ATEPTAP LAWIK 26:30 - BUKUIT NE TILIIL Sireet ne Dutero Kanon

³⁰ Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

Bukuit Ne Tilil

³⁰ Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

BUKUIT NE TILIL

³⁰ Ak ang’eme awong’u komoswekwok che tororen, ak aluul kanamonikwok che bo asista, ak awirji muswekwok ole mi muswekab kanamonikwok; ak kowechok sobondanyu.

ATEPTAP LAWIK 26:30 ပူးပေါင်းရင်းမြစ်များ

TAUNET 19:13

Kimache keng'em nganasani, amu kogoeet waagaat agobo icheeget eng' taitap Kamuktaindet ne Toroor, ak kagoyakwech Kamuktaindet ne Toroor keng'em.”

1 LAITORINIK 13:2

Ak kiwaage ineendet kapkorosuut eng' ng'olyootap Kamuktaindet ne Toroor kole, “Ee, kapkorosuni, kapkorosuni, kamwa Kamuktaindet ne Toroor kole, ‘Keero, tuun kisikyin lakweet kootap Daudi, ne kiguure kainennyi Josiah; ak kogoitoenen ineendet tisiigap komoswek che torooreen, che peelenen nyamdutik, ak tuun peelei eng' inyee kawegap piik.’ ”

1 LAITORINIK 13:32

Amu isuldoi iman mwaet ne ki mwa eng' ng'olyootap Kamuktaindet ne Toroor, ne kawaage kapkorosuut eng' Bethel, ak kooriik tugul che po komoswek che torooreen che mi nganasoogap Samaria.”

2 LAITORINIK 23:16

Kingo welelgei Josiah, ko ki keer kereeriisyek che ki mi tulweet. Ki iyookto piik koba koip kawek eng' kereeriisyechooto ak kobeel eng' kapkorosunooto, ak kong'wanit ko uu ng'olyootap Kamuktaindet ne Toroor, ne kimwaita chiitap Kamuktaindet ne kimwaitoi tuguuchooto.

2 LAITORINIK 23:20

Ki par tisiik tugul che po komoswek che torooreen che ki mi yooto, eng' kapkorosusyek, ak kobeel kawegap piik eng' paragunnywa. Yeityo koweek kwo Jerusalem.

2 LAITORINIK 23:8

Ki imut Josiah tisiik tugul komong' eng' nganasoogap Judah ak kong'waniit komoswek che torooreen ole kibeelee tisiik nyamdutik, kobooch Geba agoi Beer-sheba. Kibut komoswek che torooreen che po ormariichok che ki mi ye kimandoe eng' ormariichetap Joshua pounindetap nganaseet, che ki mi komostap kaataam eng' ormariichetap nganaseet.

2 ATEPTAP PEETUUSYEK 23:17

Ak ki pa piik tugul kootap Baal, kobut, ak kobut kapkorosusyekyik, ak kotuatui kanamonikyik, ak kobar Matan tisiindetap Baal eng' taitap kapkorosusyek.

2 ATEPTAP PEETUUSYEK 31:1

Kingo kagogeskei chuuto tugul, koba nganasoogap Judah Israel tugul che ki mi koba kobut tolochik, koep Aserik ak kobut komoswek che torooreen ak kapkorosusyek eng' Judah tugul ak Benjamin, eng' Ephraim ak Manasseh, kot kong'em kogees tugul. Ki week anyun lagok tugul che po Israel koba nganasookwak, kwo chii tugul ole mi tuguukyik.

TIENWOGIKAL 106:40

Ki nereekyi kot anyun `Kamuktaindet ne Toroor piikyik. ak ki wech porotennyi.

TIENWOGIKAL 89:38

Ago kiitimde ak ieesye, Ki inereekyi neng'ung' ne iilaat.

ISAIAH 27:9

Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.

JEREMIA 14:19

Tos ki ieesye Judah iman? Tos kigowech saboondang'ung' Zion? Amu nee si ibirech, ama mi kasoobet eng' acheek? Ki kigen kaalyeet, ago ma nyo kiy ne myee; ki kigen peetuutap kasoobet ak keero, ki piit arageneet!

JEREMIA 16:18

Ak ayaaktochini korook yaityennywa ak tengektonywa konyil aeng'; amu ki kong'wanit icheek emennyu eng' muuswegap tuguukwak che samis, ak kigonyiit porotennyu tuguukwak che kiwechei.

EZEKIEL 16:39

Ak andein eunekwak, ak kobut oldang'ung' ne tagunoot, ak kobut oldinweguk che kitororitu; ak koreegunenen ngoroiguk, ak koip sonoeguk che korooron: ak kobagachin imi puch aach ngor.

EZEKIEL 43:7

Ak ki leenjo, Ee, weeriitap chii, yuto ko ye mi ng'echerennyu ne po laitornatet, ole tebee keelyekyuk, ole amenye koigeny eng' kwenutap piigap Israel: ama komurwoni kogeny kootap Israel kainennyu ne tiliil, icheeget anan ko laitorinikwak, eng' kugoinatennywa, ak eng' muuswegap laitorinikwak eng' komoswekwak che torooreen;

EZEKIEL 6:13

Ak onai ole aa Kamuktaindet ne Toroor, ye tuun mi piikwak che kigebar, kobooto kanamonikwak, che mi kapkorosusyekwak komoswekwak tugul eng' tulweet age tugul ne ming'in ne toroor, eng' walisyek tugul che po tuloonook, ak eng' kelutap keetit age tugul ne tuon, ak eng' kelutap keetit age tugul ne nyigiis, ole kibeeljine kanamonikwak tugul nyamdutik.

HOSEA 10:2

Pcheat muguleldanywa; tinyei ng'oogisto: putei Kamuktaindet ne Toroor kapkorosusyekwak, ng'emei tolochikwak.

ATEPTAP LAWIK 20:23

Amobendate pitonwegap pororyet ne aoone eng' taing'wong'. Amu ki yai icheek tuguuchuuto tugul, ak ki awech anyun icheek amu nooto.

ATEPTAP LAWIK 26:11

Ak ande koonnyu kwenung'wong', ama wechok saboondanyu.

ATEPTAP LAWIK 26:15

ak ngot oeesye kaneetisyosyekyuk, ak kowech saboonwekwok kirwoogutikyuk, kot ko moyai ng'atuutikyuk tugul, obut kayomisennyu,

AMOS 6:8

Ki koyosyechigei Kiptaiyat Kamuktaindet ne Toroor, mwaei Kamuktaindet ne Toroor, ineendet Kamuktaindet ne po lugoosyek, kole: “Aweche menoteetap Jakobo, ak aweche kooriikyik che po laitoryat. Asaru anyun nganaseet kobooto tugul che mi oriit.”

AMOS 7:9

ak koguber komoswek che torooreen che po Isak, ak kebut oldinwek che tiliileen che po Israel; ak ang'eet abar kootap Jeroboam eng' rotwetap chok.

NG'ATUTIK 32:19

Ki keer anyun `Kamuktaindet ne Toroor ak kinereech, Amu taagetap ne kitach weeriikyik ak tiibiikyik.