ATEPTAP LAWIK 23:21 - BUKUIT NE TILIIL Sireet ne Dutero Kanon

²¹ Oititen eng' peetuunooto; piitu kayumetapkei ne itabaanat eng' okweek; amat oyai poisyo age tugul ne po otwoknot. Niito ng'atuutyet ne po koigeny eng' meng'otosyekwok tugul eng' ibinwekwok tugul.

Bukuit Ne Tilil

²¹ Oititen eng' peetuunooto; piitu kayumetapkei ne itabaanat eng' okweek; amat oyai poisyo age tugul ne po otwoknot. Niito ng'atuutyet ne po koigeny eng' meng'otosyekwok tugul eng' ibinwekwok tugul.

BUKUIT NE TILIL

²¹ Ak oititen eng’ betunoto; biitu kayumetab ge ne itabanat eng’ okwek: amat oyai boisio age tugul ne bo otwoknot: ng’atutiet noto ne bo koigeny eng’ meng’otosiekwok tugul eng’ ibinwekwok tugul.

ATEPTAP LAWIK 23:21 ပူးပေါင်းရင်းမြစ်များ

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

KOMONG'U 27:21

Ingochobei Aron ak weeriikyik lapkeiyonooto eng' taitap Kamuktaindet ne Toroor kong'etee koskoleny agoi karon eng' emait ne kituiyechin eng' ole sip kemong'jin eng' angeet ne iyoitos emaitap Kamuktaindet, ne mi tai eng' paornateet. Egu ng'atuutyet ne po koigeny eng' ibinwekwak tugul agobo piigap Israel.

ISAIAH 11:10

Cheeng'ei pororyosyek eng' peetuunooto tigityotap Jesse, ne tononi koegu songolyetap piik; ak egu toroornatet ole imuung'ee.

ATEPTAP LAWIK 23:14

Amat oam magatya anan peek che kigelei, anan mesiisek agoi koit peetuuniito, agoi oibu kagoochinet ne po Kamuktaindeng'wong'. Niito ng'atuutyet ne po koigeny eng' ibinwekwok tugul eng' meng'otosyekwok tugul.

ATEPTAP LAWIK 23:2

“Mwachi piigap Israel leenjin, Igorwegap Kamuktaindet ne Toroor che ki king'at keele omwaite koek kayumosyegapkei che itabaanatiin, chooto igoorwekyuk che ki king'at.

ATEPTAP LAWIK 23:20

Ak koongoi tisiindet chooto kobooto magatiinik che po tongoanik koek kagoochinet ne kiongoi eng' taitap Kamuktaindet ne Toroor, kobooto mengichichooto aeng'. Tiliilitu eng' Kamuktaindet ne Toroor amu tisiindet.

ATEPTAP LAWIK 23:25

Amat oyai poisyo age tugul ne po otwoknot ak ogoite kagoochinet ne punei maat kigoochin Kamuktaindet ne Toroor.”

ATEPTAP LAWIK 23:31

Amat oyai poisyo age tugul. Niito ko ng'atuutyet eng' ibinwekwok tugul eng' meng'otosyekwok tugul.

ATEPTAP LAWIK 23:4

“Chu igoorwegap Kamuktaindet ne Toroor che ki king'at, kayumosyegapkei che itabaanatiin, che omwaitoi eng' peetuusyekwak che ki king'at.”

ATEPTAP LAWIK 23:7

Egu kayumetapkei ne itabaanat eng' peetuut ne po tai; amat oyai poisyo age tugul ne po otwoknot.

ATEPTAP LAWIK 3:17

Egu niito ng'atuutyet ne po agoi eng' ibinwekwok tugul eng' meng'otosyekwok tugul, ale amat oam mwanik ak korotiik.”

KAITOSYEK 18:23

Ago yaei Lawiik poisyetap emait ne kituiyechin, ak koip tengektonywa. Egu niito ng'atuutyet ne po koigeny eng' ibinwekwok tugul. Ago ma nyooru poroteet icheek eng' piigap Israel.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.