ATEPTAP LAWIK 23:34 - BUKUIT NE TILIIL Sireet ne Dutero Kanon

³⁴ “Mwachi piigap Israel leenjin, Egu igoortap keryosyek peetuusyek tisap eng' Kamuktaindet ne Toroor eng' peetuutap taman ak muut ne po arawaniito po tisap.

Bukuit Ne Tilil

³⁴ “Mwachi piigap Israel leenjin, Egu igoortap keryosyek peetuusyek tisap eng' Kamuktaindet ne Toroor eng' peetuutap taman ak muut ne po arawaniito po tisap.

BUKUIT NE TILIL

³⁴ Mwachi lagokab Israel, ilenji, Egu igortab keriosiek betusiek tisab eng’ Jehovah eng’ betutab taman ak mut ne bo arawanito bo tisab.

ATEPTAP LAWIK 23:34 ပူးပေါင်းရင်းမြစ်များ

1 LAITORINIK 12:32

Ki ng'at Jeroboam keyai igoorto eng' arawetap sisiit eng' peetuutap taman ak muut, ko uu igoorto ne ki mi Judah, ak kitogosta ye mi kapkorosuut. Ki yai ko uu nooto eng' Bethel, koeng'ji moek che kiga kotany. Ki inde Bethel tisiik che po komoswek che torooreen che kiga yai.

1 LAITORINIK 8:2

Ki iyumgei piik tugul che po Israel eng' ole kimi Laitoryat Solomon eng' igoorto, eng' arawetap Etanim, ne arawetap tisap.

1 LAITORINIK 8:65

Ki yai anyun Solomon igoorto eng' peetuusyechooto, kobooto Israel tugul, tuiyet ne oo, kong'etee ye kibunei kebendi Lebo-hamath agoi aineetap Misiri, eng' taitap Kamuktaindet ne Toroor, Kamuktaindennyo, peetuusyek tisap konyil aeng', tugul ko peetuusyek taman ak ang'wan.

EZRAH 3:4

Ki riip igoorto ne po keryosyek, ko uu ye siraat ak kogoito kagoochinoik che kibeelei eng' peetuut age tugul kobee koiitennywa, ko uu kayomiset ak ko uu ye yamei poisyetap peetuut age tugul.

NEEMIA 8:14

Ki nyoor kole ki kisir eng' Ng'atuutik ko uu ye kiga ng'at `Kamuktaindet ne Toroor eng' Musa kole, kanyool komeny piigap Israel keryosyek eng' igoorto ne po arawetap tisap,

KOMONG'U 23:16

Riip igoorto ne po kesisyet eng' tongoanigap minutikyik che igooljini mbar. Riip kora igoortap peetuusyek che kiyumune tuguugap mbar eng' kagesunetap kenyiit, ye iyumi tuguugap poisyeng'ung' eng' mbar.

KOMONG'U 34:22

Riip igoortap wigisyek, nooto ko tongoanigap nganuuk ak igoortap peetuusyek che kiyumune tuguugap mbar, kogesugei kenyiit.

EZEKIEL 45:25

Yaei ineendet ko uu niito eng' arawetap tisap, eng' peetuutap taman ak muut ne po arawanooto, eng' peetuusyek tisap che po igoorto; yaei ko uu nooto eng' kagoochinetap tengekto, ak eng' kagoochinet ne kibeelei, ak eng' kagoochinetap peek che ng'ootiin ak eng' mwanik.

ATEPTAP LAWIK 23:33

Ki ng'alaalji `Kamuktaindet ne Toroor Musa koleenji,

ATEPTAP LAWIK 23:42

Omenye keryosyek peetuusyek tisap, ak menyei keryosyechooto tugul che salu Israel,

ATEPTAP LAWIK 23:43

si kobiit konai ibinwekwok che piitu let kole, ki agoochi piigap Israel komeny keryosyek, ye ki amutu icheek komang'une emetap Misiri. Aa Kamuktaindet ne Toroor Kamuktaindeng'wong'.”

KAITOSYEK 29:12

“Ak onyooru kayumetapkei ne itabaanat eng' peetuutap taman ak muut eng' arawetap tisap, amoyai poit age tugul ne po otwoknot. Oriipchi Kamuktaindet ne Toroor igoorto eng' peetuusyek tisap.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

JOHANA 7:2

Ak kiga riik igoortap Yahudik, igoorto ne po keryosyek.

NG'ATUTIK 16:16

“Ingobwa mureniguk tugul taitap Kamuktaindet ne Toroor Kamuktaindeng'ung' konyil somok eng' kenyiit eng' ole leweni ineendet eng' igoorto ne po magatiinik che ma kinde mermereek, eng' igoortap wigisyek ak eng' igoortap keryosyek. Amat kobwa taitap Kamuktaindet ne Toroor ak euut puch.

NG'ATUTIK 31:10

Yeityo kong'at `Musa pichooto koleenji, “Kenyiit age tugul ne igeesunegei kenyiitap tisap eng' peetuut ne ki king'at ne po kenyiit ne po katyaget eng' igoorto ne po keryosyek,

HEBRANIK 11:13

Ki pek chuuto tugul eng' kayaneet, ama taach arorutichooto, ago kiga kogeer ak koboiboitu kota komi ole loo, ko kagong'aany kole ki toek ak ko kiprutoinik eng' ng'wony.

HEBRANIK 11:9

Ki ek eng' kayaneet kiprutoiyot eng' emetap arorutyet, ko uu emet ne ma nenyi, komeng'ooti emaisyek, kobooto Isak ak Jakobo, che ki che namei arorutyonooto kobooto ineendet: