ATEPTAP LAWIK 24:2 - BUKUIT NE TILIIL Sireet ne Dutero Kanon

² “Ng'at piigap Israel koibun mwanigap mseituni che tiliileen che ki kitui agobo lapkeiyet, si kolaal tait kotugul.

Bukuit Ne Tilil

² “Ng'at piigap Israel koibun mwanigap mseituni che tiliileen che ki kitui agobo lapkeiyet, si kolaal tait kotugul.

BUKUIT NE TILIL

² Ng’at lagokab Israel koibun mwanikab emitik che tililen che kigitui agobo lapkeiyet, si kolaal tait kotugul.

ATEPTAP LAWIK 24:2 ပူးပေါင်းရင်းမြစ်များ

2 ATEPTAP PEETUUSYEK 13:11

Peeljin `icheek Kamuktaindet ne Toroor kagoochinoik che kibeelei, ak nyamdutik che ng'uu ne anyiny, karonet age tugul ak koskoleng'ut age tugul, tetei magatiinik che itabaanatiin eng' meset ne tiliil, ak keldap tait ne po thahabu kobooto taisyekyik, si kolal koskoleng'ut age tugul; amu kiriibe acheek poisyetap Kamuktaindet ne Toroor, Kamuktaindennyo, ago ki omete ineendet.

TIENWOGIKAL 119:105

Taitap keelyekyuk ng'olyoondeng'ung', ak lapkeiyetap ooreennyu.

TIENWOGIKAL 119:130

Igoitoi lapkeiyet ng'ang'utyetap ng'aleeguk; igoochi kaguiyet che matinyei kiy.

KOMONG'U 39:37

keeldo ne tiliil ne po tait kobooto taisyekyik, agot taisyek che kitetei komyee ak tuguukyik tugul, ak mwanigap kiit ne ikweng'sei,

KOMONG'U 40:24

Ki inde keldap tait emait ne kituiyechin, kotoorchin ak meset, kotobon murot tai eng' emaitap Kamuktaindet.

KALEWANAIK 6:23

Amu kayomisutyet ko tait, ak ng'atuutyet ko lapkeiyet, ak kereetap kong' ne po katigonet ko ooreetap saboondo.

ISAIAH 11:2

Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.

ISAIAH 8:20

Onamge ak ng'atuutik ak paornateet! Ngot koma ng'alaal icheek koosup ng'olyoondoniito, ko amu ma mi lapkeiyet eng' icheek.

ATEPTAP LAWIK 24:1

Ki mwachi `Kamuktaindet ne Toroor Musa koleenji,

ATEPTAP LAWIK 24:3

Chobei Aron tait eng' saang'utap angeet ne ki kioiye koot, ne po paornateet, eng' emait ne kituiyechin, kong'etee koskoleny agoi karon kotugul eng' taitap Kamuktaindet ne Toroor. Egu niito ng'atuutyet ne po koigeny eng' ibinwekwok tugul.

MATAYO 4:16

Piik che ki tebee mesundeito ko ki kogeer lapkeiyet ne oo, ak icheek che ki tebee koreet ne po urwetap meet, ko ki kochoorchigei lapkeiyet.”

MATAYO 5:16

Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

LUKA 12:35

Ongogermenogis suenutikwok, ak ongolalyo taisyekwok;

JOHANA 1:4

eng' ineendet ko ki saboondo, ak saboonooto ko ki lapkeiyetap piik,

JOHANA 1:9

Ki mi lapkeiyet ne po iman, ne nyoonei ng'wony, ne iluuchin chii tugul.

JOHANA 5:35

Kitait ineendet ne kilalei kokweng'sei: ak ki ocham oboiboitune lapkeiyennyi eng' peetuusyek che matya.

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.