ATEPTAP LAWIK 21:11 - BUKUIT NE TILIIL Sireet ne Dutero Kanon

¹¹ Amat kwo ole miitei muusto, anan komurwongei amu kwan anan kamet.

Bukuit Ne Tilil

¹¹ Amat kwo ole miitei muusto, anan komurwongei amu kwan anan kamet.

BUKUIT NE TILIL

¹¹ anan kwo ole mitei musto, anan komuruongei amu kwandanyi anan kamet;

ATEPTAP LAWIK 21:11 ပူးပေါင်းရင်းမြစ်များ

ATEPTAP LAWIK 19:28

Amotil poorwekwok agobo piik che pegu, amobeel saremik alak tugul. Aa Kamuktaindet ne Toroor.

KAITOSYEK 19:11

“Murwoniitu peetuusyek tisap ineendet ne twaei muusto ne po chii age tugul.

KAITOSYEK 19:14

“Ng'atuutyet ni ne po chii ne kame eng' emait oriit: murwoniitu eng' peetuusyek tisap chii age tugul ne wendi emainooto oriit ak age tugul ne mi emait.

KAITOSYEK 6:7

Amat kong'wanitkei agobo kwan anan kamet anan ng'eetap kamet anan chepkamet ye kabek icheek, amu mi metinnyi katabaanennyi po kei ne itabaanjigei Kamuktaindet.

LUKA 14:26

“Ngo nyoonjo chii, ama wech kwanda, ak kamet, ak osotyonnyi, ak lagokyik, ak weeriik che tupcho, ak chepkametinik, ee ak saboondanyi agine, koma imuuchi koek kasubindennyu.

2 KORINTOEK 5:16

Nooto anyun kobooch nguno koma kingen chii age tugul eng' poorto: ago ngot ki kingen Kristo eng' poorto, koma kingen ineendet nguno ko uu nooto kogeny.

NG'ATUTIK 33:9

Ne ki mwa agobo kwandanyi ak kamennyi kole, ‘Ma ageer ineendet’; Ama nai che tupcho, Ama nai lagokyik: Amu ki isup icheek ng'olyoondeng'ung', Ak ki riip kayomiseng'ung'.