ATEPTAP LAWIK 26:41 - BUKUIT NE TILIIL Sireet ne Dutero Kanon

⁴¹ ak ki atil let agane icheek, ak amutu icheek kobwa emetap puunikwak. Ngo ming'ingei anyun mugulelwekwak che ma imuratanotiin ak kotaach piretap tengekwogikwak,

Bukuit Ne Tilil

⁴¹ ak ki atil let agane icheek, ak amutu icheek kobwa emetap puunikwak. Ngo ming'ingei anyun mugulelwekwak che ma imuratanotiin ak kotaach piretap tengekwogikwak,

BUKUIT NE TILIL

⁴¹ ak kiatil let agane ichek, ak amutu ichek kobwa emetab bunikwak: ngoming’ingei anyun mugulelwekwak che ma imuratanotin, ak kotaach biretab tengekwogikwak;

ATEPTAP LAWIK 26:41 ပူးပေါင်းရင်းမြစ်များ

1 LAITORINIK 21:29

“Igeere ole iming'indogei Ahab eng' tainnyu? Amu iming'inegei eng' tainnyu, koma ibu yaityet eng' peetuusyekyik; ago aipchini yaityet koonnyi eng' peetuusyegap weeriinnyi.”

2 ATEPTAP PEETUUSYEK 12:12

Kingo ming'ingei, koistoegei nereegegap Kamuktaindet ne Toroor ineendet, si ma par ineendet kowong'. Ak kogeny, ki miitei Judah tuguuk che myach.

2 ATEPTAP PEETUUSYEK 32:26

Ago ki iming'ingei Hezekiah kometo menoteetap muguleldanyi, ineendet ak piik che ki menyei Jerusalem, ak ki ma nyoonji nereegegap Kamuktaindet ne Toroor icheek eng' peetuusyegap Hezekiah.

2 ATEPTAP PEETUUSYEK 33:19

Ki kisirchi agine saaennyi, ak ole kigasyindo Kamuktaindet, ak tengektanyi tugul ak kachiliilutyennyi, ak komoswek ole ki teech komoswek che torooreen, ak kolumda Aserik ak kanamonik che ki kiwai, ye ki tomo koming'ingei; ogeero, siraatiin chooto eng' kitabuutap ateptap peetuusyegap Hosai.

2 ATEPTAP PEETUUSYEK 33:23

Ak ki ma iming'ingei eng' taitap Kamuktaindet ne Toroor ko uu ye ki iming'ingei kwandanyi Manasseh; ago kites Ammon koyai chalwokto miising' kosiir.

EZRAH 9:13

Kigobwanjech chooto tugul amu poisyonikyok che yaach ak ng'oogistonyo ne oo. Amu ma ibirech inyee Kamuktaindennyo ko uu ye yamegei ak tengekwogikyok, ak ki igoonech chu ng'etunotiin,

EZRAH 9:15

Ee Kamuktaindet ne Toroor, Kamuktaindetap Israel, ii po iman, amu ki piik che kigeng'etu, che kichililso, ko uu rani. Ki mi taing'ung' eng' ng'oogistonyo, amu ma mi ne imuuchi kotonon eng' taing'ung' amu niito.”

NEEMIA 9:33

Ago ii po iman eng' tuguuk tugul che ki kobwanjech, amu ki iyai ne po iman, ago ki keyai ne ya:

TIENWOGIKAL 39:9

Kinamak kutinnyu ak ki asiis; ma atwegu, amu inyee ne ki iyae.

KOMONG'U 10:3

Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo.

JEREMIA 4:4

Omuratange obunji Kamuktaindet ne Toroor, omuratan mugulelwekwok, okweek piigap Judah ak che omenye Jerusalem, si ma mong' nereegekyuk che koroomen ko uu maat, ak kolalyo kot koma imuuchi chii komis, amu yaityetap poisyonikwok.

JEREMIA 6:10

Ang'alaaljini ng'oo, ak abaoryanji, si kobiit kogasa? Ma kimuratan itiikwak, ara amaimuuchi koep iit. Kaek ng'olyootap Kamuktaindet ne Toroor teweernateet eng' icheek, ak ma poiboitune.

EZEKIEL 14:23

Ak kogaigaak, ye ogeer ortinwekwak ak poisyonikwak: si kobiit onai ole ma ayai puch tuguuk tugul che koayai eng' olooto, mwaei Kiptaiyat Kamuktaindet ne Toroor.

EZEKIEL 20:43

Ak obwaat eng' olooto ortinwekwok ak poisyonikwok tugul, che ki ong'wanitegei; ak osaske amu yaitwogikwok tugul che ki oyai.

EZEKIEL 44:7

amu ki omutu kipsagarek, che ma kimuratan mugulelwek, ama kimuratan tuguuk tugul che saptos, kotebee oldanyu ole-tiliil, si komurwon, nooto koonnyu, ye kogoitoi amitwogikyuk, mwanik ak korotiik, ak ki kobut kayomisennyu, si kotesyi tuguukwok tugul che kiwechei.

EZEKIEL 44:9

Mwaei Kiptaiyat Kamuktaindet ne Toroor kole ma wendi oldanyu ne tiliil toondet age tugul ne Pororyosyek che ma kimuratan muguleldo ak poorto, agot toondet age tugul ne mi kwenutap piigap Israel.

EZEKIEL 6:9

Ak kobwaata icheek che chilildos eng' okweek eng' pororyosyek ole tuun kimutyin koek luulenik, ko uu ye ki komea mugulel agobo kugoinatetap mugulelwekwak, che ki koistoenagei, ak agobo konyekwak, che ibotegei ak kanamonikwak: ak wechegei icheegei agobo yaitwogik che ki koyai eng' tuguukwak tugul che kiwechei.

ATEPTAP LAWIK 26:24

aeesyok anyun ak okweek ak abirok anyun aneendet konyil tisap amu tengekwogikwok.

ATEPTAP LAWIK 26:28

atilok let anyun eng' pandanyu eng' nereegek che pichiien, ak abirok agane konyil tisap amu tengekwogikwok.

KAITOSYEK 5:7

ak nyolu kong'aany ng'oogisto ne koyai, ak igoitoi kiy ne yamegei ak ng'oogisooto ak kotesyi kebebertap muut, yeityo kogoochi chiichooto kichalwogenji.

MATAYO 23:12

Age tugul ne ieetegei ko tuun kiming'ini; ak age tugul ne iming'inigei ko tuun kieeti.

LUKA 14:11

Amu age tugul ne itoroorigei kiming'ini; ak ineendet ne iming'inegei kitoroori.

LUKA 18:14

Amwaiwok ale, kichoortagei chiichooto koonnyi ko kagoek ne po imanda kosiir nin age: amu chii age tugul ne itoroorigei kiming'ini; ak age tugul ne iming'inigei ko tuun kitoroori.”

POISYONIGAP CHE KIYOKTOI 7:51

“Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok.

GALATYEK 5:6

Amu eng' Kristo Jeso koma tilei kiy kamuratanet, anan ngo ma kimuratan; ago kayaneet ne poisyei eng' chamyet.

NG'ATUTIK 10:16

Omuratan mugulelwekwok anyun, amoegu piich che uueen metowoi.

NG'ATUTIK 30:6

Imuratani `Kamuktaindet ne Toroor Kamuktaindeng'ung' muguleldang'ung' ak mugulelwegap iyoteng'ung', si icham Kamuktaindet ne Toroor Kamuktaindeng'ung' eng' muguleldang'ung' komugul ak eng' saboondang'ung' komugul si isap.

NG'ATUTIK 31:21

Ye tuun kagobwonji yaitwogik che chaang' ak nyalilwogik, kobaoryan anyun tyeni eng' tainnywa ko uu paoryat. Amu ma utye iyotennywa eng' kutusweekwak. Amu agot nguno angen kabwaatutikwak che ibwaati, kotom amut koba emet ne ki ayosyechi.”

PILIPIK 3:3

amu ki kamuratanet acheek, che saaei eng' Kabuusetap Kamuktaindet, ak kilasuge eng' Kristo Jeso, ama ki tinyei kamang'unet eng' poorto:

KOLOSAIK 2:11

ki kimuratanak eng' ineendet eng' kamuratanet ne ki ma kiyae eunek, eng' istoetap poortap panyeek, eng' kamuratanetap Kristo;