ATEPTAP LAWIK 27:26 - BUKUIT NE TILIIL Sireet ne Dutero Kanon

²⁶ “Che kitwatei eng' che kiyagi, che ki kiyai koek che po kiboretook che punjin Kamuktaindet ne Toroor, chooto icheegei che ma itabaani chii; po Kamuktaindet ne Toroor ne kirgit anan ne keechiiryet.

Bukuit Ne Tilil

²⁶ “Che kitwatei eng' che kiyagi, che ki kiyai koek che po kiboretook che punjin Kamuktaindet ne Toroor, chooto icheegei che ma itabaani chii; po Kamuktaindet ne Toroor ne kirgit anan ne keechiiryet.

BUKUIT NE TILIL

²⁶ Che kitwatei eng’ che kiyagi, che kigiyai koek twateiywek che bunjin Jehovah, choto ichegei che maitabani chi; bo Jehovah ne kirgit anan ne kechiriet.

ATEPTAP LAWIK 27:26 ပူးပေါင်းရင်းမြစ်များ

2 LAITORINIK 7:5

Ki ng'eetyo karon kota ko mirmir ak koba nganaseetap piigap Syria. Kingo it tabandap nganaseetap piigap Syria, konyoor koma komi chii yooto.

NEEMIA 10:36

Ko uu ye siraat eng' Ng'atuutik, kimutu kogeny kiboretook che po weeriikyok ak kegetu che twatei tuukyok, ak che po akwotisyekyok, che po akwotisyegap keechiirekyok kobwa kootap Kamuktaindennyo, ole mi tisiik che poisyei eng' kootap Kamuktaindennyo.

KOMONG'U 13:2

“Itabaanwa kiboretook tugul. Punjino age tugul ne yaatei iyoteet eng' piigap Israel, eng' piik ak eng' che po tai eng' tyong'ik.”

KOMONG'U 22:30

Yai ko uu nooto eng' tuguuk ak icheek ak eng' keechiireguk. Igoochi kotebi ak kamet peetuusyek tisap ak igoono eng' peetuut ne po sisiit.

ATEPTAP LAWIK 27:27

Ngo po tyong'ik che ng'woneen, kotyach anyun ineendet ko uu kamanuutyet ne irogendochini, ak kotesyi kebeberta agenge eng' muut ne po nooto. Ngo ma kityaachi kealdoi ko uu kamanuutyeng'ung'.

KAITOSYEK 18:17

Ago amat ityaach ne twatei teta, keechiiryet ak ng'orooryet; tiliileen chooto. Iise kaptisisyet korotiikwak; ak ibeel mwanikwak koek kagoochinet ne punei maat, koek nyamdutyet ne anyiny eng' Kamuktaindet ne Toroor.

KAITOSYEK 3:13

amu chechuuk weeriik tugul che po tai. Eng' peetuut ne ki abar weeriik tugul che po tai eng' emetap Misiri, ko ki atabaanjigei tugul che po tai eng' Israel, eng' piik ak eng' che twatei kiyagiik; egu chechuuk chooto. Aa Kamuktaindet ne Toroor.”

NG'ATUTIK 15:19

“Itabaanji Kamuktaindet ne Toroor Kamuktaindeng'ung' eiik tugul che twatei tuuga ak mengichik ak kwesik che twatei neego. Ameboisyee eitang'ung' ne kitwatei anan itil koroorigap mengit ne kitwatei.