ATEPTAP LAWIK 26:37 - BUKUIT NE TILIIL Sireet ne Dutero Kanon

³⁷ Koriichkei icheegei eng' icheegei, ko uu eng' taitap rotwetap chok, ye ma mi ne oonei. Monyooru anyun kimnateet ne otononie eng' taitap puunikwok.

Bukuit Ne Tilil

³⁷ Koriichkei icheegei eng' icheegei, ko uu eng' taitap rotwetap chok, ye ma mi ne oonei. Monyooru anyun kimnateet ne otononie eng' taitap puunikwok.

BUKUIT NE TILIL

³⁷ Ak koriichgei ichegei eng’ ichegei, ko u eng’ taitab rotwetab chok, ye mami ne onei: ak monyoru kimnatet ne otononie eng’ taitab bunikwok.

ATEPTAP LAWIK 26:37 ပူးပေါင်းရင်းမြစ်များ

ISAIAH 10:4

Ing'uruukyin icheek kimonjororinik, ak kobutyi ole ki kibarchi piik. Nganda uu nooto, koma istogei nereegekyik, ago ta ko chuulaat eunnyi kora. Menoteetap Assyria ak pirennyi

JEREMIA 37:10

Amu nganda ki obar lugeet komugul ne po Kaldeik che kiboryenok, kot kong'et kityo piik che ki kiguoten eng' icheek, kota kong'eetei chii age tugul eng' emainnyi, ak kobeel nganasani.

JEREMIA 46:16

Ki riich che chaang', ee, ki ibutyi age paragutap age: ak ki le, Ong'eetyee, ongebe kogeny oldap piikyok, agoi emet ne ki kisikyinech kemwee rotwetap chok ne usiisyei.

JEREMIA 6:21

Mwaei anyun Kamuktaindet ne Toroor kole; “Andoi taitap pichu kanagutik, si konach kwanisyek kobooto weeriik, ak kolus chiitap kokwet kobooto chorwennyi.”

ATEPTAP LAWIK 26:17

Aboorwok nereegekyuk, ak kebaraak eng' taitap puunikwok. Poiywok che wechok, ak omwei ko maonok chii.

NAHUM 3:3

Piik che ketei paraisisyek, kalyeleetap rotwetap chok ak ng'otit ne liilei piich; ak chaang'indap che kagebar, karurugutyet ne oo ne po muuswek; ma igeesugei muuswek, riichei muuswekwak icheek!

KAITOSYEK 14:42

Amat otogoste amu ma mi Kamuktaindet ne Toroor kobootok, si ma parak koterteerak eng' puunikwok.

KIRUOGIK 2:14

Ki nereech kot Kamuktaindet ne Toroor agobo Israel, ak ki inde icheek eunegap piik che kiluul icheek. Ki aldochi eunegap puunik che kiluul icheek kot ko ki mata komuuchi kotononso eng' taitap puunikwak.

KIRUOGIK 7:22

Ye ki kiguute igondisyechooto pogol somok, kogoochi Kamuktaindet ne Toroor kobar chii age tugul chiito ne kaonei eng' nganaseet tugul. Kimwei lugeet kot koit Beth-sita kotokyigei Serera, agoi kiwotetap Abel-meolah ole neegitee Tabat.

1 SAMUEL 4:2

Ki tetkei Philistiik si kobargei ak Israel. Ye kingo tuiyo lugeet, ko ki iterteer `Philistiik Israel. Ki par piigap lugeet che po Israel olo po eliphuusyek ang'wan eng' koronooto.