet kagaigaet agobo ineendet eng' mengoto po kagoochinetap chalwokto, ak kenyochigaat.

ATEPTAP LAWIK 5:18

Ketu anyun mengit ne libwoop ne punu akweetap keechiirek kogetyi tisiindet, ko uu kamanuutyet ne irogendochini, si koek kagoochinetap chalwokto. Yae tisiindet kagaigaet agobo ineendet amu lelutyet nooto ki yai ama eng' kwetyinet, ak kenyochigaat.

ATEPTAP LAWIK 5:6

ak koip kagoochinetap chalwoktanyi, koipchi Kamuktaindet ne Toroor amu tengektanyi ne kogoyai, subeendo ne punu akweet, ngo aarwetap keechiir anan ko ne po ng'oroor koek kagoochinetap tengekto; ak koyai tisiindet kagaigaet agobo ineendet amu tengektanyi.

ATEPTAP LAWIK 6:7

Yae tisiindet tisiisyet agobo ineendet eng' taitap Kamuktaindet ne Toroor, ak kenyochin kaat eng' kiy age tugul ne koyaei si konamei lelutyet.”

KAITOSYEK 15:25

Ingoyai anyun tisiindet kagaigaet agobo tuiyet komugul ne po piigap Israel, ak kenyochigaat amu ko lelutyennywa koma eng' kwetyinet, ak kagoget kagoochinennywa ne punei maat ne kigoochin Kamuktaindet ne Toroor, nooto kagoochinennywa ne po tengekto eng' taitap Kamuktaindet ne Toroor.

KAITOSYEK 15:28

Ingoyai tisiindet kagaigaet agobo chiichooto lelei eng' taitap Kamuktaindet ne Toroor, ne kayai tengekto amaingen, ak kenyochigaat ineendet.

ROMANIK 5:11

Ak ma uu nooto kityo, ago kiboiboi agacheek eng' Kamuktaindet eng' Kiptaiyandennyo Jeso Kristo, amu ki kenyooru eng' ineendet katuiyet.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 2:17

Eng' nooto anyun kinyolji keyai ineendet eng' tuguuk tugul kogergeit ak tupchosyekyik, si kobiit koek tisiindet ne oo ne po rireenetapkei ak ko po iman eng' tuguuk che tokyingei Kamuktaindet, si kobiit koyai tisiisyet agobo tengekwogigap piik.

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,