ATEPTAP LAWIK 20:2 - BUKUIT NE TILIIL Sireet ne Dutero Kanon

² “Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

Bukuit Ne Tilil

² “Ileenji piigap Israel, Chii age tugul ne igoochin lagokyik Molek, ngo age eng' piigap Israel anan age eng' punootik che meng'iisyei eng' Israel, kebarei chiichooto iman. Lachei piigap emet eng' koik.

BUKUIT NE TILIL

² Ilenji lagokab Israel, Chi age tugul ne igochin lagokyik Molek, ngo age eng’ lagokab Israel, anan age eng’ bunotik che meng’isiei eng’ Israel, kebarei chichoto iman: lachei bikab emet eng’ koik.

ATEPTAP LAWIK 20:2 ပူးပေါင်းရင်းမြစ်များ

1 LAITORINIK 11:7

Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.

2 LAITORINIK 17:17

Ki igoito weeriikwak ak tiibiikwak kobun maat. Kiboisyee ng'oorset ak ponisosyek ak koaldagei koyai yaityet eng' taitap Kamuktaindet ne Toroor, kotach ineendet konereech.

2 LAITORINIK 23:10

Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.

2 ATEPTAP PEETUUSYEK 28:3

Ki peel kogeny nyamdutik eng' atebweetap weeriitap Hinom ak kobeel lagokyik eng' maat, ko uu tuguuk che kiwechei che po pororyosyek, che kigaon Kamuktaindet ne Toroor eng' taitap piigap Israel.

2 ATEPTAP PEETUUSYEK 33:6

Ak ki igoito kogeny lagokyik kobun maat eng' atebweetap weeriitap Hinom: ak king'orso ak ki isogis, ak ki yai ponisyet, ak ki ng'alaal ak che poisyee oik ak pooniik: ki yai yaityet ne oo eng' taitap Kamuktaindet ne Toroor, kotach ineendet konereech.

TIENWOGIKAL 106:38

Kitumda korotiik che ma tinyei tengek, korotiigap weeriikwak ak tiibiikwak, che ki igoochi kanamonigap Kanaan koek tiseiywek; ak ki king'wanit emet eng' korotiik.

JEREMIA 32:35

Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.

JEREMIA 7:31

Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

EZEKIEL 20:26

ak ki amurwon icheek eng' konunoikwak icheegei, amu ki igoito lagok tugul che yaatei iyoteet kobun maat, si kobiit agoochi icheek kobononso, si konai kole aa Kamuktaindet ne Toroor.

EZEKIEL 20:31

Ak ye ogoitoi kagoochinoikwok, ye ogoitoi weeriikwok kobun maat, ko tos ma omurwonegei kanamonikwok agoi rani? Ko tos oteepsena, okweek kootap Israel? Mwaei Kiptaiyat Kamuktaindet ne Toroor kole, ko uu ye asabe, koma achame oteepsena:

EZEKIEL 23:37

Amu ki koyai ibeetapkei, ak komi korotiik eunekwak, ak ki koipkei kobooto kanamonikwak; ak Ki kogoochi icheek kogeny weeriikwak che kisikwa, ki igoito kobun maat si kobiit kebeel.

EZEKIEL 23:39

Amu ye kingo parchi lagokwak kanamonikwak, kobwa peetuunooto oldanyu ne tiliil komurwon; ak ogeero, ki yai nooto eng' koonnyu.

ATEPTAP LAWIK 17:13

“Ngo par chii age tugul ne po piigap Israel, anan eng' punootik che mi kobooto icheek, tyony age tugul anan toriityon age tugul ne ki amei, kotumda korotiikyik, ak kotuge ng'ung'unyek.

ATEPTAP LAWIK 17:15

“Ak chii age tugul ne amei kiy ne kame ineegei, anan ne kabar tyong'ik kotonaton, ngo chii ne ki sikyin kaa anan punootyot, ingomwet anyun ngoroikyik, ak kouungei, ak komurwoniit agoi koimen; yeityo anyun koanyinyit.

ATEPTAP LAWIK 17:8

“Ak ileenji icheek, Chii age tugul ne po kootap Israel, anan ne po punootik che mi kobooto icheek, ne igoitoi kagoochinet ne kibeelei anan tiseiywot,

ATEPTAP LAWIK 18:21

“Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

ATEPTAP LAWIK 20:1

Ki ng'alaalji `Kamuktaindet ne Toroor Musa koleenji,

ATEPTAP LAWIK 20:27

“Kibarei iman ne poisyee oik, ne muren anan ne kwony, anan chii ne poonin. Kilachei icheek eng' koik, ak tebee korotiikwak icheek.”

ATEPTAP LAWIK 24:14

“Imoong'u ineendet ne kosasiis kwo saang'utap nganaseet; ak ingogonoor eunekwak metinnyi icheek tugul che kogasei kosasisyei, ak kolage koik tuiyet komugul ineendet.

ATEPTAP LAWIK 24:16

Ineendet ne chubei kainetap Kamuktaindet ne Toroor kebarei iman. Lage koik iman tuiyet komugul chiichooto; ngo punootyo anan ne kisikyin kaa, kibarei ye kachup kainet.

ATEPTAP LAWIK 24:23

Ara ki ng'alaalji `Musa piigap Israel ak ki imut `icheek chiichooto kisasisyei kwo saang'utap nganaseet ak kelage ineendet koik. Ki yai anyun piigap Israel ko uu ye ki ng'at `Kamuktaindet ne Toroor Musa.

POISYONIGAP CHE KIYOKTOI 7:43

Ki oip okweek emait ne po Molok, ak kecheiyat ne po kanamwet Repan, kanamonik che ki oyai si osaa. Ara amu nooto autok obe Babilon pitoniin.’

NG'ATUTIK 12:31

Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.

NG'ATUTIK 17:2

“Ngo pitunee kwenung'ung' eng' kurgotiguk alak tugul che koonin Kamuktaindet ne Toroor Kamuktaindeng'ung' chii ne muren anan ne kwony, ne yaei ne ya eng' taitap Kamuktaindet ne Toroor Kamuktaindeng'ung' kobistoe arorutyennyi,

NG'ATUTIK 18:10

Amat kobiit eng' okweek ne igoitoi weeriinnyi anan cheptonyi kobun maat anan ne poisyee ng'oorset anan sageiywek anan ne isagisyei anan poonindet,

NG'ATUTIK 21:21

Ye Ibata kolage koik murenik tugul che po nganasennyi agoi kome. Iste anyun yaityet ko uu nooto eng' kwenung'ung' si kogas Israel tugul ak koywei.

NG'ATUTIK 22:21

kimut anyun chebooto agoi kurgeetap kootap kwandanyi ak kolage ineendet koik murenigap nganasennyi kot kome. Amu ki yai abusnateet eng' Israel, amu ki yai kugoinatet eng' kootap kwandanyi. Iste anyun ko uu nooto yaityet eng' kwenung'ung'.