ATEPTAP LAWIK 26:11 - BUKUIT NE TILIIL Sireet ne Dutero Kanon

¹¹ Ak ande koonnyu kwenung'wong', ama wechok saboondanyu.

Bukuit Ne Tilil

¹¹ Ak ande koonnyu kwenung'wong', ama wechok saboondanyu.

BUKUIT NE TILIL

¹¹ Ak ande gonnyu kwenung’wong’; ama wechok sobondanyu.

ATEPTAP LAWIK 26:11 ပူးပေါင်းရင်းမြစ်များ

2 SAMUEL 7:7

Eng' komoswek tugul ole ki awendotee ak lagok tugul che po Israel, ko tos ki ateebee kandoigap ortinwegap Israel che ki ang'at koriip piikyuk Israel aleenji, Amu nee si ma oteekwo koot ne po taragonik?

1 LAITORINIK 6:13

Ak amenye kwenutap piigap Israel, amametoi piikyuk Israel.”

1 LAITORINIK 8:13

Kaateegun iman koot ne imenye, komostang'ung' ne imenye koigeny.”

1 LAITORINIK 8:27

“Ago tos meny Kamuktaindet ng'wony iman? Keero, ma yamin kipsengwet itebee, anan kipsengwet ne po parak miising', ko ming'in ne tya anyun kooi koateech!

TIENWOGIKAL 106:40

Ki nereekyi kot anyun `Kamuktaindet ne Toroor piikyik. ak ki wech porotennyi.

TIENWOGIKAL 76:2

Miitei koonnyi Salem, Ak miitei Zion ole menyei.

TIENWOGIKAL 78:59

Ye kingo kas Kamuktaindet niito konereech, Ak kiwech Israel miising':

KOMONG'U 25:8

Ko uu nooto kora, ko ingoteekwo ole-tiliil si ameny kwenunnywa.

KOMONG'U 29:45

Amenye kwenutap piigap Israel ak aegu Kamuktaindennywa.

KOMONG'U 29:46

Ak konai icheek kole aa Kamuktaindet ne Toroor Kamuktaindennywa ne ki among'u eng' emetap Misiri, si kobiit ameny kwenunnywa. Aa Kamuktaindet ne Toroor Kamuktaindennywa.

JEREMIA 14:21

Amat iwechech amu kaineng'ung', ameteweer ng'echereetap laitornatet ne po toroornateng'ung'. Ibwaat, amat ibut kayomiset ne kigaiyomiswech.

RIREKAB JEREMIA 2:7

Ki kotiimda Kiptaiyat kaptisisyennyi, ak ki kometo oldanyi ne tiliil. Ki konde eutap puunyoot irimoigap kooriikyik che po laitorinik. Ki kobolyo eng' kootap Kamuktaindet ne Toroor, ko uu eng' peetuutap tuiyet ne ki king'at.

JOEL 2:27

Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

ATEPTAP LAWIK 20:23

Amobendate pitonwegap pororyet ne aoone eng' taing'wong'. Amu ki yai icheek tuguuchuuto tugul, ak ki awech anyun icheek amu nooto.

ATEPTAP LAWIK 26:15

ak ngot oeesye kaneetisyosyekyuk, ak kowech saboonwekwok kirwoogutikyuk, kot ko moyai ng'atuutikyuk tugul, obut kayomisennyu,

ATEPTAP LAWIK 26:43

“Ak kometo icheek emet ak kobaibait eng' sabatoisyekyik, ye tebyei emonooto ko kuberot koma mi icheek, ak kotaach piretap tengekwogikwak, amu ki eesyo kirwoogutikyuk, ak ki wech saboonwekwak kaneetisyosyekyuk.

ATEPTAP LAWIK 26:44

Agot nganda uu chooto tugul, ye mi emetap puunikwak, koma eesyoi icheek, amaweche, amang'eme awong'u ak ma pute kayomisennyu kobooto icheek. Amu aa Kamuktaindet ne Toroor Kamuktaindennywa.

SEKARIA 11:8

Ak ki ang'em mestoweek somok eng' arawet agenge; amu kigong'et saboondanyu agobo icheek, ak kowecho kogeny saboonwekwak.

EPESOEK 2:22

ki kiteechak ak okweek oegu agenge eng' ineendet, ole menyei Kamuktaindet eng' Kabuuset ne Tiliil.

NG'ATUTIK 32:19

Ki keer anyun `Kamuktaindet ne Toroor ak kinereech, Amu taagetap ne kitach weeriikyik ak tiibiikyik.

JOSHUA 22:19

Ago ngo ma ianyinyat emet ne neng'wong', olande emet ne po Kamuktaindet ne Toroor ole menyei kootap Kamuktaindet ne Toroor, ak obwa onam emet eng' kwenunnyo kobunjook. Amat ongelelji Kamuktaindet ne Toroor anan ongeleljech oteekyigei kaptisisyet age ne ma kaptisisyetap Kamuktaindet ne Toroor, Kamuktaindennyo.

JOSHUA 22:31

Ki wolji Phineas weeriitap Eleazar tisiindet lagogap Reuben, lagogap Gad ak lagogap Manasseh, Kaginai rani keele mi Kamuktaindet ne Toroor kwenunnyo, amu mata ochalwogenji Kamuktaindet ne Toroor eng' kiito. Kaosaru anyun piigap Israel eng' eutap Kamuktaindet ne Toroor.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;

NG'ANG'UTYET 7:15

Mi anyun icheek taitap ng'echereetap laitornatet ne po Kamuktaindet, ak koboisyechin ineendet peet ak kemoi eng' hekalunnyi, ak koiito ineendet ne tebee ng'echereetap laitornatet emainnyi eng' paragunnywa.