ATEPTAP LAWIK 19:3 - BUKUIT NE TILIIL Sireet ne Dutero Kanon

³ Ingoiywei chii age tugul kamennyi, ak kwandanyi, ak oriip sabatosyekyuk. Aa Kamuktaindet ne Toroor Kamuktaindeng'wong'.

Bukuit Ne Tilil

³ Ingoiywei chii age tugul kamennyi, ak kwandanyi, ak oriip sabatosyekyuk. Aa Kamuktaindet ne Toroor Kamuktaindeng'wong'.

BUKUIT NE TILIL

³ Ingoiywei chi age tugul kamet, ak kwandanyi, ak orib sabatosiekyuk: a Jehovah Kamuktaindeng’wong’.

ATEPTAP LAWIK 19:3 ပူးပေါင်းရင်းမြစ်များ

TAUNET 48:12

Yeityo koisto `Joseph lagochooto eng' kutung'oigap Jakobo ak kong'uruuk ineendet agoi ng'wony.

NEEMIA 9:14

Ki iboorchi icheek konai sabatoing'ung' ne tiliil ak ing'atyi icheek ng'atuutik ak katigonutik ak Ng'atuutyet, eng' eutap Musa otwogindeng'ung',

KOMONG'U 16:29

Onai ole kagoonok anee Kamuktaindet ne Toroor sabato; eng' nooto anyun agoonok amitwogik eng' peetuutap lo che yamei peetuusyek aeng'; ingotebee chii tugul oldanyi, amat kwo ui eng' peetuutap tisap.”

KOMONG'U 20:12

Teech kwandang'ung' ak kamenng'ung' si kochang'a peetuusyeguk eng' emet ne koonin Kamuktaindet ne Toroor Kamuktaindeng'ung'.

KOMONG'U 20:8

Ibwaat peetuutap sabato, iriip itabaan.

KOMONG'U 21:15

Ineendet ne pirei kwan anan kamet, kebarei ne matiny.

KOMONG'U 21:17

Ineendet ne sasei kwan anan kamet, kebarei iman.

KALEWANAIK 1:8

Weeriinnyu, epchi iit kaneetisyetap kwandang'ung', amemete ng'atuutyetap kamenng'ung'.

KALEWANAIK 23:22

Epchi iit kwandang'ung' ne kisichin, amesas komet ko kagoosit.

KALEWANAIK 30:11

Mi ibinda ne chubei kwanisyekwak, ama iberuuri kametisyekwak.

KALEWANAIK 30:17

Kondap chiito ne chotei kwandanyi, ama chamei kogas iit kamet, kobalu chepkuginik che po atebweet, kong'ato, ak koam aaregap kipsichinik.

ISAIAH 58:13

Ngot iiste keeldong'ung' eng' peetuutap sabato, ameyai tuguuk che ichame eng' peetuunnyu ne tiliil; ak ile poiboiyet peetuutap sabato, ne tiliil ne po Kamuktaindet ne Toroor, ne po teegisto; ak igonyit peetuunooto, amesup ortinweguk, anan icheeng' che ichame, anan imwa ng'aleeguk:

EZEKIEL 20:12

Ki agoochi icheek kogeny sabatosyekyuk ak icheek, koek kaboorunet eng' kwenunnyu, anee ak icheek, si kobiit konai kole aa Kamuktaindet ne Toroor ne atabaani icheek.

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.

ATEPTAP LAWIK 19:25

Ak oam logoekwak eng' kenyiit ne po muut, si kobiit koiiywok logoek alak. Aa Kamuktaindet ne Toroor Kamuktaindeng'wong'.

ATEPTAP LAWIK 19:30

Oriip sabatosyekyuk, ak ogonyit koonnyu ne tiliil. Aa Kamuktaindet ne Toroor.

ATEPTAP LAWIK 19:31

“Amobe ye mi che poisyee oik anan pooniik; amocheeng'ate, si ma ing'wanitak. Aa Kamuktaindet ne Toroor Kamuktaindeng'wong'.

ATEPTAP LAWIK 19:34

Igeitu toondet ne meng'iisyei kobootok ak ne kisikyin kaa, cham ineendet ko uu ye ichamegei; amu ki oo toek eng' emetap Misiri. Aa Kamuktaindet ne Toroor Kamuktaindeng'wong'.

ATEPTAP LAWIK 23:3

Kiyaei poisyet peetuusyek lo, ago peetuutap tisap ko sabato ne kimuung'e; kayumetapkei ne itabaanat. Amat oyai poisyo age tugul, nooto ko sabato eng' Kamuktaindet ne Toroor eng' meng'otosyekwok tugul.

ATEPTAP LAWIK 26:2

Oriip sabatosyekyuk, ak ogonyit koonnyu ne tiliil. Aa Kamuktaindet ne Toroor.

MALAKI 1:6

Igoochin konyit weeriit kwandanyi, ak kogonyiti otwogindet kiptaiyandennyi. Ngot ko aa kwanda anyun, komi ano teegistanyu? Ak ngot ko aa kiptaiyat, komi ano kaiyweisyet ne kiywea? Mwaiwok Kamuktaindet ne Toroor ne po lugoosyek ee tisiik, che osase kainennyu. Omwae ole ki kisaste ano kaineng'ung'?

NG'ATUTIK 27:16

“Chuboot chii ne sasei kwanda anan kamet.” Ak kole piik tugul, “Amen!”

NG'ATUTIK 5:16

Teech kwandang'ung' ak kamenng'ung', ko uu ye king'atin Kamuktaindet ne Toroor Kamuktaindeng'ung', si kochang'a peetuusyeguk ak komyeeit eng' inyee eng' emet ne koonin Kamuktaindet ne Toroor Kamuktaindeng'ung'.

HEBRANIK 12:9

Ak ki kitinyei kwanisyek che po poorwekyok che ki kereech kong', ago ki kigonyiti icheek: tos ma kaigai kiming'inityige Kwanda ne po saboon, ak kesapche?