ATEPTAP LAWIK 26:44 - BUKUIT NE TILIIL Sireet ne Dutero Kanon

⁴⁴ Agot nganda uu chooto tugul, ye mi emetap puunikwak, koma eesyoi icheek, amaweche, amang'eme awong'u ak ma pute kayomisennyu kobooto icheek. Amu aa Kamuktaindet ne Toroor Kamuktaindennywa.

Bukuit Ne Tilil

⁴⁴ Agot nganda uu chooto tugul, ye mi emetap puunikwak, koma eesyoi icheek, amaweche, amang'eme awong'u ak ma pute kayomisennyu kobooto icheek. Amu aa Kamuktaindet ne Toroor Kamuktaindennywa.

BUKUIT NE TILIL

⁴⁴ Agot nganda u choto tugul, ye mi emetab bunikwak, ko maesioi ichek, amaweche, amang’eme awong’u, ak mabute kayomisennyu koboto ichek: amu a Jehovah Kamuktaindenywa:

ATEPTAP LAWIK 26:44 ပူးပေါင်းရင်းမြစ်များ

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

2 LAITORINIK 13:23

Ago ki iboorchi Kamuktaindet ne Toroor myeeindonyi icheek, koriiree ak kogonyit icheek, amu kayomisennyi ne ki iyomiskei ak Abraham, Isak ak Jakobo. Ma cham kobar anan koon icheek eng' tainnyi agoi rani.

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

NEEMIA 9:31

Ago eng' rireenosyeguk che chaang' koma igeesu icheek anan imete, amu ii Kamuktaindet ne po myeeindo, ak itinye rireenet ne oo.

TIENWOGIKAL 103:13

Ko uu ye riiree kwanda lagokyik, ko uu nooto riiree `Kamuktaindet ne Toroor icheek che iywei ineendet.

TIENWOGIKAL 89:33

Ago ma istoi rireenennyu kot kogestagei eng' ineendet, Amayae koek puch imandanyu.

TIENWOGIKAL 94:14

Amu ma toortai `Kamuktaindet ne Toroor piikyik, Ama metoi porotennyi.

JEREMIA 14:21

Amat iwechech amu kaineng'ung', ameteweer ng'echereetap laitornatet ne po toroornateng'ung'. Ibwaat, amat ibut kayomiset ne kigaiyomiswech.

JEREMIA 24:5

Kamwa Kamuktaindet ne Toroor, Kamuktaindetap Israel, kole: Aitii anyun piik che ki kiluul che po Judah, kogergeit ak logoechu korooron po mogoonik, che ki ayookte koba eng' olito agoi emetap Kaldeik, si konyoor myeeindo.

JEREMIA 30:11

Amu ami kobooten, mwaei Kamuktaindet ne Toroor, si asaruun; amu ageesu pororyosyek tugul che kigayestochin, ago magesun inyee; ago atigoonenen kirwooget, amabagaaktoin ama kibirin.

JEREMIA 31:20

Tos weeriitnnyu ne achame, Ephraim? Tos ineendet ko lakweet ne kiboiboitune? Amu ye ang'alaali kotugul areenye ineendet, abwaati ineendet miising' kora: iima moennyu amu ineendet; ariiree ineendet iman, mwaei Kamuktaindet ne Toroor.

JEREMIA 33:26

atimdoi anyun agine iyoteetap Jakobo, ak ne po Daudi otwogindennyu, kot koma lewen iyotennyi koek pounik che pou iyoteetap Abraham, Isak, ak Jakobo: amu agoochini koweek eng' ole ki kiluulji, ak ariiree icheek.

EZEKIEL 16:60

Nganda uu nooto, abwaati kayomiset ne ki kiyomiske ak inyee eng' peetuusyegap ming'inateng'ung', ak agimiitun kayomiset ne po koigeny.

ATEPTAP LAWIK 26:11

Ak ande koonnyu kwenung'wong', ama wechok saboondanyu.

ROMANIK 11:2

Ki ma toorta `Kamuktaindet piikyik che kisip konai. Anan ma onai ne mwaei sireet agobo Elijah? Ko uu ye king'andoi `ineendet Yahudik eng' taitap Kamuktaindet kole,

ROMANIK 11:26

ak uu nooto tuun kisaru Israel tugul: ko uu ye siraat kole, Tuun mang'une Zion Katyagindet; Ak koistoe Jakobo pistoet:

KIRUOGIK 2:1

Ki togos malaikaiyatap Kamuktaindet ne Toroor eng' Gilgal konyo Bochim ak kole, “Ki amutwak otogosu eng' Misiri, obwa emet ne ki ayosyechi kwanisyekwok. Ki amwa ale, ‘Ma koi abut kayomisennyu ne ki kiarorchigei ak okweek.