ATEPTAP LAWIK 3:5 - BUKUIT NE TILIIL Sireet ne Dutero Kanon

⁵ Yeityo kobeel weeriigap Aron chooto eng' kaptisisyet; ingonde paragutap tiseiywot ne kibeelei, ne mi kweenik che mi ma. Niito kagoochinet ne punei maat, nyamdutyet ne anyiny eng' Kamuktaindet ne Toroor.

Bukuit Ne Tilil

⁵ Yeityo kobeel weeriigap Aron chooto eng' kaptisisyet; ingonde paragutap tiseiywot ne kibeelei, ne mi kweenik che mi ma. Niito kagoochinet ne punei maat, nyamdutyet ne anyiny eng' Kamuktaindet ne Toroor.

BUKUIT NE TILIL

⁵ Ak kobeel werikab Aron choto eng’ kaptisisiet konde baragutab tiseiywot ne kibeelei, ne mi kwenik che mi ma: nito kagochinet ne bunei mat, nyamdutiet ne anyiny eng’ Jehovah.

ATEPTAP LAWIK 3:5 ပူးပေါင်းရင်းမြစ်များ

1 LAITORINIK 8:64

Ki itiliil peetuunooto laitoryat kwenutap seremut ne ki mi taitap kootap Kamuktaindet ne Toroor; amu yooto ole ki igoitoe ineendet kagoochinet ne kibeelei, ak kagoochinet ne po peek, ak mwanik che po kagoochinoigap kaalyeet: amu ki ming'in kaptisisyetap sugunwet ne ki mi taitap Kamuktaindet ne Toroor, ma yam kagoochinet ne kibeelei, ak kagoochinetap peek, ak mwanigap kagoochinoigap kaalyeet.

2 ATEPTAP PEETUUSYEK 35:14

Ye ibata kochopchigei ak tisiik; amu kichirchirendos tisiik weeriigap Aron kogoitoi kagoochinoik che kibeelei ak mwanik agoi kemoi: kichopchigei anyun Lawiik, ak tisiik, weeriigap Aron.

KOMONG'U 29:13

Put mwanik tugul che ki ilaach moet ak kwambelelyet ne tuchei kooet, soromok tuwai, mwanik che mi soromochooto ak ibeel chooto eng' kaptisisyet.

EZEKIEL 44:15

Ago pwoonei koriikyino koboisyeiwo tisiik Lawiik, weeriitap Zadok, che ki riibei poisyetap oldanyu ne tiliil, ye kingo pa piigap Israel kometaa; si kotononso eng' tainnyu kogoono mwanik ak korotiik, mwaei Kiptaiyat Kamuktaindet ne Toroor:

EZEKIEL 44:7

amu ki omutu kipsagarek, che ma kimuratan mugulelwek, ama kimuratan tuguuk tugul che saptos, kotebee oldanyu ole-tiliil, si komurwon, nooto koonnyu, ye kogoitoi amitwogikyuk, mwanik ak korotiik, ak ki kobut kayomisennyu, si kotesyi tuguukwok tugul che kiwechei.

ATEPTAP LAWIK 1:13

Ago ingoun tuguugap ke ak keelyek eng' peek. Ingogoito tisiindet panyeek tugul ak kobeel eng' kaptisisyet. Niito ko kagoochinet ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 1:17

Yeityo kogereer kopcheune aeng' kebebaikyik amat koobeesyo. Ingobeel tisiindet chooto eng' kaptisisyet eng' kweenik che mi ma. Niito kagoochinet ne kigoitoi kebeel, kagoochinet ne punei maat, nyamdutyet ne anyiny eng' Kamuktaindet ne Toroor.”

ATEPTAP LAWIK 1:9

Ago ingoun eng' peek tuguugap ke kobooto keelyekyik ak kobeel tisiindet kirgooto komugul eng' kaptisisyet. Niito ko tiseiywot ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 3:11

Peelei chooto tisiindet eng' kaptisisyet koek amitwogigap kagoochinet ne kigoochin Kamuktaindet ne Toroor kobunei maat.

ATEPTAP LAWIK 3:4

soromokyik tuwai kobooto mwanikwak, che mi ole neegitee sugulumdo ak kwambelelyet ne miitei kooet, ingoisto chooto kobooto soromok.

ATEPTAP LAWIK 4:31

Ak kobut mwanikyik tugul ko uu ye kibutei mwanigap tiseiywot ne po kagoochinoigap kaalyeet. Yeityo kobeel tisiindet eng' kaptisisyet koek nyamdutyet ne anyiny eng' Kamuktaindet ne Toroor; ak koyai tisiindet kagaigaet agobo ineendet ak kenyochigaat.

ATEPTAP LAWIK 4:35

Ak kobut mwanikyik tugul ko uu ye kibutei mwanigap keechiiryet ne po tiseiywotap kagoochinoigap kaalyeet. Ingobeel tisiindet chooto eng' kaptisisyet ak konde paragutap kagoochinoigap Kamuktaindet ne Toroor che punei maat. Eng' niito, koyaei tisiindet kagaigaet agobo ineendet amu tengektanyi ne koyai, ak kenyochigaat.”

ATEPTAP LAWIK 6:12

Kiriibei maat ne mi kaptisisyet si ma me, lalei agoi, ak iywokyin tisiindet kweenik ma karonet age tugul ak kotet komyee kagoochinet ne kibeelei eng' paragutap tuguuchooto, ak yeityo kobeel eng' olooto mwanigap kagoochinoigap kaalyeet.

ATEPTAP LAWIK 7:28

Ki ng'alaalji `Kamuktaindet ne Toroor Musa koleenji,

ATEPTAP LAWIK 9:17

Ki ip kagoochinetap peek, komugut konyi euut ak kobeel eng' kaptisisyonooto kobooto kagoochinet ne kibeelei karon agine.

KAITOSYEK 15:8

Ye ichop kirgit ne ming'in koek kagoochinet ne kibeelei anan ko ne po tiseiywot, si kobiit igeesu kayasyoet anan ko che po kagoochinoigap kaalyeet eng' Kamuktaindet ne Toroor,

KAITOSYEK 18:17

Ago amat ityaach ne twatei teta, keechiiryet ak ng'orooryet; tiliileen chooto. Iise kaptisisyet korotiikwak; ak ibeel mwanikwak koek kagoochinet ne punei maat, koek nyamdutyet ne anyiny eng' Kamuktaindet ne Toroor.

KAITOSYEK 28:12

Kobooto keruutik somok che po peek che ng'ootiin, che kiburuktoi mwaita, kobunji kagoochinetap peek eng' kiruk age tugul; ogoitoi keruutik aeng' che po peek che ng'ootiin kobunji kagoochinetap peek, che kiburuktoi mwaita eng' mengit agenge,

KAITOSYEK 28:3

Ileenji icheek: Ni kagoochinet ne punei maat ne ogoochini Kamuktaindet ne Toroor; aarek aeng' che libwoben che mengichik che ma siirei kenyiit agenge, kobunji kagoochinet ne kibeelei kotugul eng' peetuut age tugul.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.