ATEPTAP LAWIK 18:21 - BUKUIT NE TILIIL Sireet ne Dutero Kanon

²¹ “Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

Bukuit Ne Tilil

²¹ “Amegoite iyoteng'ung' ibeelji Molek, ak amereeny kainetap Kamuktaindeng'ung'. Aa Kamuktaindet ne Toroor.

BUKUIT NE TILIL

²¹ Amegoite iyoteng’ung’ ibeelji Molek, ak amereny kainetab Kamuktaindeng’ung’: a Jehovah.

ATEPTAP LAWIK 18:21 ပူးပေါင်းရင်းမြစ်များ

1 LAITORINIK 11:33

Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.

1 LAITORINIK 11:7

Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.

2 LAITORINIK 16:3

Ago ki wendotee ortinwegap laitorinigap Israel, ee, ak kogoito weeriinnyi kobun maat, ko uu tuguuk che kiwechei che po pororyosyek, che ki oon Kamuktaindet ne Toroor koba eng' taitap piigap Israel.

2 LAITORINIK 17:31

ki yai Abik Nibas ak Tartak, ak ki peel Separbaik lagokwak kobeelji Adramelek ak Anamelek kanamonigap Separbaim.

2 LAITORINIK 21:6

Ki igoito weeriinnyi kobun maat, king'orso ak koboisyee ponisyet, ak kobois kobooto piik che poisyee oik ak pooniik. Ki yai yaityet eng' taitap Kamuktaindet ne Toroor, kotach ineendet konereech.

2 LAITORINIK 23:10

Ki ing'wanit Topet, ne mi atebweetap lagogap Hinom, si ma igoito chii weeriinnyi anan ko cheptonyi kobun maat kogoochi Molek.

2 ATEPTAP PEETUUSYEK 28:3

Ki peel kogeny nyamdutik eng' atebweetap weeriitap Hinom ak kobeel lagokyik eng' maat, ko uu tuguuk che kiwechei che po pororyosyek, che kigaon Kamuktaindet ne Toroor eng' taitap piigap Israel.

JEREMIA 19:5

ak ki koteekyi Baal komoswek che torooreen, si kobeel weeriikwak, koek kagoochinoik che kibeelei, kogoochin Baal; kiit ne ki ma ang'at, anan amwa, anan konyoonjo met:

JEREMIA 32:35

Ak ki teech komoswek che torooreen che po Baal, che mi atebweetap weeriitap Hinom, si kogoito weeriikwak ak tiibiikwak kobun maat kogoochi Molek; ne ki ma ang'at, ama kuura met, ale si kobiit koyai kii kiwechei; ak kogoochi Judah koyai tengekto.

JEREMIA 7:31

Kigoteech komoswek che torooreen che po Topet, ne mi atebweetap weeriitap Hinom, si kobeel weeriikwak ak tiibiikwak eng' maat; ne ki ma ang'at, ne ma kuura met.

EZEKIEL 20:26

ak ki amurwon icheek eng' konunoikwak icheegei, amu ki igoito lagok tugul che yaatei iyoteet kobun maat, si kobiit agoochi icheek kobononso, si konai kole aa Kamuktaindet ne Toroor.

EZEKIEL 20:31

Ak ye ogoitoi kagoochinoikwok, ye ogoitoi weeriikwok kobun maat, ko tos ma omurwonegei kanamonikwok agoi rani? Ko tos oteepsena, okweek kootap Israel? Mwaei Kiptaiyat Kamuktaindet ne Toroor kole, ko uu ye asabe, koma achame oteepsena:

EZEKIEL 23:37

Amu ki koyai ibeetapkei, ak komi korotiik eunekwak, ak ki koipkei kobooto kanamonikwak; ak Ki kogoochi icheek kogeny weeriikwak che kisikwa, ki igoito kobun maat si kobiit kebeel.

ATEPTAP LAWIK 19:12

Amoyosyechigei eng' kainennyu eng' lembech, agoi ireeny kainetap Kamuktaindeng'ung'. Aa Kamuktaindet ne Toroor.

ATEPTAP LAWIK 21:6

Egu che tiliileen eng' Kamuktaindennywa, amat koreeny kainetap Kamuktaindennywa. Amu igoitoi icheek kagoochinoik che punei maat, che po Kamuktaindet ne Toroor, chooto amitwogigap Kamuktaindennywa. Egu anyun icheek che tiliileen amu nooto.

ATEPTAP LAWIK 22:2

“Ileenji Aron ak weeriikyik, kotabaanegei tuguuk che tiliileen che po piigap Israel, che itabaanwa, si ma reeny kainennyu ne tiliil. Aa Kamuktaindet ne Toroor.

ATEPTAP LAWIK 22:32

Amoreeny kainennyu ne tiliil, ago kitabaana eng' piigap Israel. Anee Kamuktaindet ne Toroor ne atabaanok,

ATEPTAP LAWIK 24:15

Ak imwachi piigap Israel ileenji, Ibei tengektanyi age tugul ne sasei Kamuktaindennyi.

AMOS 2:7

Ityorchin metowegap kibananook temburyegap ng'wony, ak komaas ortinwegap che talaen, ak koba kwanda ak weeriinnyi koipkei ak chepto agenge, si kong'waniit kainennyu ne tiliil.

AMOS 5:26

Ee, ki oeet Sakut laitoryandeng'wong', ak Kaiwan kanamonikwok, kecheiyatap kamuktaindeng'wong', che ki oyachigei.

MIKAH 6:7

Tos paibaitune Kamuktaindet ne Toroor mengichik eliphuusyek, anan ainoosyek eliphuusyek taman che po mwanik? Tos agoite taaitanyu agobo pistoennyu, agoite iyoteetap poortanyu agobo tengektap saboondanyu?

MALAKI 1:12

Ago ong'waniti ye omwae ole, Murwon meesetap Kamuktaindet ne Toroor, ak ko sasootin logoekyik, agot amitwogikyik.

POISYONIGAP CHE KIYOKTOI 7:43

Ki oip okweek emait ne po Molok, ak kecheiyat ne po kanamwet Repan, kanamonik che ki oyai si osaa. Ara amu nooto autok obe Babilon pitoniin.’

ROMANIK 1:23

ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.

ROMANIK 2:24

Amu kichubei kainetap Kamuktaindet eng' kwenutap Pororyosyek, amu okweek, ko uu ye ki kisir.

NG'ATUTIK 12:31

Ameyachi ko uu nooto Kamuktaindet ne Toroor Kamuktaindeng'ung'. Amu kiy age tugul ne wegot eng' Kamuktaindet ne Toroor ne wechei ineendet, ko ki yachi ko uu nooto icheek kanamonikwak, amu peelei agot weeriikwak ak tiibiikwak kobeeljin kanamonikwak.

NG'ATUTIK 18:10

Amat kobiit eng' okweek ne igoitoi weeriinnyi anan cheptonyi kobun maat anan ne poisyee ng'oorset anan sageiywek anan ne isagisyei anan poonindet,