ATEPTAP LAWIK 17:8 - BUKUIT NE TILIIL Sireet ne Dutero Kanon

⁸ “Ak ileenji icheek, Chii age tugul ne po kootap Israel, anan ne po punootik che mi kobooto icheek, ne igoitoi kagoochinet ne kibeelei anan tiseiywot,

Bukuit Ne Tilil

⁸ “Ak ileenji icheek, Chii age tugul ne po kootap Israel, anan ne po punootik che mi kobooto icheek, ne igoitoi kagoochinet ne kibeelei anan tiseiywot,

BUKUIT NE TILIL

⁸ Ak ilenji ichek, Chi age tugul ne bo gotab Israel, anan ne bo bunotik che mi koboto ichek, ne igoitoi kagochinet ne kibeelei anan tiseiywot,

ATEPTAP LAWIK 17:8 ပူးပေါင်းရင်းမြစ်များ

2 SAMUEL 24:25

Ki teekyi `Daudi Kamuktaindet ne Toroor kaptisisyet eng' yooto ak kogoito kagoochinoik che kibeelei ak kagoochinoigap kaalyeet. Ki kasyi anyun `Kamuktaindet ne Toroor icheek riirek agobo emet ak ki kiraany koroitap ng'wony kosiis eng' Israel.

ATEPTAP LAWIK 17:10

“Ngo am korotiik alak tugul chii age tugul ne po kootap Israel, anan ne po punootik che tebyei kobootok, ko wechei togeennyu ineendet ne amei korotiik, ak ang'etoi ineendet eng' piikyik.

ATEPTAP LAWIK 17:4

ama ket konyo kurgeetap emait ne kituiyechin, si kogoito koek kagoochinet ne igoochin Kamuktaindet ne Toroor eng' taitap kootap Kamuktaindet ne Toroor, ki ityin chiichooto korotiik. Kagotumda korotiik, ak king'etoi chiichooto eng' piikyik.

ATEPTAP LAWIK 17:7

Si mata koeng'ji oik tiseiywekwak kogeny, che kocham kosuboti koibegei tugul. Egu ng'olyoondoni ng'atuutyet ne po koigeny eng' icheek eng' ibinwekwak tugul.

ATEPTAP LAWIK 17:9

ama ket agoi kurgeetap emait ne kituiyechin, si kobiit koeng'ji Kamuktaindet ne Toroor, king'etoi chiichooto eng' piikyik.

ATEPTAP LAWIK 3:7

Ngo koitoi mengit koek kagoochinennyi, kogoitoi eng' taitap Kamuktaindet ne Toroor,

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

JOSHUA 22:11

Kingo kas piigap Israel kemwaei koleen kogoteech kaptisisyet lagogap Reuben, lagogap Gad ak kebebertap pororyetap Manasseh eng' taitap emetap Kanaan, eng' kooret ne neegit Jordan, eng' komosta ne po piigap Israel,

JOSHUA 22:15

Ki pwa anyun ole mi lagogap Reuben, lagogap Gad ak kebebertap pororyetap Manasseh eng' emetap Gilead ak kong'alaalji koleenji,

JOSHUA 22:16

“Kamwa ko uu ni tuiyet komugul ne po Kamuktaindet ne Toroor kole, ‘Nee chalwogi kooyachi Kiptaiyat Kamuktaindetap Israel, kot omaste rani eng' kasubet ne osubi Kamuktaindet ne Toroor amu kooteekyigei kaptisisyet ak ongelelji Kamuktaindet ne Toroor rani?’

KIRUOGIK 6:26

Yeityo iteekyi Kamuktaindet ne Toroor Kamuktaindeng'ung' kaptisisyet eng' paragutap irimoniito, kotetak komyee, ak ikweri kirgit ne po aeng' ak igoite kagoochinet ne kibeelei kobooto kweenigap Asera che iebe.”

1 SAMUEL 10:8

Yeityo ichoortegei indoena iwe Gilgal amu achoorugei ole imi, anyoo agoite kagoochinoik che kibeelei, ak aeeny tiseiywek che kagoochinoik che po kaalyeet. Igenisye peetuusyek tisap agoi aitu ole imi si aboorun kiit ne iyae.”

1 SAMUEL 16:2

Ki mwa Samuel kole, “Awetitoi ano? Ngot kogas Saulo, kobara.” Koleenji Kamuktaindet ne Toroor, “Kweri rooryat, ak imwa ile, ‘Kanyo aeng'ji Kamuktaindet ne Toroor.’

1 SAMUEL 7:9

Ki nam Samuel aarwetap keechiir ne reryei ak kogoito komugul koek kagoochinet ne kibeeljin Kamuktaindet ne Toroor. Ak ki riirchi `Samuel Kamuktaindet ne Toroor agobo Israel ak ki wolji `Kamuktaindet ne Toroor ineendet.