ATEPTAP LAWIK 26:13 - BUKUIT NE TILIIL Sireet ne Dutero Kanon

¹³ Aa Kamuktaindet ne Toroor Kamuktaindeng'wong', ne ki amutwak omong'u eng' emetap Misiri, si mata oegu otwogikwak. Ak ki airii keetiigap choging'wong' ak ang'eetak obe komyee.

Bukuit Ne Tilil

¹³ Aa Kamuktaindet ne Toroor Kamuktaindeng'wong', ne ki amutwak omong'u eng' emetap Misiri, si mata oegu otwogikwak. Ak ki airii keetiigap choging'wong' ak ang'eetak obe komyee.

BUKUIT NE TILIL

¹³ A Jehovah Kamuktaindeng’wong’, ne kiamutwak omong’u eng’ emetab Misri, si mata oegu otwogikwak; ak kiairi ketikab choging’wong’, ak ang’eetak obe komie.

ATEPTAP LAWIK 26:13 ပူးပေါင်းရင်းမြစ်များ

TIENWOGIKAL 116:16

Ee Kamuktaindet ne Toroor, aa kiboityondeng'ung' iman; aa kiboityondeng'ung', aa weeriitap otwogeng'ung' ne tye; ki ityaach ratuutikyuk.

KOMONG'U 14:8

Ki iuit Kamuktaindet ne Toroor muguleldap Pharaoh laitoryatap Misiri ak ki isup piigap Israel che kimondoi eng' kimnateet ne oo.

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

ISAIAH 51:23

Ak ande eutap icheeget che inyaliilin; che ki leenji saboondang'ung', “Ng'uruuge, si kobiit kesiirte: ak iite pateng'ung' koigei ng'wonyut, ak koigei ooreet, eng' icheek che siirtoi.”

ISAIAH 9:3

Ki ites pororyet, ki ites poiboiyennywa; poiboitu icheek eng' taing'ung' ko uu poiboiyet ne po kesisyet, ko uu piik che poiboitu ye pchei parunenik.

JEREMIA 2:20

Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 28:2

Mwaei Kamuktaindet ne Toroor ne po lugoosyek, Kamuktaindetap Israel ko uu ni kole, kaairi chogitap laitoryatap Babilon.

JEREMIA 28:4

ak amutu kogeny konyo olito Jekoniah weeriitap Jehoiakim laitoryatap Judah, kobooto luulenik tugul che ki kiluul che po Judah, che ki pa Babilon, mwaei Kamuktaindet ne Toroor: amu airie chogitap laitoryatap Babilon.

EZEKIEL 30:18

Imenitu peetuut agine eng' Teapnes, ye airii eng' olooto chogisyegap Misiri, ak kogeskei anyun menoteetap kimnateennyi: ago tuchei ineendet pooldet, ak keluul tiibiikyik.

EZEKIEL 34:27

Ak kooi logoek keetitap mbar, ak korur emet, ak kotebee chametapkei eng' emennywa; ak konai kole aa Kamuktaindet ne Toroor, ye tuun airii keetiigap choginnywa, ko kaasaru icheek komong' eng' eutap piik che ki yai icheek koek otwogikwak.

HOSEA 11:4

Ki achuutune icheek poroonigap chii, kobooto rogoonigap chamyet; ak ki auu eng' icheek icheeget che istoi chogit eng' tagilgilikwak, ak ki ande amitwogik tainnywa.

ATEPTAP LAWIK 25:38

Aa Kamuktaindet ne Toroor Kamuktaindeng'wong', ne ki amutwak omang'une emetap Misiri, si agoonok emetap Kanaan, ak aegu Kamuktaindeng'wong'.

ATEPTAP LAWIK 25:42

Amu icheek ko otwogikyuk, che ki amutu komang'une emetap Misiri; ma ki aldoi anyun icheeget ko uu otwogik.

ATEPTAP LAWIK 25:55

Amu otwogikyuk piigap Israel; icheeget otwogikyuk che ki amutu komang'une emetap Misiri. Aa Kamuktaindet ne Toroor Kamuktaindeng'wong'.

NAHUM 1:13

Airie choginnyi eng' kaating'ung', ak ang'etii ratuutiguk.”