ATEPTAP LAWIK 26:31 - BUKUIT NE TILIIL Sireet ne Dutero Kanon

³¹ Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

Bukuit Ne Tilil

³¹ Ayae nganasookwok koek karotwek, ak ayai oldinwekwok che tiliileen koek kipkuberet, ma achame kong'ucha anyinyindap nyamdutikwok.

BUKUIT NE TILIL

³¹ Ak ayai nganasokwok koek karotwek, ak ayai oldinwekwok che tililen koek kipkuberet; ma achame kong’ucha anyinyindab nyamdutikwok.

ATEPTAP LAWIK 26:31 ပူးပေါင်းရင်းမြစ်များ

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

2 LAITORINIK 22:19

amu kang'arng'arit muguleldang'ung', ak iming'ingei eng' taitap Kamuktaindet ne Toroor, ye kangi kas kiit ne ki amwa agobo olito ak piik che menyei olito, ale egu karaatya ak chubeet, ak amu kegereer ngoroiguk ak iriir eng' tainnyu, kaagasin agane, mwaei Kamuktaindet ne Toroor.

2 ATEPTAP PEETUUSYEK 36:19

Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

NEEMIA 1:3

Kimwaiwo icheek kole, “Tinyei nyalilda ne oo ak churisyet eng' emonooto piik che ki ng'et eng' che kiga keluul. Ki kobutok agine irimeetap Jerusalem ak ki kebeel ormariichokyik.”

NEEMIA 2:17

Yeityo aleenji, “Ogeere nyalili kimi, ko uu Jerusalem ak ormariichokyik che ki kolalyo ak koek karaatya. Ara obwa anyun keteech kogeny irimeetap Jerusalem, si mata keegu che kichoosei.”

NEEMIA 2:3

Ki aleenji laitoryat, “Ingosap laitoryat koigeny. Kalya si ma aaragen togeennyu ago ki koek karaatya nganaseet ye mi kereeriisyegap kwanisyekyuk ak ki kolalyo ormariichokyik?”

ISAIAH 1:7

Kigoguber emeng'wong', ki kebeel nganasookwok; ibookyin toek emeng'wong' ogeere, kogoguber, ko uu ne kogong'em toek.

ISAIAH 6:11

Ki ateebee anyun, ale, “Ee Kiptaiyat, tyanitu?” Ak ki wol kole, “Agoi tuun koguber nganasook kot koma komi piik kooriik, ak koek emet kipkubere miising'

ISAIAH 63:18

Ki nyaban piiguk che tiliileen; ago ne matya kotyech puunikyok oldang'ung' ne tiliil.

ISAIAH 64:9

Amat inereech miising', ee Kamuktaindet ne Toroor, amat ibwaat tengekto agoi! Keero, keer komyee, kisaain, ki piiguk acheek tugul.

ISAIAH 66:3

Ineendet ne parei teta ko kergei ak ineendet ne parei chiito; ineendet ne igoitoi aarwetap keechiir koek tiseiywot, ko kergei ak ineendet ne iriei kaatitap seset; ineendet ne igoitoi kagoochinetap peek ko kergei ak ineendet ne igoitoi korotiigap toret; ineendet ne peelei tuguuk che nyamdut ko kergei ak ineendet ne iberuuri kanamwet: ee, ki kolewen ortinwekwak ak kochamei saboonwekwak tuguukwak che kiwechei;

JEREMIA 22:5

Ago ngot ko mogas iit ng'aleechuuto, ayosyechinigei anyun, mwaei Kamuktaindet ne Toroor, ale, egu kooi karaatya.

JEREMIA 26:6

ayae anyun kooi koigei Shiloh, ak ayai nganasani koek ne sasei pororyosyek tugul che po ng'wony.

JEREMIA 26:9

Amu nee si imaoten eng' kainetap Kamuktaindet ne Toroor, ile, Igeitu koi Shiloh, ak koek karaatya nganasani, amaa komenyei chii? Ak ki iyumjigei piik tugul Jeremiah eng' kootap Kamuktaindet ne Toroor.

JEREMIA 4:26

Ki ageer, ak kiga koek surkwen mbareet ne kirurei, ak kiga kiluul nganasookyik eng' taitap Kamuktaindet ne Toroor, ak eng' taitap nereegekyik che ng'woneen.

JEREMIA 4:27

Amu mwaei Kamuktaindet ne Toroor kole, egu emet tugul karaita; ago magesu.

JEREMIA 4:7

Kamong' ng'etundo eng' sondinnyi, ne ng'emindetap pororyosyek, kagomong' eng' oldanyi, si kobiit koyai emeng'ung' koguber, ak koek nganasoguk karaatya, ama komenyei chii.

JEREMIA 44:2

Mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Ki ogeer yaityet tugul ne ki apchi Jerusalem, ak nganasook tugul che po Judah; ak ogeero, karatwek rani nganasochooto, ama mi chii ne menyei olooto;

JEREMIA 44:6

Kirong'kei anyun nereegekyuk che ng'woneen, ak kong'waanityi nganasoogap Judah ak eng' ortinwek che po Jerusalem; ak ki koek karatwek ak kigoguber ko uu kiit ne uu peetuusyechu.

JEREMIA 52:13

ak ki peel kootap Kamuktaindet ne Toroor, ak kootap laitoryat; ak kooriik tugul che po Jerusalem, koot age tugul ne oo, ko ki peel.

JEREMIA 9:11

Mwaei Kamuktaindet anyun kole, Ayaei Jerusalem koek karurugutigap karain, olooto menyei lelwek; ak ayai nganasoogap Judah koek karaatya, ole ma menyei chii.

RIREKAB JEREMIA 1:1

Kalya si koguber nganaseet ne ki nyiitaat piik! Amu nee si kotebi ko uu kwony ne ki kosiirtoe manong'otyot, nganaseet ne ki oo eng' pororyosyek! Ineendet ne ki cheptap laitoryat eng' emotinwek, ko kagoek anyun otwogindet.

RIREKAB JEREMIA 1:10

Kogoitoochi puunyoot eunnyi tuguukyik tugul che koboiboitune. Amu kagogeer kole kogochut pororyosyek oldanyi ne tiliil, che ki ing'at ile amat kochut icheek tuiyeng'ung'.

RIREKAB JEREMIA 2:6

Ki koisto emainnyi eng' koroomnateet ko uu mbareet, Ki kong'em oldanyi ole kituiyechin. Ki koisto Kamuktaindet ne Toroor tuiyet ne ki king'at ak sabato eng' Zion, ak eng' nyitatetap nereegekyik ko ki kogas laitoryat ak tisiindet.

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

EZEKIEL 12:20

Ak king'emei nganasook che ki menyei, ak koguber emet; si onai ole aa Kamuktaindet ne Toroor.

EZEKIEL 21:15

Koatokyi rotwetap chok ormariichokwak tugul, si komeiyo mugulelwekwak, ak kotesagis kanagutikwak: haa! Kogeyai koigei kalyeleet, kogelit si kobaris.

EZEKIEL 21:7

Ak ye teebenen, koleenjin, Amu nee si itigen? Ile anyun, Amu ng'aleek, amu nyoonei: ak kome muguleldo age tugul ak konyalulso eunek tugul, ak konyaluul sabeet age tugul, ak kochootyo kutung'oik tugul ko uu peek: ogeero, nyoonei, ak ko yaaksei, mwaei Kiptaiyat Kamuktaindet ne Toroor.

EZEKIEL 24:21

Ng'alaalji kootap Israel, ileenji, mwaei Kiptaiyat Kamuktaindet ne Toroor kole: Ogeero, amurwoni oldanyu ne tiliil, menoteetap kimnateeng'wong', ne iboiboi konyekwok, ne riiree saboonwekwok; ak kebare rotwetap chok weeriikwok ak tiibiikwok che ki obagaakte.

EZEKIEL 6:6

King'emei nganasook eng' meng'otosyekwok tugul, ak koek karatwek komoswek che torooreen; si kobiit keng'em kapkorosusyekwok ak keyai koek karatwek, ak ketui kanamonikwok kobetyo, ak keep kanamonikwok che po asiista, ak kigees poisyonikwok.

EZEKIEL 9:6

obar ogesu poiyo, muren, chepto, ak lagok che mengeechen, ak kwonyiik: ago amat ooriikyi chii age tugul ne ki king'ooch; ak otaune oldanyu ne tiliil. Kitaune anyun poisyek che ki mi taitap koot.

AMOS 7:9

ak koguber komoswek che torooreen che po Isak, ak kebut oldinwek che tiliileen che po Israel; ak ang'eet abar kootap Jeroboam eng' rotwetap chok.

MIKAH 3:12

Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.

SEPANIA 3:6

Ki abar pororyosyek; Ki kong'emogis irimoikwak che torooreen; ki abut ortinwekwak kot koma kobunei chii: Ki kong'emogis nganasookwak kot koma komi chii, kot koma komi chii ne menyei.

LUKA 21:24

Ak kobutyo icheek eng' ng'atibindap rotwetap chok, ak kimut luulenik koba pororyosyek tugul: ak kotyech Pororyosyek Jerusalem, agoi kosulda peetuusyegap Pororyosyek.

POISYONIGAP CHE KIYOKTOI 6:14

amu kigegas ineendet komwaei koleen, tatun kong'emei yuto Jeso niito po Nazareth, ak kowal pitonwek che ki koonech Musa.”

HEBRANIK 10:26

Amu ngot kekwetyini keyae tengek ko kagetaach naetap imanit, koma kong'etu tiseiywot age kogeny, ne po tengekwogik,