ATEPTAP LAWIK 23:3 - BUKUIT NE TILIIL Sireet ne Dutero Kanon

³ Kiyaei poisyet peetuusyek lo, ago peetuutap tisap ko sabato ne kimuung'e; kayumetapkei ne itabaanat. Amat oyai poisyo age tugul, nooto ko sabato eng' Kamuktaindet ne Toroor eng' meng'otosyekwok tugul.

Bukuit Ne Tilil

³ Kiyaei poisyet peetuusyek lo, ago peetuutap tisap ko sabato ne kimuung'e; kayumetapkei ne itabaanat. Amat oyai poisyo age tugul, nooto ko sabato eng' Kamuktaindet ne Toroor eng' meng'otosyekwok tugul.

BUKUIT NE TILIL

³ Kiyaei boisiet betusiek lo: ago betutab tisab ko sabato ne kimuung’e, kayumetab ge ne itabanat; amat oyai boisio age tugul: noto ko sabato eng’ Jehovah eng’ meng’otosiekwok tugul.

ATEPTAP LAWIK 23:3 ပူးပေါင်းရင်းမြစ်များ

KOMONG'U 16:23

Ki leenji `Musa icheek, “Nooto ko kiit ne ki mwa Kamuktaindet ne Toroor kole: ‘mutai ko kamuung'et, sabato ne itabaanat eng' Kamuktaindet ne Toroor. Obeel che omache obeel, ak oyoi che omache oyoi ak ogonorchigei che kang'et kobunji mutai.’ ”

KOMONG'U 16:29

Onai ole kagoonok anee Kamuktaindet ne Toroor sabato; eng' nooto anyun agoonok amitwogik eng' peetuutap lo che yamei peetuusyek aeng'; ingotebee chii tugul oldanyi, amat kwo ui eng' peetuutap tisap.”

KOMONG'U 16:30

Ki imuuny anyun piik eng' peetuutap tisap.

KOMONG'U 23:12

“Yai poisyeng'ung' eng' peetuusyek lo ak imuuny eng' peetuutap tisap. Iyae niito si kobiit komuuny eitang'ung' ak sigiryeng'ung' ak konyoor kamuung'et weeriitap otwogindeng'ung' ne tye ak toondet.

KOMONG'U 34:21

“Yai poisyet peetuusyek lo, ago imuuny eng' peetuutap tisap. Imuuny eng' peetuusyegap kabatisyet ak eng' peetuusyegap kesisyet.

ISAIAH 56:2

Iberuurot ne yaei chuuto, ak weeriitap chii ne namei chuuto miising' ne riibei sabato ama imurwoni, ne riibei eunnyi si ma yai yaityet age tugul.

ISAIAH 56:6

Amutu kogeny toek che namegei ak Kamuktaindet ne Toroor, si koboisyechi ineendet ak kocham kainetap Kamuktaindet ne Toroor, koek otwogikyik, age tugul ne riibei sabato ne ma imurwoni, ak konamei miising' arorutyennyu;

ISAIAH 58:13

Ngot iiste keeldong'ung' eng' peetuutap sabato, ameyai tuguuk che ichame eng' peetuunnyu ne tiliil; ak ile poiboiyet peetuutap sabato, ne tiliil ne po Kamuktaindet ne Toroor, ne po teegisto; ak igonyit peetuunooto, amesup ortinweguk, anan icheeng' che ichame, anan imwa ng'aleeguk:

ATEPTAP LAWIK 19:3

Ingoiywei chii age tugul kamennyi, ak kwandanyi, ak oriip sabatosyekyuk. Aa Kamuktaindet ne Toroor Kamuktaindeng'wong'.

LUKA 13:14

Ki nereech anyun pounindetap sinagogit, amu ki isoop `Jeso chiito eng' peetuutap sabato, ak komwachi tuiyet koleenji, “Miitei peetuusyek lo che nyolu koboisyee piik; obwa anyun eng' peetuusyechooto si kisaabok, ama eng' peetuutap sabato.”

LUKA 23:56

Ak ki weigei, koba kochop nyamdutik ak mwanik. Ak ki imuuny eng' peetuutap sabato ko uu ng'atuutyet.

POISYONIGAP CHE KIYOKTOI 15:21

Amu ki tinyei Musa kobooch ibinwek che po keny eng' nganasook tugul, icheeget che amdoi agobo ineendet, che kisomani eng' sinagogisyek eng' sabato age tugul.”

NG'ANG'UTYET 1:10

Ki ami eng' Kabuuset ne Tiliil eng' peetuutap Kiptaiyat, ak ki agas kutit ne oo eng' patennyu ko uu ne po iryageet