ATEPTAP LAWIK 26:16 - BUKUIT NE TILIIL Sireet ne Dutero Kanon

¹⁶ ayaiywok ni agane: ang'ate kamuiset konyonjok, chebuonit ak eseet, che ng'emei koonyek, ak kogoochi saboondo kosagit. Ogoole kesweekwok puch, amu amei puunikwok.

Bukuit Ne Tilil

¹⁶ ayaiywok ni agane: ang'ate kamuiset konyonjok, chebuonit ak eseet, che ng'emei koonyek, ak kogoochi saboondo kosagit. Ogoole kesweekwok puch, amu amei puunikwok.

BUKUIT NE TILIL

¹⁶ ayaiywok ni agane: ang’ate kamuiset konyonjok, ak chebuonit ak eset, che ng’emei konyek, ak kogochi sobondo kosagit; ak ogol keswekwok buch, amu amei bunikwok.

ATEPTAP LAWIK 26:16 ပူးပေါင်းရင်းမြစ်များ

1 LAITORINIK 8:37

“Ngot kobiit rubeet eng' emet, anan ko koroito, ngot kobiit chelalityet anan ko uchatet, chereng'endet anan ko kutyet; ngot koyiem icheek puunikwak eng' emetap nganasookwak; koroito age tugul anan komi myando age tugul ne piitu,

Kitabuutap JOB 18:11

Igoochin kamuisosyek ineendet koiyweis eng' komosta age tugul, ak koonat ineendet kot koriich.

Kitabuutap JOB 20:25

Ng'usu, ak komong' eng' poortanyi, ak mang'une kipsegetetyennyi walit ne liilei piich; mi paragunnyi kamuisosyek.

Kitabuutap JOB 31:8

ko myee agoolso anyun ak ingoam chiito age; Ee, ingitut peegap mbareennyu.

TIENWOGIKAL 109:6

Inde chiito ne ya koboi ineendet; ak ingotonone puunyoot eunnyi ne po tai.

TIENWOGIKAL 73:19

Katepto ano kot kosip kong'emogis icheek eng' chokyinet; kagowong'kei eng' kamuisosyek.

TIENWOGIKAL 78:33

Ki iwong' anyun peetuusyekwak kobetyo puch, Ak kenyiisyekwak eng' kamuiset.

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KALEWANAIK 3:33

Mi chubetap Kamuktaindet ne Toroor kootap kiptengekyot; ago iberuuri meng'ootetap piik che po iman.

ISAIAH 10:4

Ing'uruukyin icheek kimonjororinik, ak kobutyi ole ki kibarchi piik. Nganda uu nooto, koma istogei nereegekyik, ago ta ko chuulaat eunnyi kora. Menoteetap Assyria ak pirennyi

ISAIAH 62:8

Ki koyosyo Kamuktaindet ne Toroor eng' eunnyi ne po tai, ak eng' eutap kimnateennyi, kole, iman, ma agoitoi peeguk koek amitwogigap puuniguk; ama koee toek divaiguk, che ki iyai:

ISAIAH 7:2

Ye kingo kas kootap Daudi keele kogonamgei Syria ak Ephraim ko ki potan muguleldo ne po Ahaz ak mugulelwegap piikyik ko uu ye itumdumi usoonet keetiigap timiin.

JEREMIA 12:13

Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 15:3

Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

JEREMIA 15:8

Atese mosoogikwak eng' anee kosiir ng'aniegap nyanjosyek. Amutyini icheek luulindet petkwen kobar kametap murenik. Agoochini koche ineendet tiritindo ak kamuisosyek.

JEREMIA 20:4

Amu mwaei Kamuktaindet ne Toroor kole, keero, ayain iegu kamuiset ne imuege, ak ne imue choronoguk tugul: ak kobar icheek puunikwak eng' rotwetap chok, ak igeer nooto: ak agoite Judah tugul koba eutap laitoryatap Babilon, ak koluul icheek koba Babilon, ak kobare rotwetap chok.

JEREMIA 5:17

Amei `icheek peekwok ak amitwogikwok, amei kowong'u weeriiguk ak tiibiiguk; amei `icheek keechiireguk ak akwotisyeguk, amei keetiiguk che po sabibuk ak mogooniguk. Eng' rotwetap chok kobutei nganasook che ng'ootaatiin chooto imang'u.”

EZEKIEL 24:23

Ak komi metowekwok angook che otaae, ak komi kweonik keelyekwok; moteitosi anan oriirye; ago ochuichuitosi eng' tengekwogikwok, ak otigenjige.

EZEKIEL 33:10

Ee inyee, weeriitap chii, mwachi kootap Israel ileenji, omwae ko uu ni ole: “Kanamech pistaosyekyok ak tengekwogikyok, ak kichuchui amu chooto; kimuktoi ano anyun kesapche?”

AMOS 5:11

Amu ki otyechatyech kibananook, ak omage icheek peek eng' kimnateet. Ki oteech anyun kooriik eng' koik che ki kiwai, ago momenye koorchooto; ki omiin mbareenik che korooron che po sabibuk, ago moee divaikwak.

MIKAH 6:15

Igolsei, amegese; itue mseituni, ago meilegei mwanik; itue sabibuk, ago mee divaik.

HAGGAI 1:6

Ki ogol che chaang', ago ogese che ng'ering'; oamisyei, ago mobiyong'dosi; oeeisei, ago manyiiok; olaachi ngoroik, ago ma mi ne lalang'; ak ineendet ne nyooru melekto kondai lolet ne undurot.”

SEKARIA 14:12

Ak piitu koroitap ng'wony ne pire `Kamuktaindet ne Toroor piik tugul che ki pargei ak Jerusalem: nundos poorwekwak kota kotonondos, ak konunio konyekwak eng' kelongonikwak, ak konunio ng'elyebwekwak eng' kutusweekwak.

MALAKI 2:3

Ogeero, ang'eme iyoteng'wong', ak alage ng'atateek togoochikwok, ng'atateegap kagoochinoikwok; ak keistok kobooto tuguuchooto.

NG'ATUTIK 28:51

Amei iyoteetap tuguuk ak ruroteetap emeng'ung', agoi kowong'un. Ma pagaagun peek anan divaik anan mwanik anan iyoteetap tuguuk anan aaregap keechiireguk, agoi kolusin.

NG'ATUTIK 32:25

Eng' ole po saang', korebisyei rotwetap chok, ak eng' ko, kobiitu kamuiset; Parei muren ak pergeiyat, Ne chuchuni ak chiito ne po kalwalek.”

HEBRANIK 10:31

Kiit ne pichiy kot kibutyi eunegap Kamuktaindet ne sabei.

KIRUOGIK 6:11

Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

1 SAMUEL 2:33

Ak chiing'ung' ne ma istoi anee eng' kapkorosunnyu koegu ne igeesu konyeguk ak kogoochi arageneet muguleldang'ung'. Pegu iyoteet tugul ne po koong'ung' kota ko neran.