ATEPTAP LAWIK 20:26 - BUKUIT NE TILIIL Sireet ne Dutero Kanon

²⁶ Oegu che tiliileen eng' anee, amu aa tiliil anee Kamuktaindet ne Toroor, ne ki atabaanenak pororyosyek, si oegu chechuuk.

Bukuit Ne Tilil

²⁶ Oegu che tiliileen eng' anee, amu aa tiliil anee Kamuktaindet ne Toroor, ne ki atabaanenak pororyosyek, si oegu chechuuk.

BUKUIT NE TILIL

²⁶ Ak oegu che tililen eng’ ane: amu a tilil ane Jehovah, ak kiatabanenak bororiosiek, si oegu chechuk.

ATEPTAP LAWIK 20:26 ပူးပေါင်းရင်းမြစ်များ

NEEMIA 10:29

koginamgei ak tupchosyekwak, piikwak che taagunotiin ak ki iyasyo eng' chubisyet ak kayasyoet, kole kobendatee ng'atuutigap Kamuktaindet che ki kigoon eng' Musa otwogindetap Kamuktaindet. Ki iyasyo koriip ak koyai kayomisutik tugul che po Kamuktaindet ne Toroor Kiptaiyandennyo, kobooto kirwoogutikyik ak katigonutikyik.

TIENWOGIKAL 99:5

Otoroor Kamuktaindet ne Toroor, Kamuktaindennyo, Ak ogutung'ji eng' ng'echereetap keelyekyik keel: Tiliil ineendet.

TIENWOGIKAL 99:9

Otoroor Kamuktaindet ne Toroor, Kamuktaindennyo, Ak ogutung'ji eng' tulweennyi ne tiliil; Amu tiliil Kamuktaindet ne Toroor, Kamuktaindennyo.

KOMONG'U 33:16

Amu kinae nee nguno keele, kaanyooru chameet eng' taing'ung' ak piiguk? Tos ma amu kibendi kobooten ne yaech keegu che itabaanatiin, anee ak piiguk eng' piik tugul che mi ng'wony?”

ISAIAH 30:11

oistegei eng' ooreet, omaste eng' ooreet, ogoochi Ineendet ne Tiliil ne po Israel kosiis eng' tainnyo.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.

ATEPTAP LAWIK 19:2

“Mwachi tuiyet komugul ne po piigap Israel, ileenji, Oegu che tiliileen, amu aa tiliil anee, Kamuktaindet ne Toroor Kamuktaindeng'wong'.

ATEPTAP LAWIK 20:24

Ago ki amwaiwok aleenjok, ‘Onyabani emennywa, ak agoonok kobunjook emonooto nyiitaat cheego ak komi kumyat eng' chaang'indo.’ Aa Kamuktaindet ne Toroor Kamuktaindeng'wong', ne ki atabaanenak pororyosyek.

ATEPTAP LAWIK 20:7

Otabaange anyun, oegu che tiliileen; amu aa Kamuktaindet ne Toroor Kamuktaindeng'wong'.

ATEPTAP LAWIK 20:8

Oriip ng'atuutikyuk ak oyai. Aa Kamuktaindet ne Toroor ne atabaanok.

NG'ATUTIK 14:2

Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

JOSHUA 24:19

Koleenji `Joshua piik, “Momuuchi oboisyechi Kamuktaindet ne Toroor, amu ineendet ko Kamuktaindet ne Toroor ne tiliil. Ineendet ko Kamuktaindet ne Toroor ne amei ng'etkong'; ma nyoiywok kaat eng' pistoeng'wong' anan ko eng' tengekwogikwok.

NG'ANG'UTYET 3:7

“Ak isirchi malaikaiyatap kaniset ne mi eng' Philadephia, ileenji: Mwaei tuguuchu ineendet ne tiliil, ineendet ne po iman, ineendet ne tinyei yaateiwotap Daudi, ineendet ne yaatei, ama kerei chii, ak ne kerei, ama yaatei chii.

NG'ANG'UTYET 4:8

Ak nyiitootiin tyong'ichooto ang'wan saptos koonyek, komoswek tugul ak oriit, kotinyei age tugul kebebaik lo. Ama imuunyi icheek peet ak kemoi, komwaei koleen, “Tiliil, tiliil, tiliil, Kiptaiyat Kamuktaindet, Ne po Kamuktaet, ne ki mi ak komi ak ko tuun nyoonei.”